تداولت مواقع التواصل الإجتماعي مقطع فيديو لمدير مدرسة في الهند، يضرب التلاميذ بلا هوادة وبشكل عنيف في مدرسة في مدينة فافماو بشرق الهند.
أظهر الفيديوالتلاميذ وهم يتألمون ويصرخون في حين يواصل المدير ضربهم، على الأيادي والأصابع حتى أغمي على بعضهم.
وتوجه الأباء بالشكوى للسلطات المحلية، مما عرضهم لضغوط من المدرسة والشرطة والسلطات المحلية لسحب شكاواهم.
وقال معلم يدعى ” اشيش توياري ” إن التلاميذ يتعرضون للضرب بشكل منتظم بحجة غرس الانضباط مما أضاع وظيفته نتيجة نشر الفيديو على مواقع التواصل وهو الآن يتخذ إجراءات ضد السلطات والمدرسة.
التعليقات
لست محرومه ولي رباً رحيم
??
ربي يدوم ضحكتك وابتسامتك
ويجعل حياتك فرح وسرور?
ماشاءالله عليك حروفك ذهب
وصمتك ذهب ونعم فيك وفي من ربّاك
تضرب الطالب المخطئ قلنا مايخالف ولو إن الضرب أسلوب غير تربوي
ولكن تضرب الطلاب بشكل منتظم بدون سبب بحجة غرس الإنضباط هذي اللي ماتنهضم??
ههههههههههه الله يسعدك يا ابو تركي حرام ضحكت من قلبي عاد دفتر وحده من خواتك
دآنـــــــہہ
اللهم امين،دعوة طيبه من وجه طيب?
محرومه
عاد التوت كثييييير وبعضه طايح بالارض ??
بس عادي اهم شس سويت اللي في نفسي
وييييه محرومه ???
تخيلي المنظر
شفتي كيف يادانه ??
????? ابو تركي الله يرحم والدك وجميع موتانا وموتى المسلمين
أمول ههههه حلو الشعار أنا لست مهذبه ?
وانتي يا ام التوت خصلتي الخشعه على القحم ?????????????احمدي ربك ما ربطك في الشجره لين يحضر ابوك
هههههههههههههههههههههههه ???????????????????????????????? انطبق عليك المثل بغيناك عون جيت فرعون. بس تحفيز عقلي وذهني خلاك تضحك مره ثانيه
أمــــــــــــل
?????
ابو محمد
شرح وافي وكافي يسلمك ربي?
أنا ايام الابتدائية كنت قمة في الامتياز
في الادب والشطارة والمواظبه
بعد ما رحت للمتوسطة الله يجيركم
انتكست الحاله والله العالم بداية المراهقة?
كان فيه مدرس علوم أقشر من اول يوم دراسة
طلب مننا مادة علمية من الجرايد
طبعاً انا قلت له يا استاذ توّنا اول يوم
هو بس انا قلت هالكلمة الله يجيركم
ما فيه طبشور إلاّ ورماه في وجهي?
حتى المسّاحة كانت قطعة زولية رماها?
وجاني ومسكني مع اذني قال اللي اقوله تنفذه
المهم رحت للبيت وفتحت الجريدة ادوّر
ولقيت موضوع عجبني كتبته كله ونمت
ويوم قمت كلي نشاط وحيويه رحت للمدرسة
ويم جت حصة العلوم جانا المدرس وجمع
الواجب وبعدها بدقايق من بد الفصل
ناداني وانا اوزع ابتسامات يمين ويسار
قلت شكل عجبه الموضوع ويبي يحفزني?
ما دريت إلاّ بكف?على وجهي من الروعه
مرّه ابتسم ومره تدمع عيني ولا ادري وش السالفه
شككني قلت لا يكون جبت دفتر وحده من اخواتي
??????
المهم قال بصوت عالي انا طلبت ماده علميه
وانت(يقصدني انا) جايب موضوع عن امطار
مناطق الرياض والربيع??????
طبعاً ضحكو جميع الفصل
وانا بعد ماطلعت من المدرسه رحت للوالد الله يرحمه اقول له السالفه ابيه يروح يأدب المدرس
قال يا ولدي ما جاك إلاّ الخير
قلت أجل بروح للوالدة الله يرحمها تأثر على الوالد
والله وفعلاً قال بكرة وانا عندكم في المدرسة
طبعاً كنت متحمس يوم جات ذيك اللحظة
وناداني الوكيل قال ابوك برا يبيك ?
وانقز ذيك النقزه واشوف مدرس العلوم بنص عين
ويسالني الوكيل هذا اللي ضربك كف
بدون تردد اييييه????
والمدرس مسوي بريئ وقال هذا اعده مثل ولدي
ويقول للوالد ابشر باللي يهتم فيه ويحرص عليه
وبعدها الوالد انبسط وقال للمدرس
لكم اللحم ولنا العظم??????
احس المدرس قام يطقطق اصابعه
تمهيد للكف القادم???????
كان مديرنا شايب
والمدرسه فيها شجرة توت
وكنا ناكل منها مع اننا نعرف انها ممنوعه بس هيك لقافه
وهو شكله يبيها له فقط هاللص ?
وراح كشفنا مره وخلانا بالشمس ننظف الحوش حق المدرسه ??
وخلانا نعلق شعار ع جاكيت المدرسه انا لست مهذبه ??
من باب العقوبات حسبي الله عليه ??
ههههههههههه
الحين انقلبت الآيه صار أغلب الطلاب هم اللي يضربون المعلم يا زين أيام زمان الواحد ما كان يرفع راسه من الحياء ?
هههههه لعبه عفا عليها الزمن يااخ ابو تركي ,, واللعبه يلعبوها اكثر من واحد ، ثنين ثلاثه فما فوق ,,
,, وتفاصيلها الدقيقه مالنا ومالها ، ولعلي اذكر شي بسيط عنها بإيجاز ،،،
,, نخط دائره ، نضع وسطها الكعوب او يسميها البعض الكعابه ، يتفقون اللاعبون على عدد الكعوب ، مثلاً ، كعب واحد البقيه يضعون على واحد ، ويكون هناك نقطه تبعد عن الدائره كذا خطوه ( عدد الخطوات يتفق عليها اللاعبون ) ونسميه الماد ، يقف عليها من عليه الدور في اللعب وفي يده كعب يكون كبير الحجم ومصبوب بوسطه الرصاص يُسمى ( الصَّول ) ، الكل يستخدم هذا الصول ,, المهم يرمي اللاعب الكعوب واللي يخرج برا الدائره يكون من نصيبه ويستمر ، الى ان يخطي وياخذ الدور اللي بعده ,, وهكذا ,,
.. وياليت نسمع منك او من الأخ العزيز راعي الددسن ، مايخطر عليكم ، لنتعرف على العاب بعضنا بعض ..
الله المستعان .
لست محرومه ولي رباً رحيم
ماشاءالله عليك حروفك ذهب?
التعليم قبل 20 سنه افضل بكثير
رغم الصرامه والشدّه عنوانه تربيه وتعليم
تحت مظلة وزارة المعارف
واولياء الامور كانو مطمئنين
والآن الطالب يخوّف المعلم
والمعلم يهمه الآن الوظيفه اكثر من انها رسالة علم
ياليت المعلم قبل يروح. يسلم على اهله سلام مودع وان عاد في اخر النهار صحيحا معفا لامطعون ولا مبطون وسيارته تسير يحمد الله. لان بعض التلاميذ مستجرمين الله يجعلهم في قله ولا يكثرهم وكل جيل اخس من اللي قبله
صِدَقتي يا اختي لست محرومه ولي رباً رحيم .
ابو محمد
??????
يسعدك ربي والله ياني متمزع ضحك
مادة المطالعة مشكلتها الكتابه
خاصة اذا قال المدرس اكتبوها اكثر من مره?
انشهد ما فيه اي حقوق نظام صارم
انجلد ولا تعترض ??
عسيب النخل لحقنا عليه جتنا فيه كم محْطَه?
اما عصا الرمان شكلها تلسع الحمدلله ماشفناه?
لعبة الكعابة انا سمعت عنها لكن ما لعبتها
الجيل الجديد مايعرفونها ،
?فياليت تشرحها ياغالي
لأجل تعم الفايدة للجميع
سامحنا ابو محمد بنتعبك معنا
لكن سوالفك مايمل منها احد
في ذا الزمان ليت المعلم يسلم وهي اكبر غنيمه
ههههههههههه
الله الله يا ابومحمد ذكرتنا بزمانن مضى ليته يعودي .❤️️.
.راعي الددسن.
وصلت جعل ربي يحفظك ويسعدك ياغالي??
الاخوان / راعي الددسن وابو تركي ,, حفظكما الله ..
,, بالنسبة لسؤالك يااخ ابو تركي ,, فاالمواقف كثيره جداً ، ومادمنا بسالفة ,, لك اللحم ولنا العظام ,,
,, فوالله كثير من الأيام ياما اكلنا جلد ، انا وغيري ، في ايام البرد القارص مايقدر الواحد يمشي على رجليه بسبب الفلكه ، من بعد الضرب على الراحتين حتى تنحني الأصابع ولا يستطيع واحدنا فتحها ، والسبب الواجبات الثقيله لكل ماده ، ولعل من ابسطها تكرار كتابة القطعة الفلانيه ( في المطالعه ، مثلاً ) ، ثلاث مرات او اربع ، حسب مايراه المدرس ، هذا غير الواجبات الأخرى لباقي المواد ، هذا غير خوفنا من المدرس حتى في غير وقت الدراسه ، لما نكون نلعب العابنا الشعبية المتوارثه ( كاالكعابه مثلاً او غيرها ) او نلعب كوره ، فلما نشوف المدرس نهرب نتخفى ، إن كان لعبتنا كعوب اخذهن ، وإن كان لعبتنا كوره شقها ، وياويلنا في طابور الصباح ، مايمر يوم إلا وينادي المدرس بأسماء المغضوب عليهم .. ولك ان تتصور الجلد بعصى الرمان او عسيب النخل ، وحال الأطفال وصريخهم .. والأهل مانقدر نشتكي عليهم ، لأن القاعده ، ( لك اللحم ولنا العظام ) ، وكأنها تنزيل من رب حكيم ,,
,, ماكان عندنا ياابو تركي لاحقوق الإنسان ولا حقوق الطفل ولا حتى حقوق الحيوان ، ياشيخ ولا حتى حقوق الضفادع لنشتكي ، اصلاً مانعرفها ،،، بمعنى حنا مسلِّمين مستسلمين للأمر الواقع ههههههه .. كذا وسلامتك ,,
,, وهات ماعندك من ذكريات يااخ ابو تركي ..
↩ابو تركي . هذا نسخه من ردي عليك في خبر أيوة بلبس مايوه لكن شرعي .
ما دريت إنك هنا .
.
عساك ماتفقد حبيب يا عزيزي ↩ابو تركي .
مهنى شر الله يبعد الشر عنا وعنكم اجمعين.
إنشغلت يومين وعلى قولة ابومحمد خلص علي البنزين .
وماحولي محطه ورجعت مشي ولاحدن وقف لي ووصلني.
.
ههههه. تراني امزح معك يا ابو تركي .????.
ابو محمد الله يطول عمره هو إللي علمني بالسالفه اليوم .?.
ابو محمد
اللهم آمين ، دعوة طيبه من وجه طيب?
?ابو محمد ان كان مافيه احراج عليك
تذكر لنا احد المواقف الطريفه
حصل لك ايام الدراسه وما زال في ذاكرتك?
.راعي الددسن.
الله يعفو ويغفر ويرحم جميع موتى المسلمين
?وأنا أخوك من خلّف ما مات
ونعم فيك وفي من رباّك انشهد انك كفو?
ربي يحفظك ويسعدك?
آمــــــــــــين يا رب العالمين .
عسى ربي يخليك و يطول عمرك يا ابومحمد يا الغالي على قلوبنا .
ههههههههههه والله ان هاالكلمه مرت على الكثير ,,
,, ياما لجنات النعيم لوالدينا و والديكم يااحبه / ابو تركي وراعي الددسن ,, آمين ,,
صِدَقت يا عزيزي ↩ابو تركي .?
قالها الولد الله يرحمه للمدرسين يوم وداني المدرسه .??.
لكم اللحم ولنا العظم
لا يعرفها إلاّ من عاش
في الزمن الجميل??
اترك تعليقاً