بالصور.. فني كاميرات يتجسس على سيدة ويبتزها بصورها الخاصة

شهدت مصر واقعة غير أخلاقية، لقيام فني كاميرات بزرع كاميرات تجسس في منزل سيدة كانت استعانت به لتركيب كاميرات مراقبة في منزلها في ظل غياب زوجها وخوفها من اللصوص.

وقالت السيدة: “جه فعلا ركب الكاميرات اللي كنت محتاجاها داخلي وخارجي، في 5 ساعات، وطلب كمان تليفوني قالي هحتاج أنزلك من عليه برامج، واللي اكتشفت بعدها إنها هاكر على الـ g mail بتاعي”.

وأضافت: “بعد فترة بدأ يجيلي مكالمات غريبة من رجالة بتساومني على علاقات غير مشروعة وفلوس، ومعاهم صور ليا ومعلومات كتير عني، وأنا معرفش فعلًا مين دول وجابوا الحاجة دي منين”؛ لتتلقى فيما بعد مكالمة من أحد الأشخاص يحذرها من فني الكاميرات.

وتابعت السيدة: “لاقيت حد كلمني قالي ده مش فني ولا حاجة لأن شركته مقفولة من سنين، ده زارعلك أجهزة تجسس متوصلة بشرايح موبايل بتنقله كل حاجة، وكان عاوزني كمان أخطف بنتك الرضيعة مقابل 50 أو 100 ألف جنيه”، فيما قررت فحص منزلها لتجد بالفعل 3 أجهزة تجسس :” عرفت إنه مُبتز فعلا وكانوا تبع بعض واختلفوا فالتاني بيحذرني عشان ينتقم منه”.