اضطر إمام أحد الجوامع بالعاصمة الرياض لإلغاء القنوت بعد صلاة القيام، احتجاجاً على الضجيج والشوشرة التي سببها الأطفال الذين حضروا بصحبة ذويهم إلى الجامع.
وكان إمام جامع أنس بن مالك، الشيخ حامد الدهلوس، التقط مكبر الصوت بعد انتهاء صلاة القيام ليلة الرابع والعشرين، وأعلن للمصلين أنه سيلغي القنوت، بسبب عدم استجابة بعض المصلين للتنبيهات السابقة بعدم اصطحاب أطفالهم للجامع، رغم ما يسببونه من تشويش يؤثر على خشوع المصلين.
وقال إمام الجامع خلال حديثه للمصلين، إن المكان لم يعد مسجداً بل تحول إلى ما يشبه “روضة أطفال”، داعياً إياهم لعدم اصطحاب أطفالهم خلال الأيام المتبقية من شهر رمضان.
كما تلقى الإمام شكوى من بعض السيدات في مصلى النساء بالجامع حول وجود أطفال برفقة أمهاتهم يتعمدون تصوير النساء أثناء الصلاة بواسطة الجوالات، وأبدى الإمام استياءه من ذلك وأكد أنه سيتم منع أي امرأة تصطحب أطفالها من دخول الجامع.
التعليقات
انا ماعندي اطفال صغار لكن الرسول عليه الصلاة والسلام قال لاتمنعوا اماء الله مساجد الله وفي عهده عليه الصلاة والسلام كلن النساء تحضر بأطفالها وكانوا يبكون ويصجون زي الحين بالظبط وكان ابناء بنات النبي عليه الصلاة والسلام يدخلون المسجد والتاس تصلي ويطلعون على ظهر النبي عليه الصلاة والسلام يلعبون معاه وكان يطيل السجود حتى ينزل من على ظهره ( ما اذكر منهو بالظبط من عيالهم ) وكان يحضر بعض الصحابه مع عيالهم الصغار وفي حديث ان النبي عليه الصلاة والسلام يقول اني لاتجوز في الصلاه عندما اسمع بكاء الصبي لما اعلم من وجد امه عليه )
بالله بعد هذا الكلام واللي ماجبته من بيتنا هذا موجود في سنة النبي عليه الصلاة والسلام وابحثوا عنها بتلقون النصوص / هل يجوز لامام المسجد ان يحرم الامهات من حضور الصلاه خاصه اللي ماعندها احد قريب تحط عيالها عنده او اللي ماعندها اهل في المنطقه كلها ؟؟؟ هل قنوته ودعاءه مايظبط ولايعرف يدعي الا في صمت وسكون ؟؟ لوكان صادق اهو والحريم اللي بس يتشكون كان انشغلوا بصلاتهم وخشعوا اقسم بالله مايحس ولايهتم باللي حوله لكن الامام براسه يبي له اللي يهجده ) هذا تصرف طااائش من الامام واناني من النساء اللي كبروا عيالها ) ذكروها بالله وش كانوا يسوون عيالها وهم صغار ؟! انا كنت اصلي في المسجد وكنت اشوف ذا الكلام اللي يقول عليه الخبر لكن ماكنت اهتم له وكنت اركز في صلاتي والله ما احس فيهم ؛ انا وكثير مصليات نتجاهل وجودهم ونصلي وفي بعض الحريم عقلها عقل بزر بس مركزه مع البزران وتراقبهم وتتمشكل مع امهاتهم على اساس انها في بيتها ترى هذا بيت الله ولايحق للامام ولا لغيره يفرض شي عالناس
غلبت مع طريقة التسجيل لو ابغى اسوي رد على احد المعلقين يقول اسم المستخدم غلط وعندي مسجل دخول من يعرف يفيدني
المسجد للعبادة وله حرمته واحترامه اذا ولدك صار فاهم خذه معك للمسجد
معكم اخوكم موسى والله في شباب يلعب في المسجد وهو كبير بس الصغار خليهم في البيت مع أمه يخوي تفك ألاحد يلعب في بيت الله ارجوكم ياناس الإمام معه حق وانا مع الإمام والله حاله ?
طفل لم يكلف شرعا بالصلاة خله في بيته اريح له وللمصلين
أصلا دعاء القنوت ماله داعي وأشك انه بدعة !؟
عن أنس رضي الله عنه قال ..ماصليت وراء امام قط أخف صلاة ولا أتم من النبي عليه الصلاة والسلام وان كان ليسمع بكاء الصبي فيخفف عنه مخافة أن تفتن أمه .
ولا ننسى كذلك قصة السجده التي اطالها عليه الصلاة والسلام عندما صعد على ظهره عليه الصلاة والسلام الحسن أو الحسين ولم يرفع من السجود حتى نزل الطفل من على ظهره .
أطفالنا امانه في أعناقنا ..الصلاه أفضل من البلايستيشن
استغرب من اللي يجيبون اطفالهم للمسجد
.
.نفس وحده من الحاره وين ماتروح بنتها وولدها معها حتى بالمسجد تجيبهم…وبس يركضون بين الصفوف وحنا نصلي والمويه يتراشقون فيها ????وانا اعصب وامسك الولد من اذنه واطلعه برى المصلى قلت انقلع لابوك واقفل الباب والبنت انثبرت عند امها والله امه ساكته ماتكلمت لانها عارفه ولدها موذي
.
.
حرام هيك لايخلون المصلين يركزون ولايخشعون في صلاتهم ???
أنا مافيه ورع يعرفني يحبني كلهم مايدانوني ويذلون مني كلهم
وشغل واسطات يمشون به اذا بغوا يروحون لاي مكان سووق والا الغنم والا اي مكان اذا وديتهم اصلا
قليل توداتي لهم
مواذيه وراعين شياطين ان ماربوهم اهلهم وعقلوهم نروعهم حنا ثم يعقلون مع تهديد ووعيد فيهم
وبكذا تضبط الامووور كلها
الحمد لله اروح المسجد ولوحدي
جزاك الله خير يا شيخ واثابك والحريم لو يصلون في بيوتهن احسن لهنّ
تعليق جميل وواقعي بارك الله فيك – اللهم ابدل حزنك فرح
مرررررررة الإزعاج يمنع الخشوع
بعض الاباء يبغالهم اعادة تربيه والله
الله يهديهم ولا يكثر امثالهم
للاسف المناسبات مثل العزائم ةالعروس وحفلات خاصه لايحضرون اطفالهم وهي مكان للعب والانس والمرح من اجل الناس
والمساجد وهي مكان عباده وصلاة وخشوع تحضرهم تستحي من الناس وتخشاهم ولا تخشى الله ومكان وعظمة بيته
يحضر للصلاة بقميص وملابس رياضه وبرمودا وشورت والله يقول خذو زينتكم عند كل مسجد
وفي المناسبات يلبس رسمي وافضل شي
اقول الله يصلح الحال اقتلبت الامور عندما اصبح الموضوع بيد نساء وشباب وشابات مرهقين وسفها
الله المستعان
والله صلاة المرأة في بيتها أولى
وهي حينما تصلي في بيتها تساوي درجة الرجل الذي يصلي في المسجد
كما يقول أحد المشائخ .
ناهيكم عما يسببه حضور النساء إلى المسجد من مشاكل .
انا اؤيد الامام في موقفه وبقوة , لان كثيرا من الاباء مصخوها , اولادك دون سن العقل خلهم في بيتك , المسجد ليس للعبث واللعب والمصيبة ان الاب الموقر يراهم ويسمع ازعاجهم ولا يحرك ساكنا , بيفهمنا الاخ انه يؤمن بالتربية الحديثة ,لسان حاله يقول خل الولد يتصرف على سجيته يازعط , على مين ياقمر الدين اراهن ان هذي العينات يدوسون في بطون عيالهم لو صدر منهم ازعاج في البيت
للاسف البعض يقدم انواع الازعاج في الصلاة
ابتداءاً من الجوالات ومروراَ بالاطفال و ما يصدر منهم من لعب وبكاء وعبث بفرش المسجد !!
ائمة المساجد اتكلموا بما فيه الكفاية لكن الاباء مازالوا مصرين على احضار اطفالهم للمسجد لاسيما من هم دون الـ 6
عاد فيه عالم غثيثه سواء رجال او نساء بعد كل هذا التهديد من الامام بيجبون ورعانهم وكأن الامر لا يعنيهم او انهم غير المقصودين بالتنبيه.
الى متى هذا التخلف عقول مالقت لها مصرف.
ولدي ما يخطي
اترك تعليقاً