تعرضت طالبة في الصف الأول متوسط بمركز ثربان التابع لمحافظة المجاردة منطقة عسير صباح اليوم الأحد للضرب والاعتداء البدني من قبل مديرة المدرسة، وبحسب التفاصيل التي حصلت عليها ” صدى ” بان الطالبة قامت بالكلام بالطابور الصباحي , بعدها قامت مديرة المدرسة باستدعاء الطالبة امام الطابور وقامت بضربها بمسطرة خشبيه على الظهر وعلى الجنب أمام الطالبات وأعيون المعلمات .
هذا وتحدث لـ ” صدى ” شقيق الطالبة علي الربعي مؤكداً ماحدث لأخته من ضرب مبرح من قبل مديرة المدرسة , كما أضاف بانه تم أستدعاء والدتها صباح اليوم وتهديدها بفصل أبنتها أو توقيع بعض الأوراق التى أمضت عليها مع العلم بان والدته لاتقراء ولاتكتب .
هذا و طالب الربعي من مدير التربية والتعليم بمحايل عسير إنصاف أخته من ظلم مديرة المدرسة تجاه هذا الاعتداء الجسدي، مما أثر على نفسيت أخته وتعرضها لصدمة نفسيه تجاه ما تعرضت له من سلوك غير تربوي ، فلم يعد لها رغبة في الاستمرار في الدراسة، مضيفاً أنه سوف يتقدم بشكوى رسمية غداً وعمل تقارير طبية .
التعليقات
الفلكه والحرمان من اللعب والمشاركه يمكن افضل من الاهانه النفسيه اوضرب الوجه؟
كلام فاضي
نامسه لسعتها وقالوا ضربتها المديره
ياناس ربوا عيالكم ولا احد يضربهم
هههههههههه..ضحكتوني الله يسعدكم ..مع ان مالي نفس اضحك الله كريم
انا ضد الضرب بانواعه خاصه فالمرحله الابتدائيه لما له من اضرار بدنيه ونفسيه على الطالب والطالبه في المستقبل وتعليمهم على الحقد والكراهيه للاخر
حسبي الله ونعم الوكيل
يجب طرد المديررره وطي قيدهااا من سلك التعليم فووورا هذي لاتصلح مربية ابداااا وهي نموذج للمعلمه الفاااشله للاسف الشديد .
لا لا تحطيني معاها انطم احسن ولا يهمك
ترركت كل الردود وجيت علي؟؟!
تنطم ولا أستلمك معاها ؟!!
تعميم لجميع المدارس الحكومية والأهلية )
ه
المكرم مدير مدرسة/ ………………………… ……………….. …… حفظه الله
السلام عليكم ورحمة الله وبركاته
الحاقاً لتعميمنا رقم 639/4 وتاريخ 26/11/1416هـ والقاضي بعدم استخدام الضرب بالمدارس من قبل بعض المعلمين الأمر الذي يخالف التعليمات والتعاميم ويعرض بعض أبنائنا الطلاب داخل المدارس لأنواع مختلفة من الإيذاء النفسي والجسدي نتيجة لهذه لممارسات من بعض المعلمين والعاملين بالمدارس وبأشكال متعددة كالتهديد والتخويف والترهيب واستخدام الضرب بالعصا أو باليد أو بغير ذلك بدون قصد منهم . هذه الأساليب التي لا تمت للتربية والتعليم بصلة ويترتب عليها أثار عكسية على الطلاب تؤثر سلبياً على مستقبلهم وحياتهم الصحية والنفسية والاجتماعية والتحصيلية .
وقد نصت المادة (57) من القواعد التنظيمية لمدارس التعليم العام الصادرة من وزارة التربية والتعليم عام 1420هـ ( على أنه لا تجوز معاقبة الطالب بالضرب ولا بأي نوع من العقوبات البدنية أو النفسية ) كما أكدت قواعد تنظيم السلوك والمواظبة في طبعتها الثانية عام 1427-1428هـ في المادة رقم (25) من الأحكام العامة للسلوك صفحة (16 ) : ( ضرورة تجنب جميع الممارسات غير التربوية التي لها أثر سلبي على الطالب وتحصيله الدراسي ومنها الإيذاء الجسدي والنفسي بكافة أنواعه ) .
بناء عليه نؤكد على جميع العاملين في الميدان التربوي من إداريين ومعلمين وغيرهم بعدم استخدام الضرب كعقاب للطلاب على ما يصدر منهم من مخالفات والابتعاد عن أساليب التخويف والترهيب في تعاملهم مع أبنائهم الطلاب والعمل على احترامهم وتقديرهم وتعزيز ثقتهم بأنفسهم وتأصيل المحبة والمودة بينهم والاستعاضة بأساليب المكافأة والثواب عوضاً عن الضرب والعقاب كما نؤكد على الجميع بضرورة التقيد بالأنظمة والتعليمات المتعلقة بالقواعد التنظيمية وقواعد تنظيم السلوك والمواظبة وعدم تجاوزها بأي شكل من الأشكال والالتزام بما جاء فيها وعدم اللجوء للتجاوزات والاجتهادات الشخصية . علماً بأن من يخالف ذلك سوف يعرض نفسه للتحقيق والمسألة .
للاطلاع وتنفيذ ما ورد به والتوقيع بالعلم من جميع العاملين بالمدرسة .
والله ايام زمان كانت حلوة والهمج ذولا ماكنا نعرفهم .كنا مؤدبين والاستاذة احسن منا طبعا . وكانوا يضربونا بس ضرب ماهو بذا الشكل واحد يكسر يد طالب وواحد يجلده جلد واخر يمزق ادواته ومتعلقاته الشخصية واخر يلطمه على وجهه عيب كذا ..انا ما اقدر اسوي كذا اقل شي اذا ماتقدر الطالب والطالبة يا اخي ويا اختي قدروا اهاليهم .احس ان عقاب اليوم هو انتقام وليس تاديب.والله يا ايام زمان ياما انضربنا لكن ضرب تربية وتوجيه وتاديب لا ضرب انتقام .ثانيا ان معلمي المدارس اليوم للاسف ليسوا كما يرام فنجدهم نتاج وقتنا هذا هياط وقلة حيا وقلة اخلاق.للاسف بس.
وانا من ناحية لا ارى في الضرب عيب الى حد لكن ليس كما نسمعه اليوم .
مره من المراة رافقني أبي إلى باب المدرسه؟
وعندما ودعني قال يالولدي أنا أبوك إلى هنا
ومن وراء ابواب المدرسه ؟
أبوك المدرس ومدير المدرسه فهمت يابني
فكانت العلاقتي بلمدرسين كا ﻷب وﻷأبن
أما اليوم بعض اﻷبأء والله مو عارف كيف يربي.
لايحق لها انها تضربها
وبالنسبه اللي يقولون كلنا انضربنا وانجلدنا عادي
انا جربت هالشعور وكلكم جربتوه هل كنتم راضين عنه او فرحانين فيه اكيد لا
وانا مابيها تمر بنفس اللي صار لنا وهذا يعدم الثقه بالنفس ويأثر تأثير بكل مستوها الدراسي
الله يهديها هالمديره وتترك هالاسلوب به اساليب كثيره
رحم الله أبام زمان كان ابائنايجو للمدرسه وأمام عيوننا وفي الطابور يقولون للمدرس ولمدير المدرسه اذا شفت ولدي أخطئ أو قل أدبه عليكم أو علا زمﻷه أقلعو جلده. العالي وكان الطالب طالب بمنعى الكلمه أدب وأخلاق عاليه أما اليوم والله مأشوف غير قلت أدب وهياط وانتيجه اليست بخافيه على أحد.
مساكين الموضفين الي في التربيه والتعليم والله صار يرثا لحالهم
سقى الله أيأيم كان الفراش حقة المدرسه كان له هيبه مابالك بل المعلم أو المدرس أو مدير المدير المدرسه كنا نخاف ننزل السوق عشان ﻷنلقى المدرس ف السوق ويجي اليوم الثاني ويقولنا أنا شفتكم ف السوق تأذي الناس أوتلعب
والضرب مو تأديب جعل يده للكسر
ابشرو يامطالبين بعدم الظرب
جاكم نظام نور بيخليكم تترجون المعلم انه يظرب ولا يحوله للوكيل لانه راح يسلخون دراجته من السلوك والمواظبه وبالنظام ولاحد يرفع برطم عن برطم
وذيك الساعه دور لخوك او اختك مدرسه تقبل فيه
إلى الذي يقول إن الضرب وسيلة العاجز ….أقول خل عنك الهياط بس …..مسوي فيها فاهم أنت ووجهك وتقول جربت التعامل مع الطلاب يعني إني …..ههههههه وأقول قبل الحكم يجب سماع الطرفين وعدم الإستعجال
تستااااااهل
كان انثبرت ولا احد بيتعرض لها
التربية الحديثة اللتي تبيها ماجابت الا شباب أنصاف رجال
وبنات طب واختار في الكيل وفي المولات
وفي الكباين والشاليهات على قفا من يشيل
ماعرفنا الجنس الثالث والبويات الا بأسباب التربية الحديثة اللي تتطالب فيها
هذي أهم الأثار في ساعدها
لا ومسوين زوووم
وين مبرح !!!
شكلكم ماجربتوا الضرب المبرح ايام لك اللحم ولنا العظم
شخصياً أعتقد أن الطالبة غلطانه ومن حق المديرة تربيها اذا أهلها ماعرفوا يربونها
مسمى تعليم فقط ؛؛ خرج عن مساره الطبيعي من تربيه وتعليم واصبح غارق في المشاكل بين معلم وطالب اوطالبٍ وآخر واتهامات وشكاوى وفرد عضلات وغيرها كثييييييير ..
يا ويلك من الله باي وجه تصفينها بقولك ( نجسه ) وانتي ما تعرفين ابعاد الموضوع ولا سمعتي غير من طرف واحد ، عشان يعني تلطشتي وانتي صغيره ظلم خلاص كل اللي يتلطشون مظلومين ، اتقي الله في نفسك واختاري عبارات طيبه بدل الالفاظ اللي اقل ما يمكن القول عنها انها الفاظ شوارع ، ولا تجين مدرعمه مره ثانيه
الله يشفيك ويعين اخواتك ويكسر يد المديره ويحرمها منصبها اذا كان الكلام هذا صدق اللي سوت مايستحق الضرب قدام الطالبات والمعلمات تاثر على نفسية البنت اليوم الثاني تداوم يجلس الكل يطالع فيها والبنت تتعقد اولى متوسط تعتبر طفله بامكانها تجي جنب البت وتسكتها اذا ماسمعت الكلام توديها الاداره وتعاقبها بطريقه تربويه وتليق بإنسان مو تجلس تلطش بالعصا في اي مكان في جسم البنت حتى الحيوان مايعامل بهذي الطريقه
يا ويلك من الله وش ذا الكلام وش التربيه اللي انتي متربيتها اتقي الله في نفسك ترين ساعات وماخذه خروج نهائي من الدنيا هذي ، باي وجه حق تصفينها نجسه وانتي ما تدرين وش ابعاد الموضوع ولا سمعتي من الطرف الثاني . الله يهديك والا ياخذك بس
يا أخي اذا كنت ماتعرف وش اللي يصير بالمدارس من الطلاب لاتتكلم بما تجهل ……
وبعدين وفر علمك بالتربية اللتي تنادي بها لنفسك واللي مثلك من الجهلة وربوا عيالكم ..
وهـالمديره مسويه عنتر بن شداد !!! حتى لو الطالبه اخطأت فيه وسائل كثيره لمعالجة مثل هالامور ,,,, الــتربيه ما تجي بالضــرب !!
معليش المعلمة عندها مشكلة … تأخرت في الزواج أو غضبانه مع زوجها
ومن آمن العقوبة أساء الأدب
الأخذ بالثأر
ارجو من اخو الطالبة تقديم شكوى للشرطة وبدون تاخير ،،،،،
يعني انت حكمت الان ان البنت على خطأ والمديره على صواب
لا تتدخل في شئ ما تعرف حقيقته ولا تحط شئ بذمتك
الله يكسر يدها
اشتكي عليها سلامات للحين يتعاملون بالضرب مافكرت بنفسية الطالبة وكيف شعورها قدام زميلاتها وهي تنضرب كان اكتفت بتوبيخها وخلاص ماسوت جريمة ترا
من اللازم ان تعاقب المديره علي اسلوبها الذميم واشد العقوبه هي وغيرها من اللواتي يقمن بالضرب وهذا ليس اسلوب للتربيه ولاكن ماوجدت من يضرب بيدها من عصا وانا اتمنا ان لاتقف ولا تاخذ بحق اختك من اللازم اخذ العقوبه يامديره
للاسف اخوى ابراهيم انت لم تعلم الا في مدارس اهليه من فوق خشمك تدللهم لانهم هم يدفعون راتبك لكن لو درست في مدارس نائيه حكوميه كان نسفوا جبهتك والصحف تنشر كل يوم عن اعتداءات الطلاب على المعلمين هذا غير الاعتداء الفظى فكان هذا الاسلوب يتعدل بالضرب فاليكن …..وجميعنا مرينا بمراحلها وفيه طلاب يستاهلون العقاب
ولم نسمع في ايامنا بضرب الطالب للمدرس لانه كان مربيا قبل ان يكون معلم لكن في ايامنا هذه جعلوا الطالب هو المدير بالمدرسه ولاتقاومه حتى يطرحك ارضا ههههههههه الدنيا عجائب فين دور التربيه كان لا شفى المعلم نتخبي والحين يتفلون بوجهه وين تبون توصلون بالتعليم
التربيه من البيت قبل المدرسه فل عاقبت ولدك او بنتك لعمل مخالف يوما وليس العقاب بالضرب فيه اساليب كثيره لاكن ان لم ينفع فاخر الدواء الكى
باختصار بنت حبت انها تتميلح امام زميلاتها
يعني اول متوسط كبرنا ممنوع الضرب انا فاهمه
وجلدتها المديره
احشر اختك وخل امك تتأكد من زميلاتها وش قالت اختك بالطابور
لاتحكم بسرعه التربيه والتعليم نادرآ مايظلمون الطلبه
مع احترامي للجميع
انا موظف في وزارة التربيه والتعليم ويشهد علي الله بان هيبة الوزارة والمعلم والمعلمة
حتى الاداريه ومديرة المدرسه ضايعه وفي اسفل السافلين
والسبب هو الاستهترار وعدم التفاهم بين ولي الامر والادارة
يا اخي بنتك او ابنك لو انه مربى احسن تربيه كان ما تطاول على معلم/ه او مدير/ه
الفروض انك تعلمه من البدايه انه رايح يتعلم مو رايح حق مشاكل ولعب
ولو صارت لك مشكله ما راح اسعدك احترم الناس يحترمونك
قبل 30 سنه كان فيه بيت شعر لا احمد شوقي كنا نمشي عليه
قُـــــــــــم لِـــلــمُــعَــلِّــمِ وَفِّـــــــــــهِ الــتَــبــجــيــلا. كــــــــادَ الــمُــعَــلِّــمُ أَن يَــــكــــونَ رَســـــــولا
كان المعلم نكن له كل احترام وتقدير ومن حبنا له نفهم مادة لوهي صعبه
اما الان انعكسة وصار كل شي ضد المعلم/ه
اختك يا اخ علي الربعي تكلمت بين نقول 100/ 200 /300 /450/ طالبه
وش يدل عليه وش معنى هي الوحيده بين هذي المجموعه
ياليت تسال نفسك
لزم توقفهم عند حدهم وتاخذ حق اختك والمديره تنفصل
ياسراجين ياظلماء . اخ خالد هدانا الله وياك الضرب لأسباب مقنعة او بسبب يستاهل ماعليش ، اما انها لمجرد انها تكلمت تضربها وقدام زميلاتها اعتقد ماهي طريقة صحيحة ، فية الف اسلوب واسلوب للتعامل مع الطلاب . والهيبة تصنع بإسلوب لا بعنجهية . احد مدرسينا ايام المتوسط جزاه الله عنا خير يهابة جميع الطلاب بدون مايضرب . وفية مدرس آخر تعرض للضرب والمشاكل بسبب انه يعاقب بالضرب على اتفه الاسباب .
والله الموفق
الله يكسر يدها عاد من زين الاذاعة بربرة معادة من سنين قص – لصق – القاء
لو الاذاعة يامديرة المدرسة فيها تجديد ومشاركة من جميع الطالبات ما راح يملون الطلبه من الاذاعة بس اللي نلاحظ ان الاذاعة دائما يطلع فيها طالبات محددات طوال العام والباقين مستمعات
المفروض الاذاعة تكون مشوقة وفيها عرض بروجكتر مشوق للطالبات والطلبه وتناقش وتلامس افكار الطالبات والطلاب كذلك
تكلمت في الطابور ضربتها ضرب مبرح هذي المعلمه عندها ضعف في الشخصيه بالبيت تريد استرجاعها بالمدرسه والله اعلم
مرة اشتكت علي بنت اختي ..وقالت ان المعلمة ضربتها ومزقت دفتر الواجب.وقد سمعت انها ضربت بنت اخرى على وجهها بيدها .واغمي عليها وقد سمعت عن هذه المعلمة الكثير. فكتبت لمديرة المدرسة بتحذير تلك المعلمة وعليها ان تلقط رزقها وتحمد ربها ولن سمح لها ان تمد يدها لهذه البنت مرةثانيةواياها ان تمزق اوترمي شي من متعلقات وحاجات الطالبات الخاصة مهما يكن.وكتبت لمديرة المدرسة ان صورة من خطابي هذا ستذهب لادارة التعليم .وبعد ان وصل الخطاب قالي فراش المدرسة ان المديرة نقول لاتودي صورة الخطاب لادارة النعليموالمعلمة تعتذر ولن يتكرر هذايقولوا انه النهار الثاني ان المعلمة جالسة تبكي ونقول لهم انا ميضة نفسيا وقد طلبت ام البنت وجدتها وقالت لهن بالله يسامحنا هالمرة .ولن تتكرر.واذكر اني كتبت لها والله لو ماتت اي طالبة بأي سبب كان .طالما هذي افعالك فسأتهمك انتي وجميع اولياء امور الطالبات يقولوا هذا.
بعضهم همج انكان طلبه او معلمين وبعضهم محتلرم
مستحيل ضرب بدون سبب .
واتمنى ان تعيد وزارة التربية هيبة المعلمين والمعلمات واستخدام الفرش بالخيزرانه لان التربية في البيوت اصبحت هباء منثور الاولاد والبنات عليهم اساليب وحركات مخيفة جداً
الشكوى لله ضاع الحق والباطل والله يابعض المدرسات والطالبات انهن همج بكل ماتعني الكلمه وبعضهن محترمات ولكن الله يعين على الدنيا ما فيها مستريح
يا مؤيد
الضرب وسيلة العاجز ولانه لايجد لديك القدرة على التربية الصحيحة تلجأ الى التخويف والضرب وهذه كما ذكرت وسيلة عاجز فنصيحتي ان كنت في مجال التعليم ان تبحث لك عن عمل اخر تستطيع تفريغ قدراتك النفسية فيه
انا جربت التعامل مع الطلاب فمهما كانوا سيئين الا انك بتعاملك وحسن خلك وشخصيتك وقدراتك تستطيع السيطرة عليهم وخاصة اذا وجدوا منك الاستقرار النفسي وعدم التردد وعرفوا حقوقهم
ثاني مرة يمديرة المدرسة عطي الطالبة رضاعة ودخليها الفصل وسمي عليها . والخبر يقول ضرب مبرح لية تهويل الامر راحت هيبة المعلم والمعلمة
فالجنووووب ماهي بغريبه
الحين بعض البنات أول ماتتعين ماتشوف الناس على بالها عينوها وزيرة.وهي كلها شهادة جامعية الكل يقدر يأخذها
أتذكر تكلمنا بالطابور ثاني يوم ضررب بالمسطره بس بالطول وبالحافه انكسر اصبعي من وقتها الظهر للرئاسه رفع أبوووي البلاغ ونقلو المصريه العفنه روح انت خذ حق أختككك الضعيفه أمك ماتعرف ولاتكتب تخليها تروح أكيد النجسسه بتخليها تبصم على الورق
ياااليتكك اختي والله لاكسرررر وجهاااا انا اختي بالابتدائي كرهت المدرسهة بسبب معلمهة تخااصمهاا دايماا وهي بصف اول ابتدائي والله ماسكت لهاا رحت للمدرسهة وقلبتهاا عليهم فوق تحت وطلعت اختي من عندهاا وحطيتهاا عند معلمهة ثاانيهة والله لماا اروح لمدرسهة اختي واقابل المعلمهة ماتحط عينهاا بعيني مع العلم اناا والله مو مشكلجيهة ولااحب المشاكل بس فيهة ناس مايجوون غير بالاسلووب ذااا …#
اذا المديره هذي اخلاقها فما بالك بالمعلمات
بعض المدرسات والمدرسين بهايم مايعرفون غير الضرب الله يكسر يديهم ماعندهم اسلوب ممكن تخلي الطالب او الطالبه تستحي وتخجل من غلطها باسلوبك ماعندكم غير الضرب ياناس ارتقو بعقولكم
انا بصراحه مؤيد لضرب الطلاب والطالبات لانه يعدل من سلوكيات اولادنا ويضع هيبت المعلم والمعلمه بين عيونه
المرض النفسي سيطر على المجتمع نسأل الله العافيه والا ماذنب الطالبه المسكينه لتستحق هذا العقاب البدني ، الواسطه تلعب دور لويوجد رادع لم تفعل هذه المديرة هذا الفعل ،
عجايز هههههههههه
الضرب ممنوع والوحده لازم تسيطر شوووي ذولا اولادنا وبناتنا لازم نعاملهم معامله حسنه ونأدبهم بطرق تربويه حديثه مؤ بالعصااااااااا
اترك تعليقاً