ردت دارين حلمي ملكة جمال الكون لعام 2019، على الاتهامات التي وُجهت لها خلال الفترة الماضية، بأنها السبب وراء إصرار سمر أبو شقة الزوجة الأولى للفنان المصري تامر عاشور على الطلاق.

ونشرت دارين حلمي منشورًا مطولًا عن علاقتها بتامر عاشور عبر إنستعرام، جاء فيه :”نظرًا لاتهامات و إشاعات اتوجهت لي الفترة اللي فاتت و بدون وجه حق فكان لازم أخرج عن صمتي و أوضح موقفي لإن مش دارين اللي تاخد راجل متجوز أو تكون سبب في خراب بيت حد.. تامر دخل البيت من بابه و اتقدم لأهلي رسمي على أساس انه مُطلق و ده اللي أنا كنت فاهماه زي زي جمهوره _ عادي ان بنت ترتبط براجل مُطلق مش ازمه _ و حصلت الخطوبة بشكل رسمي و مشيت الأمور في مجراها الطبيعي لحد ما بالصدفة اكتشفت انه لسة زوجته على ذمته و فيه قضايا بينهم و لم يتم الانفصال بشكل رسمي”.

وأضافت:” اي بنت في الموقف ده طبعًا لازم تنسحب مهما كان الحب و مهما كانت العواطف لأن مش دارين حلمي اللي تاخد راجل من زوجته مهما كان هو مين.. أنا صممت على فسخ الخطوبة بمنتهى الاحترام ما بيني و بينه لأنه مينفعش و كل التوفيق و النصيب بإيد الله. ربنا يوفقه في حياته و يوفقني في خطواتي الجاية ان شاء الله”.

وأختتمت حديثها قائلة: “تامر انسان محترم مشفتش منه غير كل خير واحترام وحب و أنا بحترمه على المستوى الفني و الشخصي لكن ده نصيب و ربنا يوفقه في حياته واتمني محدش يتكلم في حاجه ميعرفش تفاصيلها “.