” البنوك ” تحذر من إيقاف الخدمات البنكية في حال تجاهل العنوان الوطني

لو حصلت على صندوق بريد وكل جيرانك في الحي حصلوا على صناديق حيكون الرمز البريدي واحد -ولو كان واحد في شرق المدينه وواحد في الغرب يختلف الرمز الا لو كانت المدينه صغيره نجد كل السكان رمزهم واحد-

الحصول على الرمز البريدي لايتطلب صندوق بريد-كل حي في العالم له رمز بريدي-كما في المملكه-بعض المدن الكبيره لها اكثر من رمز بريدي والمدن الصغيره لها رمز واحد-ويمكن الحصول عليه عن طريق الدخول لموقع البريد او غيره من المواقع التي تحدد الموقع-واكتب اسم المدينه والحي- ويطلع لك موقعك على الخرائط فيه الرقم محدد بالتفصيل-

بدون مايكون عندك **

بدون مايكون عدك صندوق بريد ولا تشترك المهم تعرف اسم الشارع واسم الحي والرقم اللي على الباب مكن من (4 ) ارقام وتروح للبريد المركزي ويقولك الموظف هذا الحي على الشاشه قوقل وين البيت بالضبط ويعطيك الرقم والرمز بدون مقابل وهذا الشي حصل معي انا قدمته للجوازات وصلوا لي الجواز حتى البيت برسم (15 ) ريال وللبنك بدون أي رسوم

اخوي السحاب تسلم على الرد .

لكن يا اخوي عشان يكون عندك رمز بريدي لازم تشترك في البريد ويكون عندك صندوق بريد .

هم يلفون ويدورون على هاذي الجزئية الله يسلمك ياغالي .

اما بقية المعلومات فهي مجرد تحصيل حاصل مافيها اي إشكالية ولا تكلف المواطن أي مبالغ شهرية او سنوية

اتمنى تكون الصورة اتضحت عندك الأن ولك شكري وتحياتي .

هناك احياء شعبية كثيرة شوارعها غير مسماة وبيوتها غير مرقمة اصلآ .

حتى فواتير الكهرباء والماء مكتوب في خانة إسم الشارع ( شارع غير مسمى )

الموضوع هو موضوع لي اذرع من اجل تحصيل اموال من المواطنين بحجة صندوق البريد .

حبيبي القرشي المطلوب العنوان الوطني وليس صندوق البريد
عزيزتي نجاه يمكن وضع رقم الاهل او احد من اخوانك كعنوان وطني حتى يتم الترقيم-وكل ذلك اليا-

اذا مافيه راتب لين تجي الأرقام والاسماء

اصلا انا في حي جديد لا ارقام علي البيوت ولا حتي اسم للشارع

يبغون الناس يفتحون صناديق بريد بالقوة ودفع إشتراكات سنوية للبريد .

بالله عليكم مواطن عادي ماعنده أي اعمال تجارية او مراسلات خارجية او داخلية ممكن يحتاج فيها

لصندوق البريد ليش ترغمونه على شي هو ماهو في حاجة له ؟ حسبنا الله ونعم الوكيل .