بالفيديو.. فرح الهادي غاضبة بعد إخلاء سبيلها في قضية غسيل الأموال

خالد الظفيري (صدى):
علقت الفنانة الكويتية فرح الهادي، اليوم الثلاثاء، لأول مرة بعد إخلاء سبيلها في قضية غسيل الأموال، معربة عن غضبها الشديد لاستغلال أزمتها لنشر الشائعات عنها هي وزوجها الفنان الكويتي عقيل الرئيسي.

وصرحت فرح الهادي: " للأسف وايد عيب أن أحد يستغل موضوع عشان مشاهدات.. وليس من حق أي أحد يتكلم عن موضوع خاص والمفروض يكون في احترام حق أي شي صاير مع أي أحد.. فما حبيت حد يشتغل لقطة معينة عشان مشاهدات زيادة وايد عيب ".

وأوضحت الفنانة الكويتية: " أنا ما راح أسمح لأي أحد يجيب سيرتي أنا وزوجي.. ما حق أحد يتدخل بشي ما يخصه.. عشان تسوون لكم محتوى في سنابكم الفارغ "عيب" وشكرا "؛ مضيفة: " شكرا لكل من سأل عني أمس وقعد يحاكيني ويدعيلي ويطمنون علي وايد وايد شكرا كمية رسايل وتعليقات قرأتها وايد أسعدتوني " .

وقالت فرح:" أنا الحمد لله كل شيء تمام وما أقدر أتكلم في أي تفاصيل تخص الموضوع.. إن شاء الله لقدام يكون مسموح أتكلم وأطمنكم أكتر"؛ متابعة: " شكرا لكل من ساندوني ووقفوا معي.. شكرا حق المحامي خالد الخبيز على مجهوده وتعبه.. وإن شاء الله كل شي يرجع تمام ونعدي كلنا من هذا الموضوع ".

وأضافت:"الحمد الله والله شعور وايد حلو وهذه الخيرة بكل اللي صار لي.. ما تصدقون شكثر تعلمت وكبرت وقويت بعد أمس.. وشكرا حق أهلي وزوجي وأختي .. وآسفة أني خوفتكم على لكن أمس كلهم تعبوا وما قصروا طول اليوم".

Time واتساب