اخوه يتسامحوا لحظة سفر احدهم للعلاج

الله وأكبر مشهد يهز المشاعر،،
هذه قصيدة الشيخ شالح إبن هدلان يرثي بها أخوه الفديع فكانت من أفضل المراثي 00 يقول :
مس الضحى عدّيت راس الطويلات :: وهيّضت في راس الحجا ما طرا لي .
وتسابقن دموع عيني غزيرات :: وصفقت بالكف اليمين الشمالي .
وجرّيت من خافي المعاليق ونّات :: والقلب من بين الصناديق جالي .
وآ اخوي ياللي يم قارة (خفا) فات :: من عاد من عقبه بيستر خمالي ؟!
ليته كفاني سو بقعا ولا مات :: وأنا كفيته سو قبر(ن) هيالي.
وليته مع الحيين راعي الجمالات :: وأنا فدا له من غبون الليالي !
وآ اخوي ياللي يوم الأخوان فلاّت :: من خلقته ما قال: ذا لك وذالي !!
تبكيه هجن(ن) تالي الليل عجلات :: ترقب وعدها يوم غاب الهلالي .
وتبكي على شوفه بني(ن) عفيفات :: من عقب فقده حرمن الدلالي !!
عوق العديم إن جا نهار المثارات :: والخيل من حسّه يجيهن جفالي .

??