بالصور.. أمطار متوسطة على عرعر وضواحيها

نايف السالم (صدى):
شهدت مدينة عرعر وضواحيها اليوم الثلاثاء، أمطاراً متوسطة إلى غزيرة، وسط مطالبات مكررة من المديرية العامة للدفاع المدني بمنطقة الحدود الشمالية بالحذر والابتعاد عن مجاري السيول والأودية.

ووصف " الإنذار المبكر " الحالة بهطول أمطار رعدية متوسطة إلى غزيرة مصحوبة بزخات من البرد ورياح نشطة تحدّ من مدى الرؤية الأفقية، فيما استعدت أمانة الحدود الشمالية بكامل إمكانياتها البشرية والآلية؛ لمواجهة التغيرات المناخية.

جعلها الله سقيا خير وبركة وعم بنفعها أرجاء البلاد.

Time واتساب

أحدث التعليقات

ابو فلان
ابو محمد عندك امل تلغى جميع المخالفات والله إذا المرور الغاها مافيه خير ولا عاد بقراراته مصداقية ولا لنظامة هيبة لو كل مجرم اعفي عنه او مخطي اعفي عنه معاد احد بيترك تصرفاته الخطأ بمجرد ينفتح لك الخط وتدري مافيه ساهر بتدعس تماما مثل الغاء المخالفات كل مره بيكون عندك امل تلغى يارجل ركبت مع تاكسي باكستاني قبل عشر سنوات قبل تطبيقات توجيه السيارات اوبر وكريم وغيرها مرينا من ساهر ونبتته قالي بيلغون المخالفات بعدين هههههه إذا هذا اجنبي يقول كذا أجل المواطن شكله يتعمد يخالف وواثق من الغاء المخالفات. ياعزيزي حتى تربويا ما يصلح تقول لأبنك إذا كررت الخطأ ترا بمنعك من البلايستيشن او السيكل او الجوال ولما يسويه تسكت عنه وتلغي العقوبة الي بلغته فيها. لازم يكون تغرس فيه مبدأ أن الانسان يكون عند كلمته لا تصير عنده حالة نشوفها كثير حاليا الي يوعد ويخلف والي يتفق ويخلف، يارجل بعض المحلات والمطاعم يرفضون التوصيل أو يأكدون عليك انك طلبك صحيح ومتأكد منه على شان ما تسحب عليهم وتروح تطلب من مطعم ثاني وإذا وصلوا عند بيتك تهربت منهم! ولا عاد ترد عليهم، لازم تزرع في عيالك صدق الكلمة والوفاء بالوعد والإلتزام بالاتفاق حنا عرب وعندنا شيم وقيم جميلة. ومثل هذا مخالفات ساهر إذا اعفوا الناس من المخالفات والله ماعد احد يلتزم بأي نظام آخر كلن يقول بيلغون المخالفات مثل ساهر!! وهكذا حتى تصبح البلد فوضى تصدر أنظمة ولا تفعل او تفعل وتطبق ثم تلغى, ثم إذا الغوا المخالفات عن الهمج المتهورين والمستعجلين والباقين الي دفعوا يرجعون لهم فلوسهم مثلا!! أترك عنك العجلة والهواجيس واجلس عدل وانت تسوق مو كأنك جالس على كنبة في بيتك ورافع الرجل على الطبلون ومراح تجيك مخالفات والشاعر يقول كلن يموت وحاجته ما قضاها والله لو يشتغل وهو نايم الي الله ماكتبه لك العجلة ماهي جايبته. وكل مخالفة مرورية وراها عجلة عاكس السير مستعجل وقاطع الاشارة مستعجل والي يصف قدام الناس عند الاشارة مستعجل والي يتجاوز رتل السيارات ويدخل على مسارهم عند المخرج مستعجل والمسرع مستعجل والي يكبس بالنور مستعجل، وين بنوصل بالعجلة! رايح المسجد مستعجل رايح البقالة مستعجل تفضل تقهو والله مستعجل! الطائرة يركبها آخر واحد وموعد المشفى يروح له آخر لحظة والعزيمة يروح اخر واحد ويلطع الناس!! أتركو هذه العادة القبيحة.