أكدت الفاشينيستا الكويتية دانة طويرش، اليوم الثلاثاء أنها لن تقبل بأقل من 50 ألف دينار كويتي لكي تتكلم عن اتهامها في قضية غسيل الأموال وذلك عقب إخلاء سبيلها.
وأوضحت دانة طويرش: ” حبيت أتشكر منكم كلكم على كلامكم ودعائكم وسؤالكم الطيب.. إن شاء الله الأمور تكون أحسن من اللي إحنا قاعدين نمر فيه بالوقت الحالي ويا رب الأمور تتسهل لي ولغيري والناس تكون على بينة.. أنا ما قدر أتكلم على اللي صار في ناس وايد تبيني أتكلم.. لكن أنا ما أقدر أتكلم لأسباب عديدة وإن شاء الله في الوقت المناسب هتكلم.. بس حبيت أتشكر منكم واحبك وايد ” .
وقالت الفاشينيستا الكويتية:” بس في نقطة واحدة أحب أوضحها حق القنوات والبرامج الإخبارية لو تموتون مني من هنا للسنة الجاية ما راح أطلع.. أقل من 50 ألف عشان أطلع في برنامج لكي أتكلم ما راح أطلع.. تدرون ليش لأني أنا ما راح أعطيكم المشاهدات اللي إنتوا تبونها ولا الخبر اللي تبونه” .
وأضافت:” لو بغيت أطلع وأتكلم راح أطلع من سنابي عشان المشاهدات تصعد فوق فوق فوق والفيديو ينشر أكتر.. فلو هتكلم أنا مو غبية أطلع في برامجكم.. فلو سمحتوا ما تقدموا خدمات أني أطلع وأبرر.. لا حبايبي تعرفون امتى تتشمتون وامتي تتكلمون عدل.. رجاء خاص أي برنامج أعرفه أو ما أعرفه أو أي صحفي أو مذيع يدق علي مشان أطلع معاه راح أحط المسج على السوشال ميديا.. ما راح أطلع أبرر انتوا كذابين وتلفقون القصص ” .
واستطردت:” أنا مرة في إحساس ربي وحده اللي عالم فيه.. واللي يقولون لها قدرة تطلع وتتكلم وتسوي إعلانات .. راح أكمل حياتي لأنه اللي في القلب أنا وربي واللي حوليني يعلمون فيه.. فخلوا اللي بالقلب بالقلب الجرح يعور وأنا وايد متأثرة وحايشني شعور ما يتوصف.. بس الواحد بتبصر ويقول إن شاء الله ربنا هيفرجها ” .
التعليقات
هههههههه… امثالك لا يتنفسون الا عبر الشاشة والظهور لسبب ولدون سبب. وشرطك اليوم بخمسين الف دينار بكرة بخمسين هلله .
حذرو ابناءكم وبناتكم من مشاهير السوشيال ميديا لايعتبرون قدوه لاخلقا ولاادبا وانما مسوقين لمصالحهم وياخذون عليها مقابل مادي والضحيه المراهقين من الجنسين اللذين يصدقونهم
ما نشر الفساد والإنحطاط الفكري وألأخلاقي في مجتماعاتنا الخليجية المحافظة وما نشر التمرد وشجع
الفتيات والنساء على عصيان أبائهم وأزواجهم إلا إنت وأمثالك من عبدات المال .
لكن سقطت أقنعتكم كلكم دفعة واحدة ألأن وبانت حقائقكم المتوارية خلف مساحيق العبارات الرنانة
التي تخدعون بها الساذجات من الفتيات والنساء بإسم الحرية والحقوق .
لاتفرحن بخروجكن كثيرآ فخرجوكن كان بكفالة مالية وممنوعات من الحديث والسفر حتى تنتهي الجهات
المختصة منكن والقضاء عليكن بإذن الله لترتاح المجتمعات من عفنكم الذي أزكم أنوف الحيوانات .
هكذا وإلا فلاااا ياشطوره مدري طروشه باالطوشه .. التجاره تبي شطاره ..
.. بس تري القضيه لسى باقي بها تحقيقات ، لاتفتكري انك خلصتي .. هي فترة بريك ..
اترك تعليقاً