أكد مدير الإدارة الإعلامية بوزارة الخارجية السفير أسامة النقلي أنه جارى التحقيق فى شكوى أحد الناجين في تصريح إعلامي له من قول نسبه لمندوب القنصلية السعودية في إسطنبول انتقد فيه مصابي الحادث التحقيق بتهمة الإساءة لضحايا مطعم إسطنبول.
وقال الخارجية تتعامل مع أي ملاحظات باهتمام بالغ، بما في ذلك الملاحظات الخاصة حول القنصلية في إسطنبول بعد الحادث الإرهابي الأليم الذي وقع في المطعم وذهب ضحيته عدد من الأبرياء، من بينهم ضحايا ومصابون من المواطنين مؤكدا أن الوزارة تتحقق من هذه الملاحظات بكل تفاصيلها، مؤكدا أنه إذا ما ثبت وجود أي قصور فإنه يتم التعامل معه بكل جدية ومسؤولية، وفق أنظمة وقوانين الدولة.
وكان أكد مواطن يدعي حسن خاشقجي أحد السعوديين الناجين من حادث إطلاق النار الإرهابي في إسطنبول، إن مندوب القنصلية السعودية قال لهم: “الغلطة غلطتكم، ليش تروحوا أماكن مشبوهة ليش تروحون ملهى ليلي”.
و قال خاشقجي أن مندوب القنصلية السعودية وصلهم في التاسعة والنصف صباحاً وكان بعض المصابين السعوديين ينزفون دماً، إلا أنهم تفاجأوا بلومه لهم ،مضيفاً أن أحد الناجين السعوديين وبخ المندوب بغضب قائلاً: “انت بدل ما تطمن علينا وتودينا المستشفي قاعد تلوم”.
التعليقات
المسلم مأمور بالبعد عن أماكن الشبهات
المكان عبارة عن ملهى ومطعم أو مطعم وملهى. انا ما أشمت بأحد بالعكس ادعي لكل مسلم بالرحمه.
و ماينفع نقول ليش وماليش والمفروض..الخ..
لكن الغريب أن في بعض الناس يبرر وجوده في أماكن الشبهات أو يبي يكذب على الناس في وقت ماتقدر تكذب فيه
السفير والقنصل واي موظف في السفاره هو موظف في خدمة المواطن بغض النظر عن سبب زيارته حتى وان ذهب الى ملهى او مرقص وتعرض لمشكله فيجب عليه بدون تكرما منه ان يقف مع المواطن ويحضر له محامي اذا عنده مشكله مع احد ويدفع عنه اي مبلغ اذا هو محتاج ويسفره ليعيده لبلده اذا رغب في ذلك ويجب ان يقدم هذه الخدمه وهو مبتسم لانه لا يدفع من جيبه وما عينته الحكومه في السفاره الا من اجل المواطن لذلك هو ملزم ان يخدم كل هذه الخدمات للمواطن وهو مبتسم ابتسامه عريضه واذا مو عاجبه فعليه تقديم استقالته والعوده للبلاد والمندوب في تركيا يجب ان يحقق معه ليعرف حجمه الحقيقي وما هو دوره في مثل هذه الضروف وهذا واجبه بلا منه من احد
اسأل الله سبحانه أن يجعلك بمكانهم ياأم فيصل وأن يقتص منك بالدنيا قبل الأخره
الناس بس جيدين يتشمتون ولاندري عن أي شي لنا فقط الكلام وننقله ولم تتضح الصورة
الى الأن حتى لوكانو في ملهي المفروض الدعاء لهم لا التشمت فيهم
قولي خير أو أصمتي
الله يرحم الميت ويشفي المصاب
يعني من المفروض لما اروح تركيا سياحة امر على السفارة اقولهم وين اروح عطوني جدول زيارات أماكن تحبونها انتوا !!!
ثاني شي هذي سياحه اروح مطعم اروح ملاهي اروح ملهى اهم شي ما اقرب الحرام .
يعني لو كان احد يعلم وش بيصير له بعد ساعه ما اتوقع بيطلع من البيت اصلاً .
الله يرحم المتوفين ويشفي المصابين
اول شي الله يرحمهم وبعدين مندوب السفارة معه حق ايش موديكم اماكن مشبوهه بالنسبة لهزيم مسوي انك حق سفريات احتفال راس السنة ايش تتوقع يكون فيه مواعظ مثلا كل رقص وسكار الله لايبلانا احد يودي زوجته لاماكن مشبوهه
الرجال جاي ٩ ونص الصباح الشرها مهو على المصابين الشرها على الي صحاه من النوم الرجال كان بيصحى العصر وقفلتو اخلاقه عموماً نوم العوافي يا مندوب عسى وأتمنى ما ازعجوك
الا وين السفير الي ارسل المندوب عسى ما ازعجوه برأس السنه
ام فيصل ياليتك تبلعين العافيه.
اذا انتي مو فاهمه الموضوع الا من وجهة نظرك هاذي مشكلتك.
اول شي الحادث كان في مطعم مو ملهلى ، وفي تركيا غالبا الملهى يكون جنب المطعم.
طبعا ما اعتقد تعرفين الشي هذا ، لأاني متأكد انك ماقد رحتي تركيا او يمكن ماقد ركبتي طياره.
ثاني شي المفروض يؤدي شغله وبس ، ماله دخل راحو ملهى راحو مطعم راحو بر مو شغله، هو المفروض يؤدي اللي عليه وبس ولم يوضع هناك عبث ، ويكفي انه آخر واحد جاي من القناصل على كلام الاخ حسن خاشفجي.
ثالث شي يا أم فيصل ترى اللي ماتو وانصابو ابناء بلدك ومسلمين فليش كل هالحقد يأم فيصل.
يعني لو ولدك فيصل ماااااااااااات في هذا الحادث بيكون ردك زي الحين!!!!!!
انا يأم فيصل من رأيي انك تهتمين في بينك وعيالك وطبخك احسن لك.
لو ان لك ميت من هذا الحادث كان ماكان هذا ردك!!
!!!!!!!
والمندوب لازم يرقى إلى مستوى أعلى سفير او وزير خارجية نتمنى يكون خليفة الجبير
يا وزارة الخارجية الموضوع مايحتاج تحقيق المندوب كفى ووفى التحقيق لازم يكون مع الناس اللي راحو الملهى الليلي
اي اهانه في الموضوع الرجال قال الحقيقه اذا شافين انها اهانه ايش يرحون هناك ترا حساب البشر يسير خافوا من حساب رب البشر هو الشديد ي مسلمين
اترك تعليقاً