ضمير “الجارة” يتسبب في منع زواج وخسارة العريس لـ”35 الف

من حق الزوجة تعرف اذا زوجها عندة رغبة بالزواج ! ومن حقها تعرف كمان سبب الزواج كمان !! ولا كيف بيعدل بينهم ؟ يمكن الزوجة ماتبغا تاخذ نص رجال تشاركها في النصف الثاني وحدة ثانية ، وتختار انها تتطلق !! اما يروح يخطب بالسر وكانة مسوي جرم ليش ؟ خايف 🙂

المصيبه العظمى والبلاء الاكبر في حياة اي امراة
ان يتزوج زوجها زوجه اخرى ومن حر مالها وتعبها وشقاها..
لاأجزم بل اظن وبعض الظن اثم ان الرجل بينه وبين زوجته شراكه ماليه او انه يعتمد عليها في مصاريف بيته وعياله وهذا اللي خلى اغلب الرجال جبان امام الزوجه الغنيه او الموظفه ..

عوافي حاب يجرب تجاره الذهب وابشرك كلهم سلموا

ليش يتزوج بالسر ,.. أنا أقول لكم يمكن زوجته مريضة وما يبغى يزعلها وتمرض زود ويخرب العرس صدق .. او تلقاه متعاونة معه في بناء البيت او شراء سيارة وعشان كذا لو تزوج وعلمها تقلب الدنيا وتقعد تمن عليه .. او يمكن عينها حاره وتجيب العيد فيه وفيها .. او تكون نفسها ثقيله ويضيق خلقه من الزوجه الثانية هذا اذا ما قفلت عليه ( الموتور ) بكبره .. او تلقى عنده عيال منها واذا تزوج راحت لبيت اهلها الكمخ وخلت عيالها عنده ويبلش فيهم ويخرب جو الزواج . ويمكن يطلق الجديدة . او ان البيت الاول مستقر بس هو يحتاج احد يهتم فيه اكثر وما يبغى يعكر صفوه . او يخاف منها وهي قشرا وما يقدر عليها .. وغيرها من الأسباب اللي تخلي الزوج ما وده يعلم زوجته عن زواجه الثاني ..

لا يكثر وبلا فلسفه اللي يتزوج يكون رجال ويعلنها لزوجته وللجميع لكن من تحت الطاوله هذا نصاب ومخادع للزوجتين

اعي ان البعض بأفعاله المقيتة وبتفننة الجارح لايتقن غير شئ واحد وهو جرح بنات الناس يظن انهن عنده كاللعبة التي يلهو بها ويكسرها بلا ذنب ؟!!!! اعي انه لايتمسك ببعض النساء ربما او انه ينتظر ان يرى من يرتبطن به ؟!!! ليس فضولا ( ربما ) وليس ( حبا بالمراقبة ) ( ربما ) ولكن يخشى كل الخوف ان يخرج رجل يقول انا افضل منك لأني صمت عن ايذائها ^_^ ( ربما ) اذا حدث هال ( ربما ) فتأكد غيرك ملايييييييييييييييين صمتوا واعطونا الحياة

لامهو بجريمة ولابعمره راح يكون جريمة بس الحمار من اشباة الرجال من يتزوج او يقيم علاقة مع امراه ثم يدلها ع بيت امراه اخرى واماكن تواجدها هذه ذمتي الذمة هالنوعية امهاتهم ماخلفت الا … , انشر صدى

سبحان الله فاطمه وهي سيده نساء العالمين وابنة رسول الله لم ترضى ان يتزوج عليها علي واشتكت الى رسول الله وبالله عليهم ماذا فعل الرسول هل قال لها هذا شرع الله لاتتدخلين ولاتحاولين ولا انا اتدخل ؟ لا طبعا ذهب الى علي ومنعه ان يتزوج على ابنته فاذا حاولت المراه فليس حرام ان تحاول منع زوجها من الزواج عليها وليس حرام تدخل اهلها( فلا تحرمون ماحل الله )

كيف يعدل وهو مخفي الموضوع يعني اولا واخرا ماراح يقدر يعدل في المبيت وغيره مثير من حقوق الزوجه الثانيه حتى الزوجه الاولى راح تكون مستغفله وجاهله والثانيه تدري

البنت اللي ماتزوجت تحفظ نفسها افضل من المطلقه ولاتساعد على عنوسه ولاشي الا بالعكس تعف وحده وتفلت الثانيه وبعدين الزواج من الثانيه مشروط بالعدل ومعظم الرجال الحين مايعدلون ولايخافون الله واللي بيتزوج بالسر هذا لوحده منافي للعدل لانه بيظلم زوجته بالسر ولا بيساويها في الحقوق بالزوجه الاولى فابتعدوا افضل خوفا من الله اولا واخرا ودام اذا بيتزوج الثانيه بيطلق الاولى ويييين العدل بالله قولوا لي وين وهو ظلم زوجته وطلقها يالييييت تسكتون بس افضل

حنان تبغين تقنعيني انو انتي بتخلين زوجك يتزوج عليك عاااادي بدون ماتنجرحين ولاتتأذين ولاةانتي لسا ماتزوجتي وتبغين تتزوجين باي طريقه حتى لو زوجه ثانيه او رابعه مو مشكله المهم زواج ؟!!!

ولييييش يطلقها ياناس قولوا خيرا او اسكتوا يايقنعها ياتقنعه ليه يهدم بيته الحالي عشان يمكن يبني بيت جديد الاولى بيته وعياله وزوجته ليش تفضلون الحرمه الغريبه على زوجاتكم لييييه مايفكر الواحد انه طلاق زوجته مو بس زوجته وام عياله بتتضرر كمان عياله نفسهم ماتتخيلون كيف حالتهم النفسيه وتشتيتهم وبعدين عائشه وهي بنت خير الخلق رسول الله وخاتم الانبياء وسيدة نساء الجنه لم ترضى ان يتزوج عليها علي وتدخل رسول الله بنفسه ليمنع هذا الزواج وقال بما معناه ان مايضر فاطمه فهو يضره ليه تبغون نساء هذا الزمن ياترضى ياتطلقها لها الدرجه تهون عليكم العشره

مادري ليش صاير الزواج الثاني جريمة عند النساء
يعني يسافر ويسوي كل محرم عادي لكن يتزوج ثانية حرام بصراحة بعض النساء تدفع زوجها للحرام
هذا كله من الاعلام والمسلسلات الي خلت الحلال حرام والحرام حلال

ثاني شيئ الرجال يقدح من راسه بيتزوج ليش يخفي زواجه إذا بتخفيه وخايف من زوجتك منت رجال وين راحت القوامة
اقول الله يخلف تشوف الواحد نصبه في مكتبه وعند الرجال في المجالس وعند زوجته دجاجة

حرر الرد

كيف تفريق باحسان يعني عشان يعف وحده ويستر عليها يترك زوجته وهي من يعفها ويستر عليها وبينهم العشره والاولاد غير اللي بيصيب عيالهم من التشتت يختي يحاول يقنعها باييي طريقه واذا ماقتنعت واقنعته هي من حقها تحافظ على بيتها بس بعض الرجال مايعطي زوجته فرصه وبيته واسرته وعياله وام عياله اهم بكثيييير من بنت الناس وحتى من نفسه اذا كان رجل همه المحافظه على ابنائه

حرام عليك .. صارحها و قلها … يا زين اهل الجنوب التعدد عندهم عادي جداا و سهل ..

وربي ماني ضد الشرع ولا ضد كلام الله ورسوله ولا ابي أحلل حرام ولا احرم حلال ولا هي غيرة ولا حقد عندي قناعة تامة ان اللي كاتبه الله هو اللي بيصير ولكن بالعقل اوك تبي العرس زي ماتبي ماراح تمنعك صارحها وهي حرة بتقرير مصيرها ياتبقى معك ولا تطلب طلاقها وتشوف راحتها وين أحسن ماتكتشف بعدين وتصير مشاكل لا لها اول ولا تالي ، بس شغل الخش والدس والكذب والأعذار اللي مالامها داعي اتركوها بس لو بتقولون اقتداء بالرسول عليه الصلاة والسلام وربي ولا يجي اطلق واحد ربعه عليه الصلاة والسلام الرسول ماكان يدخن ولا يشوف ستالايت ولا يسهر بالاستراحات وينام عن الصلاة ولا سباب ولا لعان ولا شتام ولا يعاير المؤمنات ويمدح غيرهن اشمعنى ماقلدتوه وعرفتوه الا بالزواج والتعدد ياريت تقلدونه بكل شي بس صعبة عليكم الا التعدد والعرس سهل ماعلينا المهم كلن حر في حياته ولكن أكرر لازم يصارح زوجته لانه دور على راحته!!!!وهي لها حق تدور على راحتها

عندنا قصة من التاريخ قصة قديمة هذا الرجل كان قاضي فكان يتزوج ع زوجته بالسر ويطلق زوجته شكتفيه انه متزوج ع فاحتال عليها اتفق مع الثانية تزور الاولى وتشتكي لها منزوجها وانها شاكة فيه انه يتزوج عليها بالسر فقالت الاولى شكوى ضيفتها للقاضي زوجها فقال الشك مصيبة والغيرة مرض عند الحريم وحتى انا زوجتي تشك فيني وعشان ترتاح بقولها كل مرة خارج هذا البيت طالق بالثلاث ومحرمه علي سلام

الزواج شاهدين وولي امر البنت طبعا اهلها يدرون انهامتزوجة زواج السر حلال

جبلي الالفاظ اللي قلتها ؟!!!!

حسوا بالحريم .. مايكسر الانثى شي مثل انثى اخرى تشاركها زوجها..
والله اني اموت .. انحط بمستشفى المجانين وتفصل افيوزاتي ولااشوف حرمة غيري بحياة زوجي….
يموت هو.. ينسجن .. ينجلط ..ينشل .. ولا يتزوج علي ..
لو سمحتوا .
.
.
.لاتعلقوا … عارفه تعليقاتكم…
بس هذا رايي

صح

ماااادري لكن كثير هم اولئك الناس الذين يرون انهم منزهين عن الخطأ وهذي بحد ذاتها كارثه

والمشكله بعض الناس ظالم ومايبي الناس ينتقدونه بظلمه لا والمشكله يرى انه على صح وتلك المساكين مخطئين عليه

وليش تخرب فرحة الرجال يمكن يكون عنده اسباب وهذي خصوصيات خاصه فيه حرام خلوه يعيش فرحته هو صح طريقته غلط بس لكن ماعمل شي حرام بالعكس وانا اتوقع بيخبرها لاحقا وردي لحنان … انتي تكلمتي بالفاظ جدا غير مناسبه عن الرجل ولاتليق بشخصك وكل كلامك من باب العادات والتقاليد والعرف وسلامتكم.

ياخي ماادري لكن ليش الغيره عند بعض الحريم مع اننا نسمع ونقرأ اخبار زوجه تخطب لزوجها

الظاهر الغير نقص لتلك الشخصيه مافيها كلام والا

يمكن زعلانة انها محد قالها شي ولا باي شي ولاحتى فيه شي هههههههههههههههههه

يجرحها بايش ؟!!!! وهي مي مرتاحه ليش ؟!!!!!

فكان هو المرأة بينهما

اكره وامقت من يضع امراه في خانة ديناصور مرعب (( فقط لاهانتها واذلالها ؟!)) يرفض الزواج من اخريات حتى يوضح كم هي متسلطة وسيئة ؟!!! او يخفي الامر خوفا من ديناصور وهمي صنعه بنفسه ليخدم زوجتة الاخرى ! ((((( من المعيب ان تعي وتعلم ضعف امراه ثم ترسمها للاخرين انها الوحش المرعب ؟!!! لغاااااااااااااااااية في نفسك )))))))))) كفانا الله شر كل من به شر

الجبان الذي يتحدث لسانه بكل شئ فأن اراد ( غياب المرأه ) الحقيقة , شل لسانه ؟!!!

مما انت خائف ؟!!! من خداعها ؟!!! او من ان تكون مخدوع ؟!!!!!!

لو كان عذرة خوفا من انخداعة ,,,,, فاجعل ردة فعلك كأي انسان طبيعي , ألست بشرا ؟!!!

اكره وامقت من يخفي اي شئ ؟!!! فيقابلة الوقح عند الاخرى ان يسرد حتى حكاية (( انه يأكل )) ! امقتهم هذه النوعية التي الاخريات هم من يعيشون الحياة ع ظهور آخريات اخرى

من الجميل أن لاتكمل نفسك على كوارث الآخرين ^_^ وثانيا الخيانة اللي تذكرها ولانعلم مامقصدك من هذا الشئ ؟!! أن تلفت النظر لخطاء معين شئ جميل اما تدقق في اخطاء انت ربما تراها اخطاء وهي بالكاد اجزم انها ليست اخطاء في عيون اصحابها ,, التدقيق والمتابعة كفيلة بأن تجعل الخيانة (( الموسيقى الجميلة التي تحب أن تسمعها اذن المرأة او الزوجة ))

,,,,,,, الاحترام للرجل وللمرأة كذلك هو المحرك لأي حياة بين رجل وامرأه /

احترمها أيها الأب بأخذ رأيها هل تريدونه أم لا / هل ترغبين في أخذ وقت للتفكير بالرد أم لا

احترمها ايها الرجل عندما ترفضك / احترمها عندما تطلب الطلاق منك / احترم رأيها عندما ترفض قرار زواجك بأخرى ومن ثم بعد ذلك أبدي رأيك أنت بما أن العصمة والقرار بيدك أيها الرجل

نوعية يتزوجون بالخفاء نعم جبناء لانهم يخشون التبعات اظهار زواجهم وع الجهة الاخرى هناك جبناء نوع آخر هم جبناء التمادي الوقح الذي لايجسد ( الا اخلاقهم النتنة ) وهو الافصاح عن زواجة من اخرى لزوجتة مثلا ولكن هنا يتمادى (((((((((( فواحدة منهن يضعها تراقب الثانية والثانية لاتعلم قمممممممممممممممممممممممة الخساسة والدناءة لمن يفعل ذلك ))))))))))))))))))))))))

طيب انت مثل اللي يجي عند رجل ويقوله ترا الشرع حلل 4 تزوج ليش مو راضي غير بزوجة واحدة ؟! يقول انا حر كيفي مابي اتزوج , ايضا مو شرط ان هالشي حلال معناه توافق الزوجة فيه زوجات صحيح يوافقن لانهن يعلمن ان الرجل مهما وفى كاذب حتى لو بالتفكير وبعضهن لا هو يعتمد ع ( شخصية المراه مو ليش وليش )

بعض الرجال ( خبث / فأبدع ) ( مكر / فسبق الجميع ) قاعدتة ( أنا لم أظلم احدا انا أمشي صح ) إن اتى موضوعه على اخفاء زواجه عن زوجتة ( فيخلق عذرا صحيحا ! وهو لايريد أن يهدم بيته ويشتت مثلا ابناءه او لايريد أن تتركه ليس حبا بها بل زيادة الخير خيرين , فلكل هالاسباب يخفي زواجه ومنها يلعب الشيطان ( اساليب تعتمد على الخداع , الخداع أسلوب حياته ومع ذلك هو اسعد البشر ! لأنه ماسوى شي غلط )

بعض الرجال ذوو العقل الاحمق يحب يخلي زواجه بالخفاء علشان يقعد يهايط عند الاولى للثانية لما يكون عند الاولى يتصل كنه ع زميلة فالعمل ويقعد يهايط وهي اساسا زوجتة الثانية , حركات هذه سواها ازواج سعوديين كثير ضحيتها المراه التي لم يرتبط بها الا كشاة لرغباتة , من لايحترم لايوحترم , ع فكرة حركات ان يخفي الرجل زواجه يستمتع بهالحركات الاكشن الحركات التي قاعدتها استغفال كل من تبتسم له

طيب السؤال وش سوتلها ام فيصل علشان تمنع الزواج ؟!

هراء وكلام فاضي مافي امراه تستطيع منع زواج ضرتها من زوجها الا اذا الرجال مايمشي الا بالنعل هذا شي ثاني ,,, وبعدين من من حريم هالوقت تحسب حساب لضرتها والله لو هالضرة تحب رجولها عشان ماتوافق عليه الضرة ولا جابت خبرها هذه حقيقة مجتمعاتنا العربية اجمع الوحدة عند الزواج نفسي نفسي

خلو الحريم يولن
انا ماقاهرني الا الذهب والدراهم ?

طيب زواج المسيار؟!! ولعلمك ماهو حرام،، ويكون عادة بالسررر

قال الرسول فصل ما بين الحلال والحرام الصوت والدف في النكاح
وقال بعد الرسول أعلنوا النكاح
والزواج وش الغرض منه مو بيت واسرة وحياة وبينهم اولاد وذول الاولاد لوكان ب السر ينحرمون من ابسط حقوقهم اللي هي اهل ابوهم ولو فيه اخوان لهم من ابوهم ولو انكشف بعدين وش المشاكل اللي بتصير يعني اعلان زواجه ومصارحته للكل واجب عليه دام الله جاز له يتزوج

من قال انو الزواج بالسر حرام؟!!
اللي اعرفه انه تزوجها على سنة الله ورسوله،

انا مو ضد التعدد بس بشروط معينه واشتراطات .. مو خذني جيتك ،،، والعزوبيه احلى واحلى بلا هم ووجع راس هههههههه?

كل هينة عليها من الله بينة عارف ربي نيته خبيثة مثل وجهه بتقولون الشرع حلل اربع اوك ليش يخبي عليها لا صار عارف انه حلال الا فراغة عين ابو عين زائغة على قولة البنت اليمنية شلك قني ويارب رأسك يدخل في مغرف فول يالهيس

نفتح السوم على الذهب 500ريال

بادئ ذي بدء استغفر الله وأتوب إليه من قولي لهذا الكلام فالله أحكم الحاكمين ولكن حتى يقتنع بعض الجهلة أقول لو الشرع حلل للزوجة أن تعدد مثل الرجل لرأيت أغلب من تعارض الشرع في التعدد من النساء هي من تبادر إلى الزواج باثنين وثلاثة وأربعة والأدهى والأمر وبحكم غيرة المرأة أن تكون نية الزوجة من الإقدام على التعدد في الغالب مبنية على الانتقام وحب التشفي من الرجال بخلاف الرجل الذي يحاول قدر المستطع أن لا يجرح مشاعر زوجته في بداية الأمر بإخفاء أمر الزواج عنها ليس خوفا منها ولكن ليمهد لها الموضوع مستقبلا وترضخ للواقع . ولم يجعل الشارع الحكيم أخذ إذن الزوجة شرطا في التعدد أو صحة العقد وإنما اشترط العدل وإخفاء الأمر لا يتنافى مع العدل مطلقا ، فلا تغالطوا الشرع لتجعوا من إخفاء الأمر جريمة تنافي العدل لتفرضوا أراءكم العاطفية والسقيمة على أحكام الشرع .

الله يرزقك بوحده??وتكون
حُبك الأول والأخير?

بيموت من الجوع وبينفقع من الشياخه.
اللي موقادر على وحده مسسسسستحيل
يقدر على ثنتين.
أقول في عرايس بلاستك تطلبها بالنت
خذ لك ثلاث وزوجتك الرابعه
وكذا تكون عددت وفي نفس الوقت
ماتزعل زوجتك.
ههههههه تراني أمزح.

الحمد لله ما اعرف احد من اجدادنا متزوج ثنين سواء ابو أبويه او ابو أمي

وش دخل الزوجة اﻻولى في الموضوع يخبرها بس ويتزوج لو يبي اربع اهم شئ يعدل الحريم يفكرون ان عقد الزواج هوعبودية لرجل مايسوي شئ اﻻ بكيفها صحيح عقل مافي

شباب لابد من التعداد الاصل للرجل ثنتين شدوا حيلكم خلوكم مثل أجدادكم..حاول مرة أخرى يا بو فيصل

ســــــــــــــــــــــــــــــــــــــــــؤال ؟؟ لماذا المرأة لاتحب ولاترغب ولاتقبل ولاتؤيد ولاتسمح ولاترتاح ولاترضى .. بزواج زوجها من إمرأة اخرى .. لمــــــــــــــــــــــــــــــــــــــــــــــــــاذا ؟؟ اليس هذا الامر حلال .. اليس طبيعي .. اليس فطري .. اليس هو حق للرجل وللمرأة الثانية .. اليس افضل من اتخاذ خليلة .. اليس افضل من الحرام .. اليس افضل من وجود جواري ..
رغم كل هذا .. والمشكلة قائمة .. فهل زواج الرجل من زوجة ثانية ليس له حــــــــــــــــــــــــــــــــــــــــــــل !!

واللي مش محصل وحده يتزوجها

ما احترامي لأبو فيصل إلا أنه جبان تزوج غصبن عن خشمها ليش بدس تزوج وكسر رأسها بعد واذا ماعجبها مسكها الباب

بيض الله وجهك عز الله انك قلت اللي في نفسي
بالضبط ليتنا ننتبه لكلامنا والزواج حريه شخصيه
للزوج وحده الزوجه الاولى مالها فيه دخل
الله أحل الزواج مثنى وثلاث ورباع ولم يقل شاوروهن قبل الزواج …

بنات مالهن مله

طيب ليش بالسر من حق الطرفين يعرفون مع مين عايشين حياتهم مع رجال وإلا شبه رجال الظاهر هو قصده من الزواج الثاني المتعة فترة ويطلقها وهذا حرام من يوم انه قال بالسر ليش تتزوج بالسر خلك رجال وقل لام عيالك واهلها انك تبي تتزوج اذا ترضى بالزوجة الثانية هذا خير منها اما اذا هي ما ترضى فهذا حقها الشرعي تطلب الطلاق وتاخذ نفقتها هي وعيالها وبعد الزوجة الثانية من حقها تعرف انك متزوج وعندك عيال اذا راضية تعيش زوجة ثانية او لا ليش اللف والدوران بس هو واضح انه يبي يتزوج بالسر عشان يطلق بالسر ولا يورط نفسه بزوجة ثانية ومصاريف بيت ثاني

عسى ما تعور

ههههههههههههههههههههههههههههههههههههههههه

لا وبعدين يقولن لييش الخيانة وليش وليش

والرجاال مقتدر ويقدر يتزوج ثنتين بالحلال ماقال بالحرام ويوم انه مخبي عن حرمته الاولى مايبي المشاكل مايبي الغيره مايبي الحسد والحقد والبلاوي اللي يسونها لبعض

قال اتزوج بالسر احسن لي زواج على شرع الله وسنة رسوله صلى الله عليه وسلم

ولو اني محله وخرب علي كل شيء وعرفت ان السبب الزوجه الاولى والله لا اطلقها ومحرمتن علي ليوم الدين

واعيش سنه سنتين ثلاث بدون حرمه واجمع لي مهر واخطب واتزوج وهااذيك الحرمه الاولى في حريقه

لاعاااد ماايعجبهن شرع الله والا يعجبهن شيء ان راح للحرام قالن خاين فاسد وفيه وفيه وفيه

وان جاء بشرع الله خربن عليه كل شيء

استيقظت النذاله

صدق المثل اللي يقول لاتخالط الزمل وانت حويشي
التعدد يبيله عزم وحزم وعدل

ههههه بالسر او معلن طالما انه بعقد فهو حلااااااال محلل , صحيح انه من المفترض انه علم زوجته الاولى ولكن هذا لايبطل الزواج , واللي يتقول انه خاين ومدري وش بعد ,, الخيانه هو الزنى وليس الزواج الشرعي والرجل متزوج على شرع الله وبعقد شرعي فأرجوكم انتبهوا لعباراتكم حتى لا تحرموا ما أحل الله ,,, صحيح ان ابوفيصل جبان حبتين ولكن حبنه لا يحرم ما فعل ’ فما فعله حلال محلل ولو اني مكانه كان واصلت المشوار فالنساء متعه متعه متعه متعه يامسلمين وفوق هذا يساعد على حل العنوسه المتفشيه بالمجتمع

الي توسط له عند اهل العروسه الجديده…
اكيد مسوي نفسه ميت حاليا….
وخارج التغطيه???

اساسا هل بعد الي صار كلو حتكون مرتاحه الزوجه او حترضى عليه انا اشك او احس ان العريس مو خايف من زوجته عشان يبلغها بلزواج بل شفقان عليها ومايبي يجرحها والي سبب المشاكل جارتها ان كيدهن عظيم وش فيها يعني لو تزوج وستر بنت ثانيه وبنفس الوقت كنترول العريس مو موزون صح

رخمة ياحمار علم زوجتك انك بتتزوج عليها وافقت تزوجت واذا ماوافقت طلقها وتزوج يارمة

والله يا اماني سالفته سالفة هذا الرجال أكيد هو الغلطان ليش يغش الطرفين ام عياله واهلها والعروس واهلها ليش ما يكون واضح مع الطرفين زوجته اسمها شريكة حياة من حقها تعرف الحقيقة بالذات زواجه من غيرها وحتى الزوجة الثانية من حقها تعرف ان زوجها عنده وحدة غيرها وعيال بعد للأسف هو استهتر بالزواج والظاهر هو واحد نيته سوداء شكله يبيها فترة ويطلقها يعني زواج بنية الطلاق وهذا حرام استغفرالله وبعدين اي خسائر الله يهديك ٣٥ الف وش تجيب وش تسوي الله المستعان واضح ان ربي طيحه بشر سوء نواياه

الله يكفينا شرهم الحريم …

يستاهل الجبان . بما انه خائف من الزوجه فمن المفروض ان لا يفكر في الموضوع

Noura انتي الخاينه يا عديمه التربيه جعلتي ما احل الله خيانه بعذره زوجك يتزوج عليك مادام تفكيرم كذا يا الهيلق بعدين ترى الواحد اذا زنى وهو زنى ما تسمى خيانه زوجيه تسمى خان ربه او خانه ربها لأن الله قال ولاتقربوا الزنى فأنت او انتي خنت حد من حدود الله وليس الزوجه او ازوج القراءه شي جميل تعلموا دينكم اعرفي الحقوق الي لك و الي عليك ترى في الأخير انتي مو قلاده في رقبته يالنفسيه

هذا خريف توة يغرم

وهالجارة ماصحى ضميرها الا في هذا الوقت !!!!!!!!!!
.
كان خليتي هالضمير نايم شوي بعد .. ههههههههههههههههه

القهر انه باع الذهب
جحفلته باخر الدقايق

ما فيه شي الر جال طاح ونكسرت رجله

كل اللي صاير حلال فيهم ، واحد مخبي على زوجة ، والزوجه مضيعه زوجها ومو داريه عنه وين رايح ووين جاي ،
واحلى لايك للجاره ، وانتبه من جار مايكتم اسرارك

حرر الرد

وربي انها مثل الحكم اللي يستيقظ ضميره في اخر الدقايق ويحسب ضربة جزاء للفريق المظلوم
ههههههههههههههههه

هههههههههههههههههههههههههههه
طيب لو دهن سير جيرانه كان ماانتشر الخبر
ان كيدهن عظيم

كلهم خونه وناقصين عقول ، الله يكفينا شر من هو مثلهم

وليش تبغى تتزوج بالسر والشرع اجاز لك اربعة

اهه بدا شغل …ان كيدهن عظيم…

معوض خير يابو فيص ل ماهي مكتوبه لك…. والله يرزقك بافضل منها……….

وليش في الخفيه
هذا ان دل دل ع انك جبان وما تقدر تواجه الحرمه
وكيف بتعيش بعدبن وتجيب اطفال بالخفيه
شاور حرمتك واذا رضت كان بها ولا بتفريق باحسان

مافهمت شي وش السالفه

هههههههه
ف الوقت المناسب خربوا ع الرجال فرحته

الله يكفينا من كيد النساء

وليه ترراه والله حرام عليك ان تتزوج ب الخفيه بينما الله سبحانه محلله لك وتعلنه امام الملاء
ودك ب الزواج تكلم معها تفاهم وانك بتتزوج رضت ام ابت وانك تبيها بعد والخيار لها ترفض وترجع لاهلها او ترضى ب شرع الله وذي الخساير حلال فيك عاد اللي الله محلله لنا ليه نسويه ب الخفاء وكأنه حرام

حسبي الله ونعم الوكيل فيكم اجل استيقظ الضمير

الا والله استيقظت الشياطين معها

الله يكفينا من كيد النساء