أوضح المخرج رامي إمام حقيقة اعتزال والده “الزعيم” عادل إمام التمثيل بعد تداول أنباء عن تعرضه لوعكة صحية واعتزاله التمثيل.

وقال نجل عادل إمام: ” والدي مكمّل شغله وأعماله… وأتمنى أن يجمعني به مشروع فني جديد ، مضيفا “الحمد لله هو بخير ودائماً الناس بتسألني عن صحته وأنا بطمن كل الجمهور وهو حالياً في إجازة”.

وتابع: “أنا مش عارف ليه الناس مش مركزة غير مع الحالة الصحية للزعيم عادل إمام بس… ليه الناس متخيلة طول الوقت إن الزعيم تعبان وحالته الصحية مش كويسة، أنا بيسألوني عن حالته كتير أوي وكأن مفيش غير بس صحته”، مؤكداً: “الزعيم صحته زي الفل والحمدلله كويس ومش تعبان ومفيهوش أي حاجة وحشة نهائي وهو بيطمنكوا متقلقوش عليه”.

يجدر الإشارة إلى أن آخر عمل فني قدّمه عادل إمام كان مسلسل “فلانتينو” الذي عُرض في موسم رمضان قبل الماضي، من إخراج نجله المخرج رامي إمام.