كشف المنتج عصام إمام، شقيق الزعيم عادل إمام، اليوم الأحد، عن الحالة الصحية لـ الزعيم، مشيرًا إلى أنه بصحة جيدة.
وقال عصام إمام في مداخلة هاتفية: “الحمدلله هو بخير … وعايش حياة طبيعية جميلة وبيلعب مع أحفاده علطول لأنه بيحبهم .. يعني هو كويس الحمدلله احنا مش هنخبي حاجة عليكوا ومعندناش حاجة نخبيها”.
وعلق على الشائعات الموجودة على مواقع التواصل الاجتماعي حول الحالة الصحية للزعيم عادل إمام، قائلاً: “ديه كلها شائعات .. والناس بيقعدوا يتصلوا بينا وتليفونات رايحة وجاية .. وامبارح جالي تليفون من استراليا .. أنا تعبت من المكالمات والمداخلات مع البرامج والله”.
وأضاف شقيق الزعيم عادل إمام: “معنديش مانع تتصلوا تطمنوا لكن احنا ليه مش بنقول الحقائق .. ليه بتحبوا تنشروا الشائعات .. ليه دائماً تكتبوا عنه أنه في المستشفى .. وفي حالة حرجة .. وحالته الصحية سيئة .. وهو كويس أصلاً .. نفسي أعرف السبب”.
وتابع: “عادل إمام بصحة جيدة، وحالته الصحية كويسة .. وبيجهز لعمل جديد ، فيلم اسمه “الواد وأبوه”، للفنان عادل وابنه محمد .. وإخراج رامي إمام .. وإنتاج عصام إمام”.
التعليقات
اترك تعليقاً