أقدمت امرأة مصرية على رفع دعوى خلع ضد زوجها؛ بسبب علاقته الغريبة مع زوجة والده.

وتقول السيدة المصرية إنها لم تتخيل مثل هذه العلاقة بين زوجها وزوجه والده وكانت تتعامل معها كما لو كانت في منزلة أمها الثانية .

وتابعت : ” اتصدمت لما شوفتها بعتاله صورها وهي بلبس البيت وبتقوله بس انت بتعرف تحط المانكير مظبوط، وبعتاله صور رجلها اللي حطلها عليها المانكير، وأما دورت في الشات وقلبت فيه طلع فيه بينهم بلاوي ومعرفتش أعمل إيه غير إن أنا اروح عند أهلي علي ما أفكر وأشوف هعمل ايه “.

واستكملت : ” حمايا بيروح شغله كل يوم ويرجع على الساعة 9 بليل يقعد على القهوة شوية ويرجع البيت، خفت من رد فعله لو قلتله، ومن اللي هيحصل “.

وأضافت : ” صحبتي نصحتني متكلمش لحد ما أتاكد من كل حاجه وأشوفهم بعيني، وفضلت متبعاهم أكتر من شهر لحد ما في يوم حمايا سافر عند بنته، وهو راحلها وأنا شوفته وهو داخل البيت استنيت شويه، وطلعت خبطت عليهم وهي مفتحتش ولا ردت عليا، واتصلت بحمايا قولتله، بس طلعوني كدابة وإن أنا عايزة أطلق وبتبلي عليه عشان يطلقني واخد العفش والمؤخر وحمايا سبني بأهلي وطردني من البيت “.

ورفض زوجها تطليقها واتهمها بالجنون لذلك لجأت للقضاء.