قديمك نديمك ولو الجديد اغراك

غريبة يابنت حرب ما تطلعين للبر مع انكم انتم اهل البر والبداوة

الله الله صوره جميله مميزه شي من الذاكره
ياحبي للجلسه بالبر وشبت النار والدلال

بس جلستنا عند خيمتنا مو كذا علي الرمل

زيـ جلستنا هههههـ حلوهـ الحمدلله عليـ كلـ حااال

لبي هلا الجلسه

عفوا نسيت اذكر اسم الشاعر
عبدالرحمن بن بديع الشهراني
الصوت البحوح

بعض الطواري سببـت ضيقـة البـال وزادت علـى قلبـي وقلبـي مهـوي
والجفن حاربه الكـرى قدلـه الليـال وقدهو على بعـض الطرايـق منـوي
والدمع من موقه على الخـد همـال لوينقـسـم عـلـى العطـاشـا يــروي
وصوت المعذب لاطرا هاجسه طال يـشـدي خـلـوج ضـيـروهـا اأبـبــوي
ظلمتـنـي يـاوقــت والـظـلـم لا زال وقـامــت ليـالـيـك بعـنـاهـا تـضــوي
حديتنـي علـى العنـا واشهـب الال واشـبـك توريـنـي الجـفـا والـتـلـوي
واذا سبح فكري من الجال لا الجال قعـدت اقـزر مـن همومـي وشــوي
فالله لايــجـــزاك بـالـخـيــر جـــــوال لخبـطـت تفكـيـري وعـكـرت جــوي
اببتعـدبـك عــن محـطـات الارســال وتـحـرم علـيـك الذبـذبـه والـمـقـوي
وان جيت لي في مرتع تو ما سـال قـربـت معمـالـي وشبـيـت ضـــوي
ريح الثرى عقب المطر يبري الحـالال لـيـل قـمـرا والسـمـا فـيـه نـــوي
اخــذ مــع الافـكـار حـلــه وتـرحــال واسري بفكري في ظلام ن مـدوي
اصـد مـن مجلـس ضحـوك ومحتـال سنـه صـديـق لــي وقلـبـه عــدوي
واصد عن هرجة هل القيـل والقـالال ـعـذل يـضـعـف والـعـزايـم اتـقــوي
والاصحاب مابديها على كل الاحول الله علـم وش يرسـم الـوقـت تــوي
فان كان ماعشت التماني والامـال مع الظروف القاسيه ويـش اسـوي

اقول هذا زليج ماهو شعر الله يطول عمرك
دورلنا غيرها عطنا من النطيل الي بيبيت

لا يا حبيبي اما (يا عبيد شب النار يا عبيد شبه) هذي تنفع عند ساحر او مشعوذ
ههههههههههه

لا كذا ما يصير الشعب كله يقول شعر هههههههه

بلاحب ___ ههههه يأخي قصيدتك هذي ماتصلح بالبر , هذي يبيلها مول تجاري والا كوفي شوب تجلس فيه وتقولها , اصلا البر يبغاله قصائد فيها وحوشيه مثل , أمس الضحى في تالي الليل سهران , او , ياعبيد شب النار ياعبيد شبه , عليك شبه والمطافي تطفي , يعني حاجات زي كذا هههه

أخص ياأبو ســروال أصفر من تحت ثوبن على المتن مشقوق ههههههههههههه 🙂

لبى قلبكـ 🙂 أنا نفس وضعكـ بس القصيده تختلف اسمع بس أسمع :

(جتنــي تشكـي من عنى الدهر فيها…..جتني تقول جروحها أشكال وألـــــوان)
(جتني وأنا قلــبي حزينن عليــــــها….. جتني وأشوف بعينها كل غربـــــــــال)

🙁 وأهل الدمع وأصقع من هالفناجيـــل.

روووووعه الله يرزقنا طلعه زي كذا عن قريب
(بنت حرب ) بصراحه تعجبني تعليقاتك أحلى تحيه لك ولصدى المتألقة دوما

هلا والله حيا الله أبو شنب أنا أفدى خشمك والمكان اللي أنت فيه يابعد حالي
يانار شبي واجعلي من ضوك علامة
والشاذلية على ضوك أكبر علامة
يانار شبي وفي شبوبك لي حاجة
أسهر على ضوك والعين لك محتاجة
أروحت ريح الحطب يوم شميت
اللي على شانه النار شبيت
وارتاح بالي اللي له تعنيت
اطالع النجوم واحصي عددها
زينة سما مااحلى نظرها

صح بدنك للامانه منقوووووله لاخلا ولاعدم ياالمالكي

اللي مايعرف نوع وموديل السياره ” هذا جيب ربع يسمونه ابوشنب مودله تقريبا 80 او 81 حواليها , اما بالنسبه للبر فأنا اشوفه بمثابة البحر بالنسبه للعشاق والناس اللي فيهم نرجسيه , اذا ضاق علي صدري أخذا المعاميل وغمر حطب ورحت بعييييييييد عن الديره , وشبيت النار وحطيت براد القهوه على جالها وجلست أجر من الشيلات لحالي ماتقولون الا مهبول , وخاصة قصيدة ابن عون اللي يقول فيها ( يامل قلب يسج وفيه دولاجه _ من هاجس بالضماير قام يدرجها ) هالقصيده مافي عاشق الا يحفظها , واجلس على هالحال ثلاث ساعات او حواليها الين يصفى رأسي ثم اعود للبيت , وانا راجع للبيت ما أدري الا رساله جايتني بالجوال ( جب معك صامولي للعيال عشان الفسحه بكره ) ثم تنسد نفسي وودي ارجع للبر مره ثانيه بس احس اني تعبان فأضطر اجيب صامولي وعصير واروح للبيت وانام وبس

كلن ينام على الجنب اللي يريحه ياخيوووو

لبيييييه يالبر وشبة النار ,،،
لا زان الجو ومعك ناس فله وتونسك ..

واضح انه حتى انت مو عارفها يا اهبل ههههههههههه

هذي السيارة لكزس حوض هههههههه

الهبال ما يجي الا بالطاسه علشان اذا اختلفو على بعض الطاسه تحسم الموضوع
ههههههههههههههه

ارحمنا ياللي كل صيفية وهو بلندن ولا بباريس اقول يمدحون الطائف ههههه

والله و انا اخوك قرأت و تعبت من طول القصيدة لكن صح لسانك

طالعتي شاعرة
صح لسانك

صح لسانك

مابقى غير تلحق ثنتين

من جد كل شي قديم البراريد والسياره بس ياززين البر فبي هالبرد

قديمك نديمك ولو الجديد اغنـآك وليس أغرآك

البر تحلى طلعته بالجمعه والهبال موب طاسه كبر رأسه خخخخخخخخ

من جدك ماتعرفين هالسيارة قولي لي الصدق بلييييززززز مااساااامح خخخخخخخ

ياشيخ طير بلا بر بلا تخلف
.
االناس تطوت وتقدمت في كل شي
.
وهالخبلان باقي كانهم ضبان ولا سحالي
.
خارجين في هالخلا الخالي
.
وفرحانين بهالصور اللي كانها صور عصابات وقطاع طرق
.
اجل كيف لو عندكم طبيعه مثل اللي بماليزيا واندونيسيا ولا حتى عمان
.
وش كان سويتوا؟!
.
.
الحين بيجونك المهايطيه
.
يمدحون بهالصوره وينتقدون ردي
.
يعنني حنا حقين بران وتطعيس ورحلات
.
وتلقى الواحد منهم ماقدر خرج من بيته إلا للدوام!

ماتهمني شكل السياره لواروح على بعير…يكفي شوفة البرمع فنجال قهوه

تجربينه مع الزوج الصالح يابنت حرب وفقك الله في الدارين

ياماحـلا المسـرى مـع طـلعة النـور
من قبل خيط الشمس يبدي شعاعـه

مع رفقـةٍ مافيهـم اللـي بـه قصـور
ربــعٍ تـربـوا بالـكـرم والشجـاعـه

كـل واحـدٍ فيهـم مجـرّب ومخـبـور
مـاشـاور الحـرمـه بـخـوة ربـاعــه

لا جــا لــزومٍ مايصـفـون بـالـدّور
كـلٍ بـذل مجهـود قــدر استطـاعـه

أميـرهـم يهـتـم بـالـرّاي والـشــور
دايــم يــدوّر ويــن راي الجمـاعـه

لا صرت عنده كنك بعش عصفـور
مابـاقـي الا يوكّـلـك فــي ذراعـــه

لاجيت اقول اسمه اسميـه منصـور
كـلٍ يعـرفـه مــن طـيـور البتـاعـه

شيل الشوازن والفشق معهم صقور
وحمام لا صـاروا طيـورك جواعـه

موترك جيبٍ خلفه العفـش مجـرور
يسوقـه اللـي خـاف ربــه وطـاعـه

وجمسٍ محمل ما ركب فيه مطيـور
هـو منـوة اللـي مـات قلبـه وباعـه

عفشـك مكـمّـل فـيـه زلٍ ومـاطـور
وبيتٍ من (القاضي) جديـدٍ شراعـه

وعـدة المطـبـخ بـيـن قــزٍ وتـنّـور
وحوايـج واغــراض فيـهـا نفـاعـه

ورز(المهيدب) مع سكاكين وقـدور
واحرص على الطبّاخ كمّـل متاعـه

ونـجـرٍ ومحـمـاسٍ ودلّــه ودافــور
وبـنٍ وتمـرٍ يـغـري الـلـي شبـاعـه

تنـزل بـروضٍ تـوّه اليـوم ممطـور
والغيم عقـب الشمـس تـم انقشاعـه

البـر حـولـك كـلـه ورود وزهــور
وقت الربيـع العشـب زاد ارتفاعـه

حتى الرمل تشتم له ريحـة عطـور
والقـاع خضـرا كـن فيهـا زراعــه

معك خروفٍ مايبي ضرب صاطور
اذا ذبـحـتـه عـلّـقـه مـــن كـراعــه

احمـس بصيلـه والمعاليـق بالـفـور
من طعمه الجوعـان ياكـل صباعـه

من عقب هذا ما تبـي طـب دكتـور
كانك مريـضٍ صـار عنـدك مناعـه

حنّا بنعمه بـس تبـي حمـد وشكـور
وحفظ الصلاة الخمس ويّا الجماعه

ما تغتني لو تملـك المـال وقصـور
لا صرت مـا تملـك كنـوز القناعـه

لأرحت أنا للبر قفلت جوالي ،،،،أبعد عن الارسال وأبعد عن الديره
أسج نفسي مع فجوج الخلاء الخالي ،،،،وحفظي على اللي مكون الكون ومديره
لامن وصلنا فيضه عرقها سالي ،،،،زان الربيع وفتحت لك نواويره
هات الحطب ثم اشعل النار طوالي ،،،،،ونزل دلالك ثم زد البن تبهيره
واسكب لنا من دله الكيف فنجالي ،،،،،يشفي عماس اللي من الهم في حيره

عشقت من صغري نسيم لهبايب،،،،،،
االبر لا غيم سما ا لخير جوي،،،،،،،

ا غيب ماکنی عن الناس غايب،،،،،،،
وا شرح معاناتي هى جمر ضوي،،،،،،،،

عشقت من صغري نسيم لهبايب،،،،،،
االبر لا غيم سما ا لخير جوي،،،،،،،

ا غيب ماکنی عن الناس غايب،،،،،،،
وا شرح معاناتي هى جمر صوب،،،،،،،،،

عمار يالبر وشبة النار….

ي ناااار شبي من ضلوووووعي حطبهاااا خخخخخخخخ هع<وش دخل هع

بس عندي سؤال وش نوووع هاالسيااارهه<<مااتعررف انووواع السياارات هع..

ياحلاة جؤ البر ولو اني ماجربته بجرررب بيوم من الايااام امنيتيي