طالع البر لحاله ومونس على نفسه

ممتاز ها الشايب
ناصر العضياني العتيبي

في السناب اسمه الشايب

راعي سوالف وقصص لا تمل منها

الشر ما يجيك يالغاليه
ابد ماهنا الا الخير ، ، ، ولكن سبحان الله التعليق يبي له مزاج رايق والدنيا تلاهي
اشكر لك سؤالك واسعد الله صباحك . . عادالجمعه عندنا فعلاغير ، ، ،

من طول الغيبات جاب الغنايم عسا ماشر اخي نهار

شكرا اخي على المعلومات
بس على.كذا اشجاركم قليله اذا هي بس المذكوره او ان قصدك الاشجار المعمره

صباح الخير على الجميع

يعني سبحان الله . .
كشتة البر ، او المقناص ، والسدره والطلحه ، لايختلف فيها اثنان انها وناسه للقلب وراحه للنفس
لكن . . .
انها غاية المنى ودواء العليل و هناء المهموم . . . فلعل في ذلك شئ من المبالغه . . !
والله يالمهموم ، او الحزين ، او السقيم ، لو تحطه بذاك ماغير تزيد علته عله وسقمه سقم ويغدي فعلا مجنون
لذلك هم ربطوا الجنون بالوحده والبر والبعد عن الناس
وصاحبنا ذا اللي بالمقطع حدا امرين . . ياخوياه حوله وكشتتهم يومين وحولهافقط ، او انه ماصدق فيما زعم
وش ما بعد ذا المكان والحال الا الجنه الله يحييك . . ؟
اجل خلوتك بصحن المطاف تناجي ربك . . او صلاتك بالروضه الشريفه بجوار الحبيب المصطفى وش يقال لها . . ؟
والله ياجلست الرجال بوسط بيته واهله وعييله ان بها من الوناسه مايزود عن خلوة البر ذي
وخوينا ذا اقر بذلك بقوله في مقطعه ” في هالخلا اللي يهول القلب ” لانه فعلا شئ لاترغبه النفس وحيدا
الانسان ماخلق ليعيش وحيدا . . واهل الباديه لاتذكروا ذيك الايام قالوا الله لايعيدها لصعوبتها عليهم
فلنكن واقعيين وبلاها احلام اليقضه كل من زعل من الناس قال ابطلع البر استانس لوحدي . . !
اخي الحبيب . . الراحه والطمانينه في داخل نفسك ، في ايمانك بالله ، في هدوءك النفسي ، لا في هدوء المكان !

الوناسه في البر تشرح الصدر وتريح البال

آآآآآآآآآآآآآآآهـ .. أخيراً ياراعي الددسن ,, وينك في كل موضوع نحط لك الرابط وانت مطنش ,,

,, اتعبتني في كل مرقب ادور وادربل لعلي اشوفك او اشوف عجاجة ددسنك ,, وانت مرمس ، ضاربنا ابو لباس ,,

,, ابو تركي عاف المجلاس على شان انك ماانت موجود ,,

,, اقعد ياما للغنيمه واقدع وتقهو وتدخن واشرب من ماء القربه واسمع قصيد خوينا راعي الجلسه ، واستمتع بأحلى متعة بديارنا ,,

,, أوف احس اني فحمان بس الحمد لله خلف الله علي اتعبي ,,

أويل حالي ويلااااااااااااااه .
.
حِكمِتِن قا لها خَلِك لِحالِك لو يقولون . مَجنون .
.
وأنا بالبَر مجنون لو تِقولون عَني مهما تِقولون .
.
عسى ربي لاخَـذ أمانته يجعلني بالــبَر مَــدفون .

الأخ ابو تركي الظاهر ان اخونا راعي الددسن ,, باالطريق بس بنشرة عليه السياره ،،،

,, يصلحها ان شاء الله ويلحق ,,

باالنسبة للأشجار يااخت لست محرومه ، من اشهرها الطلح والسدر والعوشز وغيرهن ,,

,, لكن الأشهر على الإطلاق شجر الطلع ، يُستظل بظلها ويُحتطب حطبها وتستفيد منه كافة البهايم ( اكرمكم الله ) ، على اختلاف انواعها واحجامها ، أكبرها الجمال وأصغرها الضب والجربوع ، كلها تتغذى على أوراقه وأزهاره ,, وفيه فوائد اخرى ,, اما السدر فهو معروف للجميع لاشك ، سواء للحيوان او للإنسان ,,

,, والبعض يمكن لا اعرفه او لايحضرني الآن ,,

راعي الددسن
اظهر وبان وعليك الامان??
ابو محمد
صدقت ويبي لها هوجنه واحلى قصيد
وتحلى السوالف والسمر
بس خله يزين الجو
ذكرت سالفه طريفه
على طاري المكشات
?ذكرني فيها ابو محمد قل سالفة اللي صوت
لكم في النفود
ﻷني الحين منشغل شوي وراجع لكم
باذن الله في نفس هالمكان?

اخي ابو محمد ايش الاشجار الموجوده عندكم

هههههههههههههههههه هههههههههههههههههه هههههههههههههههههه هههههههههههههههههه هههههههههههههههههه شكله سرا البر

حو بديع ومنظر خلاب وصفاء ذهن وراحة تفس واجتناب أذى الخلق ،، كلها مجتمعه في الرحلة البريه ,,

,, الكشته يااخ ابو تركي بجنب صاحبنا هذا واياقربته ودافوره ، تسوى وزنهم ذهب ، وطلحتهم معهم بعد ,,

,, الأخت العزيزه لست محرومه ، نعم اختنا هذا الأمن والأمان بفضل الله ثم بفضل حكامنا أدامهم الله ، ومثل ماتفضلتي ، في كل ناحيه من بلادنا أماكن رائعة المدهل ، وأنيسة للنفس وإن كانت خاليه من البشر ,,

( أنا مستغرب من اخونا راعي الددسن احده على هاالموضوع ويروغ يمين يسار )

,,, تحياتي للجميع لا عدمتكم ..

هههههههههههههههههه هههههههههههههههههه هههههههههههههههههه هههههههههههههههههه حظكم يا الرجال تطلعون وين ما تبغون

الله يديم علينا نعمة الامن والامان. ويحفظ بلدنا من كل شر. كل مكان فيه اشكال مختلفه من الجمال بران جبال اوديه شعابه اصادير

ابو محمد
?????
انشهد انها ونيسه واستمتاع
تعيش جو ثاني وصفاوة للذهن
والله يا ابو محمد اني اغلب الاحيان
اطلع لحالي ?
مجرد ما تجيني فرصه بعد عمل
ولا يكون عندي اي ارتباط
اجهز عزبتي والحطب وادق سلف
وانصى اي مكان على مد النظر
ولا ارجع البيت الا الفجر
?من جد اشتقنا للمكشات?

ايه شفتها ما شاء الله حلوه

اللهم آمين. لك ولجميع المسلمين

شفتي روعة المنظر يااخت لست محرومه ..؟؟

,, شي ولا باالخيال ,, وقعدت هاالرجال في ظل الطلحه تسوى مليون ريال ،،

,, اي مليون ؟ الرجال يقول مااحلى من هذا إلا الجنه ,, شفتي السعاده كيف تجلَّت في كافة صورها ومعانيها ,,؟

,, يارب رضاك والجنه ياكريم ,, آمين ,,

هههههههههههههههههه هههههههههههههههههه هههههههههههههههههه هههههههههههههههههه هههههههههههههههههه

وينك ياراعي الددسن عن هاالرحلة الحلوه في هاالبر العذي ,, هذي هي المنوه والله ,,

ههههههههههههههههههههههه
صح لسانك

ماناقصك في رحلتك هذي إلا ثلاثه ، راعي الددسن وابو تركي وابو محمد ,,

,, وناسه ورواقه تحت ظل هذه الطلحه ,, آخر مزاج ، ومثل ماذكرت ، مااحلى منها إلا جنات النعيم ,,

,, موفق خير اخوي في حلك وترحالك ,, آمين ,,

هههههههههه لله درك ليتي خوي لك ,, انا اشهد انها وناسه وفلة حجاج ,,