تعليق ” أم نوف ” وزوجها بعد تأييد حكم انفصالهما في ” تكافؤ النسب “

لاحول ولاقوة الا بالله

الحين القاضي هذا تحت اي تشريع قام باصدار حكم التفرقه

((وظلم ذوي القربى أشد مضاضة على النفس من وقع الحسام المهند)).

من اجمل الردود

ياخي الناس هنا تاهجم ولا تعرف وش القضيه نسال الله لكم ولي الهدايه

اكيد فيه امور ما احد يعرفها

للأسف الشديد:-هذا تدخل سلبي في خصوصية الأقربين للبعد عن مخافة اللوم والنقد من الناس،،يعني صار البحث عن إرضاء الناس وماذايقولون،،أهم من مخافة الله وخشيته.
((وظلم ذوي القربى أشد مضاضة على النفس من وقع الحسام المهند)).

معهم حق يجي طرش وياخذ بنت رجال حسب ونسب وهذا خواته تلاقيهم بالمدرجات يتابعن مباريات وكاشفات ومدري ايش معهم حق يفصلون بنتهم ويعرفون مصلحتها وهذا يروح يأخذ بنت عمه او خاله وكل واحد يصلح سيارته

المر
البعض وليس التعميم خلق الله الناس انواع متحجر وسهل جعل الله الحكمة لتعارف نحن لا نعلمها والتعصب في كل انسان والدين يأخذ بالعرف ٠

الله لايوفقهم ولا يسامحهم اللي يبون يفرقون بينهم☺

تكافؤ النسب …..
لافرق بين اعجمي وعربي الا بالتقوى…
احس انها مشكلة من اهلها فأخذوا الحجة هذي حاجة ودعوى..وعند ربك يجتمع الخصوم..

كل ماعليها ترفع يدها. للعظيم الجبار وتشوف العواقب

والنعم ببني قرن اخوان وجيران وانساب يعلم الله ان قدرهم على الراس والعين….
بس انا نفسي اقبض حلق زاير ..بيدي.اترك نعراتك القبلية هذي صحيح اننا قبايل وكل الجزيرة العربية قبايل توحدنا تحت راية الملك عبد العزيز طيب الله ثراه ..وصرناكلنا المملكة العربية السعودية..ملكنا واحد ديننا واحد وطننا واحد رايتنا لا اله الا الله محمد رسول الله.
بالله عليك اذهب لتفسير الاية (ربنا باعد بين اسفارنا..)..الاية..وبعد ذلك تكلم.

لو انا بدالهم هربت انا وزوجتي لاحدا الدول

من حق اهل الزوجه ان يتم فسخ العقد لان الزوج
حسب كلام اهل الزوجه انه كذب عليهم من ناحية نسبه
وفيه حديث عن الرسول عليه الصلاة والسلام مادري صحيح او ضعيف
يقول ( اختاروا لنطفكم فإن العرق دساس )

فيه ناس كبار متزوجين من نساء اجنبيات وغير معروفات النسب . لا ويقال لهم يحاربون التطرف والعنصرية

حسبي الله ونعم الوكيل في عم البنت جاهل عنصريه واذا ماهو قبيلي نهاية العالم مثلا

طالما انه صدر من محكمة فالامر انتهي وحسبي الله على ذكور ما تخاف هذا هو تفكيرهم مع اللي اعرفه ان القرني قبيلي عندنا عقول ما تعرف كيف تفكيرها يعني الزواج من أجنبيات ما يعرفون اصلهم وفصلهم وبعضهم والله ما هم على الدين والزواج من اجنبي بعد ما يقولون أصل وفصل والمصيبة الكبرى انه هذي القضايا ما تطلع الا بعد ما يجيبون عيال

المرأه تنكح لعدة اسباب ذكر منها حسبها ونسبها .
وكما قيل العرق دساس …. كان لازم على وليها ان يسأل
عنه قبل عقد الزواج .

أحتسب الأجر عند الله والله ياخد حقق اضعاف مضاعفه منهم

آخر الزمن علامات الساعه شئ ماسمعنا في لا في عهد الرسول صلى الله ولا التابعين ولا في أي عصر إسلامي خرج العرب من الجزيرة العربيه لنشر الإسلام راحو الصين والهند وافريقيا وأوروبا وتزوجو من نفس الأماكن وزوجو بناتهم اليوم صار القرني العربي المسلم مايسوى ماقول إلا حسبي آلله ونعم الوكيل على كل واحد شتت المسلمين ونشر العنصريه والكرهيه بين الناس راجع تاريخ الدول العنصريه يعني دمار وخراب أي مكان

ايوا العنصريه نتوارثها كل منطقه والاقبيله يشوف انفسهم احسن من غيرهم ويحشون في بعض لاويحافظون علي الصلاة والعبادات —————— ان اكرمكم عند الله اتقاكم ——-الله المستعان

هي ابوها كان عاضلها وشكت عليه وحول الولايه لاحد اخواتها او اعمامها وتزوجت القرني وصارت شكوي انه غشنا قال قرني وهو لا شيخ القبيله ماشهد معه او قال ماعرفه الزواج عن طريق الخطابات السؤال قليل

قبل كم يوم دخلت موقع حراج لقيت واحد عرض سياره للبيع وكاتب لبيع الاهل القصيم فقط الي بر القصيم لايجي يسأل عن السياره
بالله شرايكم بالعنصريه هذا تخلف غباء انت تبي تبيع سيارتك انشالله يشتريها قرد حقد

الناس الي فيهم عنصريه تقريبنا انقرضو بقا قليل يبيلهم كم سنه وتشوف لامور تقبا عاديه جدا
لاحد يزعل انا الحمدالله قبلي اصيل لاكن في عنصريه وحقد بين القبايل وانا بنفسي شفته هذا الامر كل قبيله اوتلقا افخاذ او العوائل من نفس القبيله حقد وعنصريه جدي احسن من جدك جدي غزا على جدك جدي نهب بعارين جدك
وجدي وجدك تحت الارض الله يغفرلهم ويرحمهم لانهم كانو في جهل

ياخوان المشكلة ليس لانه قرني !! سبق ونشرت القصه اكثر من مره
المشكلة انهم زوجوه على انه قرني وبعد. الزواج طلع ماهو قرني !!
وفعلًا. الخطأ من الزوج ليش ماذكر عائلته وقبيلته الصح ؟
وكذلك من الاسرة ليش الاستعجال في عقد الزواج بدون سؤال ؟

المشكله انا الرجال تزوج وانجب ابناء يعني انتهاء كل شي واذا انفصلو يكون دمرو حيات الزوج والزوجه والابناء فا مخطين هم وشيخهم
وبعدين الالبنت اذا انجبت يكون النسب لاب وليس للام
هناك اناس اذ ارد الزواج يأخذ اي بنت اهم شي تكون حلوه
الشاعر وش قال
عرب وليدك عربه النار من مجباسها
العز بورك النساء الي عريب ساسها
بنت الردي لاتخذها لوهي طويله راس
يعني اهتم انت بي المرأه وأهله وساسها
ام الزوج حديثه رسول صلى الله عليه وسلم : ( إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير

زائر… اذا انت من الشمال تراك أردني او سوري الأصل
اذا من الرياض والوسطى كلهم نازحين
من الغربيه طرش بحر
من الشرقيه ايراني أو هندي
رح أسأل جدك ويعلمك من فين جاء ????

نصيحة لاتزوج إي شخص
قبل ماتسأل عنه وتتنشد
وتتأكد
من أصله وفصله وماضية وكل شي
حتى لاتدخل في دواااااامه
مالها أول ولا آخر?

يجب أن يعلم البعض أن هناك أناس ليسوا اصلا من القبيلة ويحملون لقبها والا قبيلة بالقرن قبيلة عربية أصيلة ازدية والأخ أخفى ودلس على أسرة الزوجة وهذا غش وخداع وضحك على الذقون ويجب احترام القضاة فلا يعقل أن القضاة والجان والمحفيقين في الموضوع كلهم كاذبون وهذا الزوج هو الصادق من كذب ودلس وغش فل يتحمل نتائج كذبه على الله ثم الناس

(((( نحن نثق بقضائنا وعدالته ))))
لكل من تهجم او استنكر اقول لهم
القاضي اطلع على تفاصيل القضيه وخفايا الامور التي لم تعلموها
وبعد ذلك دقق وفحص وناقش ثلاثة قضاه من محكمة الاستئناف الحكم الصادر من القاضي
ثم تم تاييده
فارجوا ان تكونوا على ثقه انه الصواب والموافق لشرع الله
ولا تحكموا دون ان تعلموا خفايا القضيه وبواطن الامور

قبيلي ما قبيلي كلهم من اليمن حضرموت .

يتزوجون من الدول العربية ويتزوجون الكتابية حلال عليهم اما القرني فحرام عليه يشهدالله اني لست من قبيلته ولكن قبيلة بالقرن أصلا وفصلا أفضل من قبيلة الزوجة قبيلة بالقرن تعود الى قبائل ازد وهي من القبائل العربية المعروفة ما يفرق بين المرء وزوجه الا الشيطان الى متى هذا الجهل يا أعمام الزوجة اتقوا الله فالزوجة لها ابن من هذا الرجل كيف بكم ان تحرموه من أبويه كيف بكم ان تجنوا عليهم رسولنا الكريم قال من تختارون خلقه ودينه فزوجوه أين أنتم من رسول الله وصحابته فأنتم بالنسبة لهم لا تساوون جناح بعوضة الزوج قد احضر شهود عدول من قبيلته شهدوا انه قبيلي اصيل اي قدح قد قدمتموه في الشهود ماهو إثباتكم يوم القيامة لا عرق ولا لون ولا أصل تؤخذ بأعمالك هل وصل بِنَا الجهل الى هذا الحد حسبنا الله ونعم الوكيل

بالله القاضي رأى أن الحق والخير في رجوعها مطلقة مهتانة بيت علعا أو تشردها في دور الرعاية أنه خير من بقائها مع زوج عربي ذو نسب عربي معروف ؟؟؟

الزوج وعرفناه قرني
هي وش ترجع ؟؟ نبي نعرف العرق السادي النقي المطهر
حتى الواحد يعرف مقاماتهم العلية

الشغله ممكن فيها تدليس على الاسرة من البداية وحبو يأخذوا حقهم يعني قالهم انا قرني وطلع ماهو قرني لذلك الشغله باختصار ( ماهو انت الي تضحك علينا )
ومثل هالتدليس تكون الخطبه من الأساس بطريقه غير معتاده مثل الخطابات او مواقع الزواج .
لذلك يجب الحذر دائمًا على من بهذه الطريقه وانا اشوف انها حالة اسهل بكثير من غيرها لانه فيه زواجات صارت من مذاهب دينيه مختلفة بطريقة التدليس لانه جاي بطريقه غير معتاده وصعب السؤال عنه بسرعه

الشيوخ ابخص ,,

تكافؤ النسب عنصريه مقيته والله يقول (افلا ينظر الانسان انا خلقناه من قبل ولم يك شيءا) نسي الانسان نفسه عندما كان حيوانا منويا ضعيفا وعندما انعم الله عليه بالصحه اصبح يتكلم عن تكافؤ النسب انها عنصريه مخزيه

اللهم لك الحمد والشكر
هؤلاء ما عندهم سالفه اقصد العمام والقاضي ايش دخلهم بالبنت اذا ابوها موافق على الزوج
ثم البنت انجبت اولاد وبما انها ترغب في الاستمرار مع زوجها فليست ملزمه بحكم القاضي وخصوصا ان الزوج لم يتلفظ بكلمة الطلاق

المشكله الاف سعوديات متزوجات اجانب ماشفنا احد قال تكافوء نسب
مع انهم اجانب جايين البلد بتأشيرات عمال وعلى كفالة حريمهم و مختلفين بالعادات والتقاليد وبكل شي حتى اللبس واغلبهم متزوج سعوديه اصلا للمصلحه

……………………..

الله المستعان. اذا البشر اجمعين ابوهم ادم وامهم حواء ففين الاختلاف

يااااااه لو يعلم الظالم من ظلم لما ظلم

تخلّف بلا حدود ، نطالب الدولة بالتدخّل لإيقاف هذه المهازل الجاهلية

واحد قبلي من عيال القبائل وعيال الحمولة مالاقي احد يزوجه من بنات القبيلة علشان راتبه ضعيف من ذوي الدخل المحدود تزوج من اندونسيه وصارو خوال عياله اندونسيين فيها حاجة

اذا لم يكن هناك اسباب خفية اخرى يعرفها القاضى غير موضوع عدم التكافؤ هذا فالموضوع لا دخل له بالشرع وانما بعرف العصبية الجاهلية النتنة ..فليوكلا امرهما لله هو المنتقم الجبار

يذكر أن قاضي محكمة العیینة قد أصدر منذ عامين، بقضیة تكافؤ النسب حكما بخلع الزوجة من زوجھا، بعدما قدم أعمام الزوجة مذكرة حول كون زوج ابنتھم أقل نسباً. طيب لو الرجال عندنا تزوج من اي جنسية عربية او اسيوية او اوربية او امريكية كانت ليش ماقالو تكافؤ النسب ولا تكافؤ النسب علي الحريم فقط طيب الرجال لو زوجته خلفت عيال بيصيرو خوال عياله من ذات جنسية الزوجة ولا كيف

الحين توهم بين ماهو قبيلي وينهم اهلها قبل الزواج وقبل البنت اللي بينهم تجي دام الزوجة تبي زوجها وتزوجت على سنه الله ورسوله المفروض ع القاضي مايفرق بينهم قال ايش عدم تكافؤ اجل اذا تزوج من جنسيه عربيه في تكافؤ عجيبين وربي ?

والمستعان الله❤️

بس يامها التميمي وعلي القرني لا تخافون. دام الفسخ اعتمد من وزارة العدل فالشغل حامي يعني عود من عرض حزمه

الناس تدور لبناتهم ازواج صالحين طيبين وهذولي يفرقون بين بناتهم وازواجهم حسبنا الله ونعم الوكيل

بس انت ليش تجيب ذكر الجحيم تعوذ من الشيطان

اخي مدري اختي 512M اختصر لك الموضوع من الاخر وحسب ماهو موجود في ذا الزمان السالفه كيد ومكايد ونعصريه بحته. كلها مجتمعه في هذي الكلمه (ما انت من مسوانا ولا انت منكحنا لنا ) ورموا. وراهم كلام الله ورسوله واتبعو خطوات الشيطان

بحق ألي خلق الجحيم ابي اعرف وش معنى (تكافؤ النسب)!!!!!!!!!

نتانة الجاهلية.