Time واتساب

أحدث التعليقات

ابوبدر
فعلا ابومحمد كلامك صحيح. التعوذ من السيطان الرجيم وتجاهل صاحب المشاكل. والشيء بالشيء يذكر. اليوم بعد صلاة الجمعة رحت اشري غداء ووقفت السيارة ونزلت وفيه رجل باين انه ماهو صغير. فجاء نظري باتجاهه وهو جلس يناظر فيني ووقف ورجع لي ريوس. يقول لي وش بك تناظر فيني. فضحكت وقلت له عادي مافيه شيء وسالته هل لاحظت مني اساءة او شيء خلاك تسأل. فرد على بتهكم وطلع راسه من الشبك ويأشر على شعر راسه وقضب شيء من الشعر وقال تراه شيب ابيض والظاهر انه يبي يوريني انه مقطع السمكة وذيلها. فانا بصراحة طقطقت عليه بلحظتها وقلت بصوت حزين. ليه بتموت؟ فضحكوا اللي كانوا واقفين. فقلت له ياخي اترك الشر عنك ورح بحالك. كلام ما ينفع ليه ناظرت وليه طالعت فيني. هذا مايصير وانت شايب زي ما تقول المهم. دعس بنزين بسرعة ومشى وهو قفاه يقمر عيش. لمن ذكرت هالامر علشان فعلا لازم الواحد ينتبه لان فيه اشخاص يدورون الشر دواره. وتخاف انه يكون لا سمح الله ابن موت يعني ممكن تسوي شيء ويموت فتبلش فيه. اعوذ بالله السميع العليم من الشيطان الرجيم ومن شر الشيطان وشركه ومن اتباعه واعوانه. وكفانا الله واياكم كل سوء.