أقامت مواطنة دعوى قضائية ضد زوجها لمطالبته بدفع المهر لها فيما ألزمت المحكمة الزوج بدفع المهر، البالغ قيمته 40 ألف ريال.
وكانت الزوجة يمين القسم أمام هيئة المحكمة، للتأكيد على أنها لم تستلم مهرها، موضحة أنها لجأت لرفع دعوى على زوجها بعدما استنفذت كل السبل الودية في إقناعه بدفعه وزعم الزوج أن مهر زوجته تمت كتابته في العقد شكلًا فقط وأنه تم الاتفاق على ذلك، واستمعت هيئة المحكمة إلى مأذون النكاح، الذي عقد زواجهما، حيث أنكر علمه بإسقاط المهر وكتابته شكلًا فقط.وفقًا لـ “المدينة”
واطلعت المحكمة إلى صورة عقد النكاح من السجلات الرسمية، للتأ كد من صحة مقدار المهر “40 ألفًا”، وقضت المحكمة على الزوج بآداء المهر للمدعية كاملًا.
التعليقات
الحمدلله ان هناك محاكم والا بعض الرجال مايفكر الا ينهب وينهش ويستغل الضعيه وياكل حقها
شي عجيب !!؟
من أبسط حقوقها وبعدين إنت يا زوجها إشلك في المرمطه والمحاكم كان دفعت مهرها بالذوق ومن غير شوشره
عيب عليك ياذكر ,,
يبقى المهر في ذمة الزوج حتى يوفيه
واذا سامحة الزوجه فيه يسقط حقها..
والزوجه ما قصرت صبرت عليه في وقت الزواج والفرح وبعدها طلبت حقها المشروع الذي يكفله لها الشرع والقانون وحتى لو مضى عليه السنين
عند الهنود المراة هي اللي تدفع المهر وهي اللي تختار الزوج والادهى وامر ان المهر يكون بالدولار الأمريكي المرتفع جدا مقابل الروبيا
هذا مافيه ذرة رجولة والله مايرضاها على احد اخواته بس فيه ناس عندهم دنائة فوق ماتتصورون
فكررررررر ما فيه
بعد ما ضرب الميل في المكحلة جت تطالب
أي عيشه هنيه بعد هذا لهم
ويحكم ايتها النساء اما جميل يجمل ومسكات
ولا من البداية لا تروحين بعد ما حاس ولاس قمتي تشتكين
الله يخارجنا
يعني هو دخل عليها قبل تأخذ المهر ?
اللي اعرفه ان المهر قبل الزواج والدخله مو بعدها ،،
اتذكر قال جدي :
في زمان الشح قال ..
الفقر ماهو في مال
الفقر قل الرجال
#البدر
يستاهل وين عايش تلعب على زوجتك ولا تعطيها حقها لكن من قله الرجال والله ؟ بها الوقت الله لا يبلانا اما مزاجي او مصلحجي والبعض استغفر الله كأن افعاله افعال حرمه ?
ذكروني ببقاله عندنا في الحاره صاحبها شايب زعلان على اهل الحاره ..يقول الناس تسجل في الدفتر لاخرالشهر او شهرين وتدفع ..بس عندي ناس تسجل على الضمان ولا اخر السنه وقفل البقاله هههههههههههههههه
شكل عاقد عليها على النوته هههههههههههههه ..يعني يسجل في الدفتر ويدفع مع الضمان ..هههههههههه
الله يهديك وش اللي خلاك
تروحين له بدون مهر من الاول
حتى لوكنتي مو محتاجه
خذيه حقك .. اذا انتي ارخصتي نفسك
الرجال عمره ما راح يقدرك
اصلا لوفيه خير مارضاها على نفسه??
شكل هذي المرأة من النوع دكتا توريه ههههههههههه ??
والله هيك المرجلة ولا بلاش
ماشاء الله عندكم تخفيضات من 60000 الى 40000
عطها 100 ريال تكفيها
وجعلها ماترضى بعد
لا راحت عليها ولا شيء هذا حقها شرعا وذكور هالزمن ما يمشون الا بدق خشوم يبون مهر رخيص وزوجة صالحة من ذهب وفوقها يبونها تتنازل عن كل حقوقها الشرعية مقابل بس على زعمهم الستر وكأن الحقوق ماهي ستر وهي ما غلطت الغلط على الذكور المتسلطة من ولي امرها ومأذون النكاح وهذا لابد من معاقبتهم وبصراحة ما ينلامون البنات يوم ما يتنازلون عن حقوقهم من القصص السوداء اللي يشوفونها ذكور تدعي الاسلام وهم بعيد عنه وما يمشون الا بالعين الحمراء محكمة وشرع الله ينصر كل مظلوم على كل ظالم خذوا مهوركم كاملة مقدما مع كل لوازم الزواج من بيت وفرح ومصروف لا تقولون ما نبي شيء نبي بس الستر لانه ماعاد فيها رجال تنشرا هذي حقيقة مرة الذكور يطمعون بالمرأة واذا شبعوا منها قالوا عنها هي باعت نفسها برخيص خليكم اقوياء واذا الولي ظلم القضاء يدق خشمه غصبا عنه يدفع المهر ذكور ما تمشي الا بالعين الحمراء
متصدر ؟؟
هذا الكلام مردود عليك .
لابد تكون عادل في كلامك وتتكلم بعقل لاتدخل في ماليس لك فية وهذا حق من حقوقها شرعة الله سبحانة لها .
* (وَآتُوا النِّسَاءَ صَدُقَاتِهِنَّ نِحْلَةً ۚ فَإِن طِبْنَ لَكُمْ عَن شَيْءٍ مِّنْهُ نَفْسًا فَكُلُوهُ هَنِيئًا مَّرِيئًا ) * ومايسوي كذا وياكل مهر زوجتة الا واحد مايخاف الله .).
* فانت اخي الفاضل تجنب بعض الكلام والله انت اليوم تهرج في الناس وغداَ يهرجو فيك الناس . الله يهديك
بعد ماعطيته وبرد روحه الحين تطالبي خلاص راحت عليك
مافيها شي….هذا من أبسط حقوقك…
طلعي مهرك من عيونه….
بعض الناس اذا خذا حاجته خلاص مايهمه المخلوق اللي امامه
زوجتك جعلك الوهم عطها حقها
وبعض الحريم تتساهل مع الرجل قبل لاتاخذين حقك لا تساهلين معه
اتق الله. استحللت به فرجها. اعطها حقها نحلة عن طيب خاطر بلا نزاع ولا محاكم، جزاك الله وعوّضك ما صرفت علي زوجك.
وَآتُوا النِّسَاءَ صَدُقَاتِهِنَّ نِحْلَةً ۚ فَإِن طِبْنَ لَكُمْ عَن شَيْءٍ مِّنْهُ نَفْسًا فَكُلُوهُ هَنِيئًا مَّرِيئًا (4) An Nisaa
اترك تعليقاً