شرطة تبوك تقبض على عدد من مطلقي النار في الأعراس

اطلاق النار في الاعراس
والسرعة والتفحيط
هذي مالها حل أبد?

الله يقويهم

والله طالما لم يتم منع اقتناء السلاح بدون لازم مثل ان يكون صاحبه يسكن على احد الحدود والا ساكن في بر (واذا يبغى ينزل لاي مدينة يمنع عليه ان يصطحبه) فاعلموا ان الاطلاق لن يتوقف واستخدامها في الشر والمضاربات لان ساعة الشيطان صاحب العقل الرزين يغدي مثل المجنون ولكم عبر في كثير من العقلاء الذين غر بهم الشيطان واخرتها قصاص او الى الان ينتظر الحكم).

النصيحة ببلاش.. امنعوا اقتناء السلاح فعواقب اقتنائه وخيمة جدا وامنيا ولكم في اليمن عبره.

اشتروا الاسلحة من المواطنين مثل ما عملت نيوزيلاند.

حنا والله بامن وامان ولا نحتاج لها بفضل الله ولا يكاد يخلو طريق الا وفيه دورية ومراكز الشرطة فيه وامن الطرق فيه ومراكز التفتيش فيه والحمدلله. اجل ليش يكون في كل بيت سلاح ليه.وش اللازم. اذا ما عندنا بلاء ولا عندنا قطاع طرق وتطلع بالليل والنهار بامن وامان. وش هو السبب لاقتنائه.

لا احد يجي مطفي النور ويقول فرضنا.. هذي فرضنا باسبابها الناس تذابحت وانقصت وانسجنت ماديا ومعنويا وكله بسبب فرضنا.

هو حنا ما نفرض الا حصول الشر؟

ليه ما نفرض حصول الخير؟

والله قد يكون السماح باقتماء السلاح هو السبب الرئيسي للتذابح والمضاربات وفرد العضلات.

اسأل الله ان يديم علينا نعمة الامن والامان ولغاية ما اموت وانا سانادي واناشد بمنع اقتناء الاسلحة.

خير ماسويتوا ..