أوضح الفنان المصري محمد رشاد، حقيقة عودته إلى خطيبته المذيعة مي حلمي؛ عقب إلغاء حفل زفافها قبل ساعتين من اتمامه نهاية العام الماضي؛ حيث ألمحت مي مؤخرًا إلى عودتهما وتصالحهما.
وعلق ” رشاد ” على صورة من زفافه نشرها عبر تطبيق ” إنستجرام ” قائلًا: ” شفت شماتة في أكتر يوم كنت بستناه مع أكتر بنت حبيتها فعمري كله وكنت بحسها بنتي وحبيبتي وصاحبتي طبعا من وقت المشكلة اللي حصلت اليوم دا لحد النهاردة استفدت كتير من اللي حصل .. أولهم إن ناس كتير ممكن تبين فرحتهم وهما مش فرحانيين ليك من قلبهم دا تمثيل ووقت المشكلة بيتحول الفرح لتصفية حسابات على حساب أي حد ” .
وتابع محمد رشاد: ” تاني حاجة ناس كتير بالذات في مجالي هتبين انهم اصحابك وبيحبوك وعايزين يفرحوك ووقت السبق هتلاقيهم أول ناس بيستغلوا الخبر عشان محدش يسبقهم ويبقوا أوائل الناس حتى لو بكدا بيخوضوا في تفاصيل حياتك الشخصية ” ، متابعًا: ” في الاخر مش هيفضل غير اللي بيحبك وبيتمنالك الخير.. الناس وآرائهم مش هيكملوا معاك حياتك بس اللي بيحبك وعايزك معاه هوا بس اللي هيفضل ” .
واستطرد ” رشاد ” مختتمًا تصريحاته: ” يا رب لو في خير بينا يجمعنا تاني مع بعض ولو النصيب مش خير يهدي كل واحد لطريق سعادته حتى لو مش مع بعض.. اتمنولنا الخير ولكم المثل يا رب ” .
التعليقات
اترك تعليقاً