كشفت الحلقة رقم 21 من مسلسل “الاختيار 3″، أمس الجمعة، عن تسريب جديد وهو مقطع مصور جمع الرئيس المصري الحالي عبدالفتاح السيسي، والقيادي الإخواني خيرت الشاطر والرئيس الأسبق محمد مرسي وسعد الكتاتني.

وفضحت التسريبات مخططات الإخوان في مصر خلال فترة حكمهم للبلاد وإصرارهم على السيطرة على مفاصل الدولة وممارسة البلطجة السياسية؛ حيث وجه السيسي تحذيراً شديد اللهجة من حالة عدم الاستقرار في البلاد، أو استهداف المسيحيين خلال احتفالاتهم، مشدداً على فهم القوات المسلحة للوضع الحالي على قدرتها على التدخل.

وتساءل السيسي عن مبادرة الجماعة لمواجهة هذا الوضع، وحذر من تخليهم (الإخوان) عن تلك المسؤولية، موجهًا كلامه إلى مرسي والشاطر قائلاً: “إحنا أولى الناس وأحرص الناس على إن مايكونش فيه أبداً لا إصابات ولا حالة عدم استقرار في مصر، لكن الوضع اللي على الأرض غير كده، لأن الوضع على الأرض بيستهدف ده، وإن معرفش يجيلك النهاردة في الميدان هيجيلك في حتة تانية”.

وأضاف: “الانتخابات بكرة، يضرب حد بالنار ضابط أو عسكري عشان يعمل حاجة تانية، يروح جاي على الكنائس يا دكتور سعد خلال الكام يوم الجايين فيه احتفالات بتاعة المسيحيين سواء اللي قبل أو اللي بعد، قبل ديسمبر أو في 7 يناير، عشان يعمل حاجة تالتة ده موضوع مش محتاج بس جهد أقل من كده، لأ، ده محتاج جهد أمني وجهد منكم”.

واستطرد في حديثه لقيادات الإخوان: “ما هي مبادرة الإخوان لحل المسألة دي اللي إحنا فيها؟ أنتم ليكم مبادرة تعملوها لأن أنتم قوة لكم مكانتكم على الأرض ولكم قدرتكم وكفاءتكم ولكم تقلكم.. اللي ميعملهاش يبقى هو بيتخلى عن المسؤولية..”، متابعًا: “إن حالة الفهم المتواجدة عن الموقف أو أسبابه دي مسؤولية أمام ربنا مش أمام بس مصر”.