قالت مصادر صحفية إن اللجنة الأمنية بمجلس الشورى أوصت بالموافقة على مشروع نظام الادخار للعسكريين بهدف تحقيق الأمان الوظيفي للعسكريين وتشجيعهم على التوفير واستثمار أموالهم بما يعود عليهم بالنفع.
ووفقاً لـ “الرياض نت” فإن أولى مواد المشروع الذي يستهل به الشورى أعمال جلسة الاثنين المقبل، تنص على إنشاء صندوق يسمى “صندوق الادخار العسكري” يرتبط بوزير الدفاع ويتمتع بالشخصية الاعتبارية والاستقلال المالي والإداري، بهدف تأمين مستقبل المدخرين واستثمار أموالهم وأيضاً تمويل المشروعات الاستثمارية .
وينص المشروع الذي قدمه عضو المجلس اللواء محمد أبوساق، على استقطاع مبلغ لا يزيد على 15% من الراتب الأساس للمدخر بنسب تصاعدية تحددها اللائحة التنفيذية، وتساهم الدولة بنسبة موازية لما يستقطع من راتب المدخرين، وتعتبر مساهمة الصندوق في الشركات الوطنية مؤهلة لها للحصول على التمويل الحكومي.
التعليقات
الله المستعان الملك يعطي من فوق وهم يلهفون من تحت أنا ابي أعرف شيء فقط هو مجلس الشورى وضع من اجل المواطن والا من اجل سرقة المواطن اذا كان العسكري عند التقاعد ماياخذ حقوقه الا وحتى يشتكي للمحكمة فكيف تبونه يرضى بالاستقطاع من راتبه من اجل استثماره يعني بالله مجلس الشورى ماعندهم شغله الا يفكرون كيف يلهفون حقوق المواطن
فانا ارى انه يجب النظر في وضع هذا المجلس واعادة تشكيل اعضائه بما فيهم رئيسهم فحقا طفح الكيل
الحل جعل سنوات الخدمة 30 سنه للعسكري المجهد واحتساب كامل بدلاته عند التقاعد وخلك من افلوسة الى تبي تستثمرها له انت وياة هههههههههه
اولا الموضوع قبل اجتماع الفاهمين هههه انا اعطيكم النتيجة الموضوع فقط للاستهلاك المحلى ما به شئ سوالف
ثانبا الاخ ابو ساق من اقدم اعضاء المجلس بس ماله شغل في امور اقتصادية والتنمية وبعد ما غفي حب يلفت انتباه فقط
ثالثا انت كيف يتستقطع 15% ههههه انت تدري كم يبقي من راتبة ( تراه ما ياخذ كل سنه ربع مليون على جنب مثلك وبعدين من الى بيديرها وكم خطاب على شان نسترجع الفلوس حقتنا ( مشروعك فاشل بس حسبي الله عليك وعلى من يرشحك مره ثانية )
هههههههههههههههه كيف بتاخذه ههههههههههههههه سوالف
عسى الله ينصر كل مظلوم
الله لا يوفقكم لادين ولا دنيا ولا أااخرة ……….أول شيء عدل وضع رواتب العسكريين وبعدين تعال ناقش كيف تسرق رواتبهم ………ياعسكر صحصحوا ولا ترا بتروحون طعام أجحوش
فكروا في زياده الراتب ٥٠% عطونا ٢٥٪ و٢٥٪ ضعوها في صندوق الادخار وإذا تقعدنا عطونها مع الإجازات
ههههههههههه هو باقي من رواتب هالعسكريين شي عشان تستقطعونه قروض اجارات مصاريف غرامات مخالفات و و و و و الله يعينكم يالعسكريين حاسدينكم على بدل هالغلا وودهم ياخذونه بأي طريقه بدل ما تعطونهم تاخذون بطريقه احترافيه ايش قالوا ادخار ههههه
ماعمر المجلس قدم شيء في صالح المواطن ولا الموظف فكو المواطنين من اقتراحاتكم والكلام الفاضي ويعلم الله بان المجلس عبئ على الدولة لافائدة منه
ردد ياليل .. دراسه وكلام كثير … قرقر …قرقر ..وبعدين يطلع المشروع ضد العسكري المسكين ولا يستفيد منه إلا العسكر إلي راتبه فوق العشرين ….
مشروع جديد لسرقه
المستفيد الاول والاخير البنوك تستقطع لحسابهم عشرات السنين يتم استثمارها في مشاريع وهميه ومضاربات في البورصه المحليه والخارجيه.
ثم ترد الى العسكري في نهاية تقاعده بدراهم بخص معدودة .اذا نعود لنقطة البداية .
مؤسسة التقاعد تعمل نفس النشي سنين تأخذ 9 % ويعتبر ادخار لا يلعبون علينا .
لو يعطى العسكري كل 5 سنوات من ارباح مؤسسة التقاعد الموجوده على شكل سندات في البنوك الاجنبية(الامريكية بالخصو ص) المقبله على ازمه حقيقية .
الحقوها حلال علينا .الله لا يبارك في من شار عليهم وحطها هناك.
في الختام لا نحتاج الادخار حقك يا بو ساق ولا تناقش مع مجلس الشورى لانه ضد العسكري قلب وقالب.
لو يسرون اعضاء الشورة اخر الليل خفارة او مواجهه حقيقية مع الموت لصرفو لنفسهم 300%مع بدل سكن وبدل تعب وبدل وبدل
الله المستعان على ما يصفون.
لا تساومونا يا مجلس الشورى على وطنيتنا بدري عليكم
اللهم إليك أشكو ضعف قوتي وقلة حيلتي عسكري راتبه مايغطي مصروفه لابيت ولاقدرت
أتزوج والبنك قاصم ظهري فاللهم فرجها ياواسع المن
انا عسكري بالقوات البريه والله العظيم راتبي 4383لا وبعدين متغرب عن اهلي لي 5سنوات
الشورى ههههههههههه لربعنا فقط والشعب كان الله في عونه محد يعبرهم ويهتم فيهم . حتى اللي يعينون حنا اخر من نعلم ههههه كل شي ملك لهم وحنا برا
للأسف العسكري لايزال راتبة عند التقاعد اسوء راتب على مستوى جميع الموظفين
ولو قارنت بين العسكري الي يتقاعد على 25 سنه او اقل او اكثر مع المدني تلاقي الفرق يتجاوز اكثر من 7000 الاف ريال والعسكري الي كان راتبة 15000 الف يرجع 5000 الاف وعشره الاف ريال مدري ليه تطير ؟
رغم وجود العسكر في كل المهات الوطنية من البحرين لليمن لمشاكل الاثيبوبيين الى مشاكل السيول العسكر في كل مكان وفي كل ازمه ولكن للاسف التقاعد مجحف بمعنى الكلمه
ههههههههههههههههههههههه بعد ايش تقاعدنا والراتب ثلاثه الاف
يابو ساق شوف حل لخوك ابو سيقان راتبي 1985 وعدد افرات اسرتي ستة افراد
المفروض تزيدون العسكريين مو تخصمون منه الله يصبرهم هالعسكر
متحسفين على15% بدل غلاء معيشة الي عطونا وناوين يشيلوها بس مووو معارفين كيف يشلوها قجابو هذه الفكره
وبكره يقولو الشركات التي استثمرنا فيها فلست
ان لقيت يبو ساق ربع راتب العسكري صفى للكثريه منهم يكون خير ناس هايصه وناص لايصه بس رجعو بدلات العسكري اذا تقاعد وهو بخير من دونكم الله يرحم الحال ويكون بعون الجميع ان شاالله لاحول ولاقوة الابالله واللهم صلي على نبينا محمد
السلام عليكم
بس نقول الله لايوفقكم والله يمحيكم كم بقى من الراتب حنا بلجيش مايكفي راتبنى الحاجه بس حلو عنا حنا نئمن مستقبلنا مو انتم يا الضياع ليش ماتخصمون من رواتبكم وأتئمنون مستقبلكم بس كل ما أجتمعتوا ماعندكم سالفه الا العسكري اذا انكم صادقين طالبوا لنا بزيادة رواتبنا الى ماتغطي المعيشه الان هذا والسلام عليكم
يعطيك الف عافيه
اترك تعليقاً