تداول رواد مواقع التواصل الاجتماعي فيديو أثار استياءً كبيراً ، كيف لا وهو لطفل لا يتجاوز عمره العشر سنوات، يقود سيارة بسرعة 200 كم في الساعة.
ويظهر في الفيديو الطفل يقود سيارة ” جيب لكزس ” على إحدى الطرق السريعة ، بينما يصوّر شخص يجلس على المقعد المجاور للسائق الصغير ، وعلى أنغام ” شيلة ” يصور عداد السرعة ثم يوجه اللقطة إلى الطفل .
وأثار الفيديو سيلاً من التعليقات المستهجنة لولي أمر هذا الطفل ومن يصوّره، ، وماذا كان سيفعل في حال ارتبك أو ظهرت أمامه شاحنة بشكل مفاجئ.
ودعت التعليقات رجال المرور لسرعة تعقب الفيديو ومحاسبة من كان سببا في ذلك للحد من تكراره منهم ومن غيرهم .
التعليقات
الحب يطلع على بذره
هاذي التربيه الخايسه واذاء جاء عليه حادث وهو كبير وتوفي جلس الأبو يبكي ماهذي تربيتك الفاشله وهياط vip
200 شي مخوف…وهو ولد صغير يعني لوفاجأه شي ماراح يقدر يتصرف…
سلم ؟
الحمدلله
حصل شي؟
البحر اللي يودي ما يجيب
كلن ياكل من عمل يده
هياط تعلموه بزورة الحفاىظ
هؤلاء هم جيل الغد للاسف
كانه طائر بما اسموه الشيله شيلة التخلف
اللي يصورو لازم يتعاقب ومو اي عقاب … لانو السواقه مو لعبه وتسليه …
فيها موت وخراب بيوت وارواح اوادم??
ذنبه وأثمه وشرهته على اللي راكب معه ويصوره.
لا ونقول ليش العالم تحقد علينا.؟؟؟؟؟تحقد علينا من مثل هالتصرف والإستعراض والإستهتار.
تعلمت السواقة ف الوادي اللي جنبنا وعمري 13 اروح اعبي جركل من الماء الجاري ف الوادي ومعي رفيق ..واني ادعس للونيت ومع لفة ف الرمل جت تسحب السيارة ع جنب وقفها الرمل وانها تنقلب..هههههه
قمحت من الرمل شوية.واخذينا الجيب وقومناها ومشينا
تعلمت السواقه وعمري 14 وألحين عمري 28 ما عمري عديت 140 لا وباقي أخترع يوم أسمع الجرس وارجع أهدي وهذا بزر ماشي فوق 200 الله ياخذ عقله وعقل اللي معه
هذا خطاء كبير الله يستر عليهم
المفروض القبض على الشخص اللي يصور وجلده عشان يعرف يهاااايط بعد كذا
لا حول ولا قوة إلا بالله
الحمد لله على نعمة العقل
ولا قلنا لكم جيبو أبوه وأجلدوه قدام ولده
قلتو وش دخل ابوه?
hhh
اذا ابوه بزر مزوجينه من يومه بزر لا كد ولا تعب على الدراهمً وجاب بزر وماغير بيع نياق وبمعارض السيارات شريطية وقصايد يكتبها له جحلي ويلبس البشت يقولها قدام أمير ويستلم شرهته ولا يكون خويه خوي لحد المناطيح يزهم عليه عقب الظهر وهو بعز نومهيقوله جهّز معروضك وبشتك يامال الخرط هياط في هياط امس واحداً بزر من عيال عيالي سعد الله يصلحه ونا راقد بالمقلط الظهر راجعاً من المدرسة ونطله ابوه عندي ونا راقد والكلب ونا نيم ملبسني بشت ومشغل شيلات ويصورني وقوم ولقطه وماغير جلد بعقالي
ولا فكيته الين جا بوه
جيل تافه وبوه الي هو ولدي لا بارك الله في شيطانه مسوي صنفره للوجهه يوم جا يأخذ ولده
تقول فؤاد في طاش ماطاش الله لا يبلانا
هذي بدايت الحياة وارفاهية بداية موفقة
من الموكد ان من يقوم بتصويره هو والده
اذا والده كائن حي من حثالة المجتمع لدينا ويخشى هذا الاب على ابنه ان يكون رجل في المستقبل لذلك يحاول ان يزرع فيه الثواره وكسر الانظمه والتخلف من صغره ليسير على خطاه
الشيله تسبب حماس الاهبل ماكل الايام سلامات السرعه الزايده تجيب ماسي وندم استغفر الله
على هاالحال ..
.. لابد من يوم راح تندم فيه ساعو ماينفعك الندم ,,
والله من الدلع والهياط
ورع وعلى لكزس اجلدوا أبوه جلد
اترك تعليقاً