فتاة تقود ددسن من عبد الله العنزي

علي الملازيم لو بنات هالجيل مثلها اني لأوافق على سواقة الحريم

محتشمه مشية ثقه وابن امه يقربها والبندق على الطبلون ههههههه

مانبي مايعات يسووقون ومخصير وقلة ادب .. يعني افهموها

تتوقعون اللي سوته حلال ام حرام ؟؟؟؟

يامن صورت المقطع الله يفضح عرضك على رؤوس الاشهاد مثل مافضخت ذا الحرمة المحنشمة المسكينه اللي واضح ان ماعندها احد يخدمها فضطرت تسوق وتقضي حاجتها بنفسها

ياناس هاذي حاله عاديه لانها عجوز ماعندها لعب تقضي لزومها من البقالة وترجع من الطريق الصحراوي في القرى الصغيره والنيه صافيه مو وحده لابسه جينز ولا تنوره قصيره وتسوق وتفتن الناس روحو للقرى تشوفون العجز يسوقون بس مو كثير

شاهد المقطع في الثانية 24 تقول الحقها الحقها ههههههه انتي معه ويش يبغابها

ولله يا جماعه الحرمة كبيرة بي السن شكلها وتعرفون لولا الضرورة

الله المستعان اتمنى من الهيئة والمرور التدخل لمثل هده الحالات في اي مكان من مملكتنا المحافظة على تقاليد الاسلام … حتى لاتتفاقم هذه الظاهرة لدينا

من عادنا بزارين قبل 25 سنه والنسوان في الهجر والقرى وهن يسوقن

ومتسترات وبنات رجال مهب ذلحين بعض الحريم يدوجن في الشوارع ويطلبن

التحرر من الحجاب لاحول ولاقوة الابالله

والله كفو حره وبنت رجال متستره بالزي الاسلامي ولا تتلفت لايمين ولا يسار ..مسكين اللي يصور ايش الاستغراب واللقافه ..هالحرمه والله انها اطلق من الف رجال ..وما ساقت الموتر الا لن ماعندها شباب يقربون لها ويخدمونها ..

عندنا بالقرى قبل كم سنه كانو الحريم يسوقون حتى الوايت والرشاش على جنبها واصلا كانو الشباب قبل ما يناظرون في البنت اللي تسوق ولا احد يتعرض لها ..يوم كان الرجال رجال مو ضعاف نفوس وهلايم ..

وبكل فخر انا ولد سيده بدويه كانت تسوق السياره ..لكن الحين الله يشفيها ويطول بعمرها
الزبده الله يحفظ راعية الددسن وكل بنات المسلمين ..

الله يستر عليها واضح انها بنت رجال وأصليه والدليل لبسها وحشمتها

حتى تطالعون من خرجت من السوبر ماكت لا طالعت لايمن ولا يسار

على طول للسياره

واللي صورها الله يهديه ماله داعي وماتدري غن ظروف الناس

الى ذوق فوق ——— ليـــتَ (الأخـــلاق) تُبــــــــــــاع ، لأشتريهــــا وأعطيهــــا صدقــــه لـِ فُقرائهــــــــــا

مالك حق تصورها عيب عليك

الله يستر على المسلمين

🙂 هههههههههههههههههههههههههههههههههههههههههههه
–
وباقـي يجيب لنا وش أنواع الأغراض اللي أشترتها من البقاله هههههههههههههه 🙂

هههههههههههههههههههههههههههههههههههههههههههههههههههه
درباوية

عادي ايش المشكلة وذا منذو مبطي والحريم بالقرى والبادية يسوقن

الله لا يوفق من صورهااااا
باب الحقاها الحقها

عادي واذآ ساقت .. استغفرالله بنت محتشمه وجآيه لسوبر ماركت
تشتري اشيآ ناقصه عليهم.. وبعدين يبدولي انها من قريه
وبنآت القرى معروف يسوقون .. بس عيآل المدن لآشافوا
وحده تسوق سوو سآلفه .. ترآ احنا بديرتنا الحريم يسرن على بعض
فوق سيارات هههههههه تكفون لآتمسخونها اكثر غثيتوني 🙂
..
انا عشت حيآة الحضآرة وعشت حيآة البدو ..قسم بالله انهم في
حريه نبطي عليهآ حنآ .. ونفوسهم صآفيه ونواياهم سليمه
اما حنآ ياللي عشنآ الحضآرة قسم بالله فسدنآ خلآص 🙁

فرق شاسع بينها وبين منال الشريف هاذي متستره ولاتزاحم السيارات بالمدن
اما منال

كاشفه وجهها

وتزاحم السيارات فرق شاسع

باقي شوي وتجيب اسمها ورقم لوحة السياره

الضرووف تحكم

ماشاء الله عليها الله يحميها من كل شر ويسعدها ويسر أمرها والمصور هذا ملقووووووف لو ستر عليها ماحد در عنها

هذي ما صورت نفسها وقالت انا يا عالم اسوق شوفوني واحنا حقنا وحقنا
هذي صوروها الناس وهي في شغلها حتى التفات ما تلتفت
اما منال الشريف .. فهي مطالبها حق اريد به باطل ,,

وارحمنا مرة ثانية يالمؤمن المحايد

را ماجاب شي جديد كلنا نعررف ان اللي بالقرى يسوووقن لضرروفهم وثاني شي الديرره كلها تحصلهم قااريب

والله ما نقدر نحكم عليها لن ماندري ايش ظروفها ……

الله ارسلك تصورها لبرئة الشريفه العفيفه ياكثر الثانيات اللي ماصورن مع السواقين الاجانب ودايخا ت بالسيارا ت المضلله من الاصبع الوسطى اقل شي
حسبي الله عليك
ماصورتها بستي بلازا واللا غيره مبين الصحيح من المياعه المحطه والسياره والستر
الينك ماتقدر تقرب لها اللي مثل هذي

هذه في محطة يا هلا على طريق وادي الدواسر في قرية البديع في محافظة الأفلاج

أنا اشتغلت بمنطقة نائية لا يغركم كلام الرشاش بجنبها .. والله ياكثير من الأوقات إن السروال بجنب الرشاش ….

حسبي الله على اللي صوووورها

مشاءالله عليها محتشمه وبعدين ترررا ماجاب شي جديد كلنا نعررف ان اللي بالقرى يسوووقن لضرروفهم وثاني شي الديرره كلها تحصلهم قااريب

لو ابي اصوور حريم يسووقن بالقرا سدحت لك هنا لا يقل عن مية مقطع وانا اعررف حريم كثير يسوقن ولا بعضهن والله تسووق العايدي حق الماء عااادي ماعندهم احد بقريه او بالبررر وش المشكله وتسوق عند اهلها واعيال عمها وقرايبها ومايسووقن داخل المدينه الكبيرره وكلنا نعرف هالشي ليه يعني لا تصور ياثوووووووووور اول مره تشووف

اما منال الشريف وغيررها اول شي ماتقارن منال طررررش البحرر بهذي بنت ارجال بدويه فرق السماء عن الارض

وبعدين منال ماقصدها تقضي اغراضها لا تبي تطالب بالحرريه تبي تسووق عشان تهيصصص ع كيفها حياتها كلها برا وتبي نفس اللي بررا ونفس خوالها والله اعلم خوالها باي قاااره

الله يستر عليها وش المشكلة
بس الخروف اللي مصور ومرته تقود فيه الحقها الحقها تخيلي انه انتي
ودك احد يطاردك وبعدين اتحدى عيال البرقر والحليب المعلب يقربون منها
صحيح من راقب الناس مات هما ))

حسبي الله عليك ياللي تمشي وتصور حريم خلق الله لو شافك وحد من اهلها كان وضعك غير

الله يستر عليها وعلي بنات المسلمين

هذي ماتمثل كل النساء بكرة بسوقو باللثم وكاشفات

اكثر بنات البر تسوقن عادي ومن زمان بعد
تلقاها ماخذه من البقاله الزاد تكفيهم مدة اسبوع
لان الرياجيل اغلبهم يرعون عند الابل ، وهن شغلتهن ياما تروح للبقاله ولا تروح ترعى الغنم بالسياره
وتراهن ماشاء الله عليهن محتشمات وبنات اصول وتخاف ربها

شي عادي كثير من بنات القرى وحريمهم يسوقون مادام الظروف اجبرتها

ماشاء الله اشوف الكل مؤيد لسواقتها لو إنها منال الشريف او الثانيه مدري وش إسمها وغيرها كان انواع الدعاوي عليهم لكن هذي لا كل مين يقول اكيد ظروف حدتها على هالشي ولميتو الموضوع لكن إللي قبلهم ماقلتو ظروف قلتم عنهم مفسدين لكن وش اقول شعب منافق كذاب ابو وجهين. ظالمين إ لا من رحم ربي

وياكثرهم يسوقون بالقرى عادي جداً وش الجديد بالموضوع بنات رجال

ياندى احنا مانؤيد السواقه لكن هالحرمه حاله خاصه
يكفي انها محتشمه موذيك اللي ازعجتنا منال الشربف

حنا عندنآ بالديره كيذا نسووق والسلآح بجنبناا . محدن يتعرض لنآ ولله الحمد
~ تربية أبووهآآآ . يالبى بس

وين المشكله كثير من الحريم المحتشمات خوات الرجال يسوقن بالبر
لاوبعضهن يسوقن تريلات الي بعض الرجال مايقدرون يسوقون

قسم مطنوخه تقدح من راسها واللي اعجبني اكثر شي فيها عباتها ساتره ماحد له كلام عليها يارب توفقها

الله ييسترعليها اتوقع الضروف حدتها

غريبه كلهم مؤدين سواقة المرأه من وين طلعت الشمس

غريبه صاحب المقطع ماعمل زي ربعه الي قبل

وبلغ الشرطه والهيئه

مراااجل وربي مرااااجل

واضح إنها ساكنه بقريه وجايه المحطه تاخذ لها اغراض يمكن عندها ظروفها الخاصه اجبرتها ومبين عليها محترمه ومستتره
قالها الملك عبدالله المره تسوق عندنا بالباديه وكلنا عارفين هالشئ لكن الله يسامحك ياللي صورتها
ماكان المفروض انك تصورها الله يستر عليها وعلينا جميعا

يليت الحريم يسوقون احسن من البهذله

الله يستر عليها اكيد مضطره انه تسوق اتوقع ماعندهم رجل يقوم فيهم لان واضح اللي تسوق بغرض الدشاره واللي تسوق بغرض الحاجه ومستتره رغم اني ليست مؤيده القياده لان الهمج كثير وماراح يتركونها بحالها الله يعينك بعدين ليش يصورونها مو حرام علييه وش يستفيد ؟ 

بابا الحقها
الابز خايف (وخر بس)

ماشالله بنت رجال وربي متحشمه .. الله يحفظها ان شالله وويسر امورها …

احلى لاحظه شفته في المقطع تقويمة السياره والله كفووو

مافيها شي ان ساقت انا ايد فكره سواقه المراء اتمنى ينزل قرار بلسماح لهم

كفووووووو ما طاع المرة

والله ماتستحي يالي تصور ياخي مالك باعراض المسلمين

ياخي والله انك ثور ثور ثور ثور

قسم بالله قهرتني لو ظروف الحياه ماسواقت بس ظروف الدنيا اجبرتها

ياااثووووووور

الله يحفظها ويستر عليها ويخليها لهلها