راحت أيام يا أستاذ بصير طيار

ههههه ماكنا نعرف وشي الواسطه يوم نقول نبي طيار
العسكرية أولا من واجبنا خدمه لديننا ومليكنا ووطننا
بس للأسف كان ودي وقدمت وحاولت وامنيتي بس الطول يعني 2سم

ههههه ماكنا نعرف وشي الواسطه يوم نقول نبي طيار

وش فيها العسكريه تغنيك عن منت الناس وتحمي وطنك
انا اعتقد أن العسكريه رزق ومرجله وما فيها شيء

وفي السماء رزقكم وماتوعدون
انتو شدوا حيلكم واسعوا بجدية ورح تلاقوا خير باذن الله
واما حكاية طيار فلا اصلا ادوخ من الطايرة ^_^

يارجل مافيه أحد بياخذ أكثر او أقل من رزقه ولا فيه أحد بياخذ رزق غيره…
شد حيلك من الان..ولو بمبلغ يسير وأشتغل في البيع والشراء وربي يرزقك من فضله
أعرف ناس كانت فقيره جداً وبالجهد والتعب الان هم ماشاء الله أغنياء

لا تتنازل عن طموحاتك وانا أخوك .. خلك مثلي “” كن عنيييد وبتوصل للي تبيه بإذن الله __ صدقني انا تخرجت من الجامعه ولم اقتنع بإي وظيفه وجلست شوكه بحلوق بعض الناس الين توسطوا لي بالقوه هههههه رغم اني ما اعرفهم معرفه جيده وليسوا من اقربائي والان الحمد لله انا في مركز وظيفي مرموق والفضل والمنه لله ,,, اهم شي لا تقنع بأي وظيفه ودور لك واسطه وانشب له نشششششب الين يوقف معك ليس تعاطفا معك بل رغبة في الخلاص من ازعاجك له , ترى الواسطات كذا اذا ماتنشب له والا والله ما أحد يفزع لك ,, حط في رأسك فكره بسيطه جدا وهي ان من هم أقل مني تبوأو مناصب عاليه ولن اتنازل الا لين اصير مثلهم وأحسن منهم , وبكذا ستسير حياتك

عمل واجتهاد وتعب ومن ثم حصاد
هكذا الحياة
جزيت خيراً بنت الرياض فكلماتك بين حروفها أمل وتفكر ونظرة أخرى للحياة بمنظور مختلف

اهيي راحوا الطيبين

بالله لاتحرم الطيب من الجنه

بالله لاتحرم الطيب من الجنه

كنت احلم لكن حلمي صار زي الزفت تخرجت قبل 8 سنوات ونسبتي 94 % ودخلت الجامعة حاسب وتخرجت ومعدلي زين واشتغل براتب 4500 , صرت الحين اتمنى اصير جندي بالامن العام لكن الله المستعان لازم واحد يمغطني علشان اطول , ههههه , لكن الحمدالله ما احد يمن علي بواسطة او غيره كله بعرق جبيني جبته حتى كان معي سيارة يوم دخلت الجامعة كريسيدا 82 وبعض الزملاء معهم 2005 2006 , لكن حبيت اقول الي يبي العلم راح يجني حصاده والارزاق بيد الله

بيض الله وجهك يابنت الرياض

لاتشكي فبئكي

وين كسول الله يرحم والديك الاجانب ماخلو وظيفه واذا عطووووك فرصه بسببولك مشاكل الين ينتفووونك

الله يرحم زمانا
الدتسن الي تسوقه كان عندي مثله موديبل 86 نيسان يهرب زيت بايع ذهب زوجتي اشتريه
وكديت علية خط البلدة العليا والبطحا ون جاني راكب من النقل الحماعي يبي يروح وادي الدواسر ولا القصيم او الشرقية ركبته وعبيت زمزمية الشاهي بالطريق وتوكلت على الله مع شغلي بالعسكرية يوم اني بالحرس رقيب
صحيح ماصرت غني لكن الحمدالله الله سترها معي ربيت عيالي بالحلال ولو ابي
الحرام كانت دراهم الدولة بيدي يوم اني اشتغل بالحرس العب فيها

اشكر ربك وقل الحمدالله

الله يعين وييسر الامور محد مرتاح بها الدنيا

ألشباب السعودي كسووووول

لا ماضعتوا إلي يبي المراتب العليا لازم يتعب
جد واجتهد في دراستك وبإذن الله الله مايضيعك
أسواء شئ يسونه الشباب هو المقارنات لاتقارن نفسك بغيرك أنت غير وهو غير
شغلوا مخكم وأتركوا عنكم اللفلفه في الشوارع الزمن هذا صعب ولازم تتعب نفسك في البداية وبعدين ترتاح
كل إخواني تعبوا في دراستهم حتى إن أخوي الكبير كان يروح الجامعة في سيارة هلكانه وكانوا الشباب إللي الله رازقهم يستهزئون بسيارته
بس الله ماضيع تعبه الان هم يجون إلى عنده
ماكان عند إخواني واسطه أو ماده
هم صنعوا أنفسهم بالتعب والصبر بعد توفيق الله
تقهروني لما أشوفكم ضايعين ماتدرون وين تروحون
ثقوا في أنفسكم وأتركوا الشباب الغرقانين في اليأس والاحباط تخلصوا منهم ترا في بعض الاصحاب ينبسط إذا شاف وضعك مثله أو أسواء منه حتى مايحس بفشله
أنتم أذكياء بس تحتاجون شوية تركيز وإهتمام وإن شاء الله تنجحون
الحياة صعبه بمجملها وماهي فله ووناسة مثل ماأنتم تتصورون
يمكن تظنون إنه مافي أمل بس ربك كبير إذا أغلق في وجهك باب إنفتحت لك أبواب وإذا دخلت نفق مظلم في نهايته تلاقي نور
أحزن لما أشوفكم يائسين ومحبطين والله أتمنى لكم الخير
وأتمنى إنكم تبتعدون عن المخدرات والدخان والمسكرات والتفحيط وغيره لاتنسون أمهاتكم وخواتكم قلوبهن عليكم يكفي كل عائلة فاقده أحد من عيالهم
الله يهديكم ويصلحكم ويوفقكم ويبعد عنكم كل مايضر ويفتحها عليكم دنيا وأخره

لان الواقع غير.. الله يكون بعون هالشباب

حلم الطيار والدكتور والمهندس للحين

آخرتها ياحافز يالعسكريه

صصدق كانت احلامنا سماا يوم خلصنا صارت زي ماقال اخونا هههههههه