سعودية تفضح زوجها بفيديو لعلاقته بالخادمة

ومااظن ان الخدامه لابسه شي يلفت وريحتها كلور وطبخ يعني العيب ؟؟؟؟؟؟

لاتعممون فيه رجال محترمه
وفيه رجال والله لو حطيت مكياج ماعجبه واذا لبست ماعجبه كانه مو شايفك بالمختصر واذا لابسه قميص هيه كمان تحب تشوفه ببجامه علی الاقل واذا نزل السوق تعال شوف البرنس
البيوت اسرار والناس تختلف ومو كل الحريم غلط ولا كل الرجال (ابو ول كلام يدل علی عقليه صاحبه راقي جدا والله يهني زوجتك فيك )

طيب

اللهم جملنا بالستر والعفاف والحشمه

نحن ماندري النقص في مين – الله أعلم- وكلنا بشر وفينا نقص ، أنا أنصحها هي إنها تسد أفواه الناس اللي بتتكلم ،وربنا يقول في القرآن والصلح خير ،
بعض الحريم ماتهتم بزوجها
وبعض الرجال ما يهتم بزوجته في الجانب العاطفي ،
صار أهم شيء عند الطرفين المظاهر الكذابة والظهور بمظهر حسن أمام الناس، على قاعدة ( مشي حالك حالك يمشي)
ولو بنفرق بين كل زوجين تحصل منهم أخطاء عاطفية كان البيوت اليوم أعظمها مليئة بالمطلقات. (تنظيف الزاجة أحسن من كسرها)
الرسول صلى الله عليه وسلم يقول كتب على ابن آدم حظه من الزنا فالعين تزني وزناها النظر …….والفرج يصدق ذلك ويكذبه .
والرسول صلى الله عليه وسلم علمنا دعاء إذا رآى الرجل أو المرأة من نفسها عدم رغبة أحد الطرفين بالآخر وهو ( اللهم قنعني بما رزقتني وبارك لي فيه واخلف لي كل غائبة بخير.
والقرآن علمنا دعاء (ربنا هب لنا من أزواجنا وذرياتنا قرة أعين واجعلنا للمتقين إماما)

رد ع ت 32 النقص مو فيها العيب فيه هو ليش يخونها – طلقها او اتجوز عليها – لكن تخونها لا الخيانة احتقار للمراءة الرجل يخون زوجته لما يكرهها ويحتقرها —— ثانيا مايخون زوجته الا الخبيث — عن أبي هريرة قال ‏(‏قال رسول اللّه صلى اللّه عليه وآله وسلم الزاني المجلود لا ينكح إلا مثله‏)‏‏.‏
رواه احمد —- الخبيثين للخبيثات————————————————————————————————————- سلام

بدال ماتظفون النار تشعلونها ، يا أخي هو بشر وأخطأ وهي بشر وأخطت بفضيحة زوجها ونفسها ، الناس وش تقول أكيد بتقول النقص فيها ، فالمفروض إنها تستر نفسها وتدعو الله أن يهدي زوجها ويقنعه فيها وتشوف النقص اللي عندها وتكمله وفي هذا الزمن ما أحد يأمن على نفسه الفتنة لأن فتنة النساء أعظم فتنة ، سفري الشغالة واشتغلي في بيتك بنفسك واتركي السهرات مع فلانة والجوال مع علانة، الله يصلح أحوالنا وأحوال المسلمين

والله انك صادقة في كل كلمة قلتيها وهي بنت رجال وما عليها كلام والله لوهي سوت الحرام كان الكل بيقول هذا حقها الطلاق والفضيحة وماهي كفو بس والله انها كفو دارت الدنيا قبل نسمع الشباب يزنون ببنات ويصورونهم ويفضحونهم اذا بغوا يتزوجون والكل يمدح فيهم وأنهم كفو مع انهم زناة بس اذا الزوجة فضحت زنا زوجها قالوا ليه الله امر بالستر طيب هو ماستر نفسه قدام ربه وماحفظ الثقة اللي هي وثقت فيه وما صانها بغيابها حقه وقليل بحقه بعد لابد من انها تخلعه قبل ما تكون مريضة بالايدز

يطبق الشرع بحقه
بطبق الشرع بحقها

الشرع هو الفيصل في هذا الموضوع

اللهم استر عوراتنا وأمن روعاتنا والمسلمين جميعا

يستاهل اقل شي تسوي فيه
حسبي الله عليه محصن وعنده زوجة ويروح للحرام ..مرض الله لايبلانا ..ماخاف من الله خاف من فضيحة امام الناس

ياكثر الخاينات والتي تكون فيها الزوجه السعوديه هي البطله يعني مرة قريت خبر وفي هذه الصحيفه الموقرة والخبر يقول ان رجال الهيئه القوا القبض على سائق خاص باكستاني وفي وضع مخل مع امراة اتضح انها زوجه الكفيل .

بالعكس اللي سوته عين العقل هو اللي فضح نفسه وهو اللي منزل نفسه بالحضيض والا واحد متزوج يعني محصن بس هو منحط ما يبي الا الحرام بما انه ماحفظ شرفه بغياب زوجته ماهو حافظ شرفه قدام زوجته اشوف لما الشاب صور بنت وهو زاني الكل قال انه رجال وبيض الله وجهه وش عليه بيض الله وجهه على الزنا الا هذي بيض الله وجهها لانه فضحته وبعد دليل قدام أهله وجماعته انه واحد عديم الشرف وأنها ما تستأهله والله انها شريفة فعلا وبعد هي بينته على حقيقته السودا لها ولغيرها اللي راح تنغش فيه مثل ما انغشت فيه قبل الفضيحة واجب على مثل هالاشكال بيض الله وجهك يا بنت الرجال والله يحمي شرفك من كل فاسد

لو هالزوجه هذي فيها خير كان هي اهتمت بشؤؤن منزلها بنفسها ماتجيب شغاله وتقوم هذه الشغاله بكل مايلزم بينما السعوديه نائمه في فراشها الى الظهر .

اللي عملها مع الخادمه المقرفه لا اتصور انه مهتم من نشر الفديو ولكن الزوجه هي الخسرانه لانها شهرت فيه

السلام عليكم ورحمة الله وبركاته
اخواني من ستر ع اخيه المسلم ستر الله عليه يوم القيامه
وارجوووووووكم بلاش فضايح

تسف تسف خفي عليه شبلاك يمكن زوجته مقصره بحقه ولاتهتم به وزل نظره للخادمه شوي شوي عليه بالوصف هداك الله

اول شي تصويرها لزوجها اثبات انه يخونها عادي كم يوم ويتصالحو اما تنشر المقطع كارثه وعيب ونقيصه سودتي وجه الرجال هداك الله

عبير ثمني كلامك يابنت ، أما أنا اعتقد ان الموضوع يتعالج بالستر والطرد ، بقلعته ، الفكه من مثل هذا مكسب ، أما من يقول أن حرمته ماهتمت ولاتزينت فهذا كذب وضلال لو أن مثل هذا ناقصه زين ما ناظر هذي الشغاله من جد ……. وين الزين فيها ، يمكن ناقصه عفن .

صح عليك برا تتشخص الاجانب و تتزين لهم ام الزوج اشين الملابس

عبير كلامك قوي ترى مو كل الرجال خونه

الله لايولكي ياعبير على المسلمين ياساتر ذكرتني بصدام حسين هههههههههه

والله اعرف بعض الحريم ملكات جمال وسنعات وازواجهم خونه
مو شرط انه تكون معفنه عشان يخون بعضهم كذا الخيانه بدمه ولايملاء عينه الا التراب

كثر الله خيرك
يستااااااهل هذا اقل من جزاه

سأعرض نموذجين من الخيانة :
الصورة الأولى ، لو كان العكس لكان الوضع مختلف تماما ، أقصد لو كان الزوج هو من صور زوجته مع السائق لأصبحت الردود تدين الزوج أكثر من إدانتها للزوجه لأن المرأة تعتبر عرض وشرف وليس من السهل أن يفضح أحدهم شرفه .
………………………………..
صورة أخرى ، لو عامل أحد الزوجين الآخر بالمثل بمعنى أنه حينما رأى شريك حياته يخونه مع شخص ما قام هو الآخر بخياته لكان هذا الفعل أيضا مجانب للصواب و مستنكر من الجميع .
…………………..
إذاً ، لماذا هذا النموذج بالذات و المطروح في الخبر يؤيد فكرة الإنتقام من قبل الزوجة ويشاد بعملها في غالب الردود و بالأخص عند النساء وتشحذ الأقلام المسعورة بغرض الإنتقام من شخص الرجال على الرغم من أنه كغيره من صور الفضيحة لا يخلو من تلطيخ الشرف والسمعة بالعار
أليس التصرف الصحيح هو أن تلجأ إلى المحاكم لمعاقبته وخلعه من ذمتها بدل أن تشوه سمعة أسرة كاملة ويلاحق ابنائه إن كان له أبناء الفضيحة و العار وربما أثر ذلك في مستقبلهم ، أعتبر هذا التصرف تصرف دنيئ وربما أشد سوء من فعل ذلك الخائن بل تصرف أناني وتفكير مجرد من العقلانية و عديم المسئولية بدافع الانتصار للنفسه فقط .

أنت ياللي مسمي نفسك هواوي وش تحس فيه وأيش عليك من الناس
راعي فزعه ولا راعي واجب يوم أنك للمره محرومه من أيش وش دخلك فيها
عيب أستح على وجهك أمك هي أو أختك أو بنتك عشان تعرف وش داخلها وأتوقع لو تشوف أمك متضايقه من شي مانشدتها وش فيك يمه .
شاطر في المطامر ورى بنات الناس بس وتبي تعرف وش بلاهن ووش فيهن يالديوو th

الزوجة انانية واسلوبها وقح ما فكرت في عيالها يوم يشوفون ابوهم ما فكرت في نفسياتهم الله يرحم جيل امهاتنا يوم كانت تحافظ على سمعة زوجها وعيالها مهما كانت الاسباب مو هذا الجيل طول الليل جالسة على النت والمسلسلات والواتس وما تتصلح لزوجها ولا تظهر له زينتها حتى عطر ما تتعطر وتقول زوجي يخونني

تصرف الزوجة سيء جدا وكذلك تصرف الزوج ولكن بعض الزوجات للاسف لابسة لثمة وحاطة كحل وتتسكع في الاسواق واذا رجعت البيت لبست قميص عادي ولا تتصلح لزوجها لا مكياج ولا كحل عند الزوج ولا حاجة ولا تفرش اسنانها وعطر مافي مخلية العطر فقط اذا راحت عند الناس والمشكلة ان العطر من فلوس الزوج وفي غرفة النوم مثل الخشبة لا احاسيس ولا شيء واخرتها تترصد لزوجها وما تبيه يخونها

صدقت والله ان بعضهم زبالين ويعشقون القمامه صح لسانك والله
والله لو تكون زوجته في قمة الجمال والسنع بيروح يدور ع الشغالات لنقص عنده واضح ولا يحس بفحولته الا مع شغاله الله لايبلانا

اللهم لا تفضحنا ولا تهتك لنا ستر يارب العالمين . قال تعالى ( يستخفون من الناس ولا يستخفون من الله وهو معهم إذ يبيتون مالا يرضى من القول وكان الله بما يعملون محيطا )

ي الله العافيه ماعد اذكر عشايه البارح حتى اذكر شي من العام بس ما اذكر وقد تكون غيرت اسمك

اللهم لاشماته. …نفسي
أعرفها ليش شغالتين في البيت ….
الناس تدور على شغاله …وعندهم
شغالتين. …أجل ماالوم الرجال
حصل الدلع واكيد سوي
كبوس في جسمه…والزوجه 24 ساعة
خارج البيت مع السواق …والرجال
مبسوط مع الشغالات وحده عن يمينه ووحده عن
يساره. ….
محد قده ياعم …
حسبي الله ونعم الوكيل.”””

يستاهل النجس الحقير لو أنا منها أكتب إسمه وقبيلته وعنوانه تحت الفيديو بئس أشباه الرجال إللي مايكتفي بالحلال بالمختصر بعض الرجال زبالين يعشقون القمامه

الخيانه مالها مبرر او سبب
موشرط انها مو مهتمه
بس لحظة شيطان. ممكن حتى تكون اوحش منها
وريحتها بصل بعد

وانا كمان ي احمد ماعممت قلت البعض
انا راح اشرط عليه الفرشه والمعجون والنظافه اليوميه وكل يوم يبدل ملابسه ويبشر بالسنع والدلع بعد
وتحياتي لك احمد

لا حول ولا قوة إلا بالله
هذه أمور عائلية خاصة وليست محل نقاش
اقدر قهرها لكن من باعك بيعه لو كان غالي
بدون فضايح
تكبر في عيون الناس وتصير أحسن منه تصون المعروف والعشره السابقة
خاصه لو عندها عيال

انابيب التيوس مالهم الا الخصي لو مني منها ريحته —– او شربته كافور —والتشهير فيه واجب بيض الله وجهها اثبتت ان اللي خلفوها رجال يهدون جبال اقولها كفو عليك واللي ضدك تلقين ماضيه اسود——–

اختي الفاضلة غيداء انا استثنيت
وقلت الا مارحم الله
يعني فيه بعض الزوجات يهتمون
ويمكن انتي تهتمين ولكن ماتوفقتي
بزوج يهتم بنفسه
عموما الله يوفقك
وحاولي تبادرين وتهتمين بنفسك وانتظري شهر يمكن ينعدي منك ويهتم بنفسه
يعني انتي تقدرين تأثرين عليه
وبالتوفيق للجميع

احسنتي .. اخت محرومه سالت قبل سنه سؤال ولم تردي الى الان
محرومه من ايش؟

نفس الشي لنا احنا لمن الوحده تتزوج واحد معفن لايهتم بشكله ولا بريحته ولا بمظهره همه الوحيد انو يملي كرشته يلا قولي كيف تبي الزوجه تهتم بشكلها وعندها واحد جيفه حتى اسنانو مايفرشها ولا يعرف فرشه ومعجون والله من جد ترى فيه بشر كذا وععععع الله يقرفهم بعض هالرجال قسم بالله حتى العطر مايعرفو طيب ليش تتزوج تقرف بنت الناس معاك واخر شي يقول
هي ماتهتم ماتهتم لانها شافت واحد زي الجدار ياكل وبنام بس
زي ماتبون احنا نهتم ونكشخ لكم انتم بعد اهتمو واكشخو لنا حرام عليكم وين نروح بعد بعد
يعني تبونا حلوين 24 ساعه وانتم جيف كيف تجي الا والله بتنسد انفسنا

لا يحق لها التشهير مهما حصل تكتفي بإبلاغ أهله أو تطلب الطلاق عن طريق المحكمه.

الخيانه مرض يجعل اﻷنسان مايقنع بمايملك سواء كان رجل او أمرأه يضل يبحث وبكل شراهه عن الحرام . اذا الزوجه مهمله لزوجها من ناحيت اهتمامها بنفسها وبزوجها . او الزوج مهمل . فيوجد حلول كثيره غير الخيانه . يعني مافيه اي مبرر لها ….. اما انشر مؤكد كان محروق قلبها ومافكرت في الستر عليه .. الخيانه مئلمه جدآ

والله وقاحه .. هو يخونها مع خداااامه وهي تتعاقب … شي مقرف

يخونها معى الخادمه
انسان تافه جدااااااااااااا

ياخت عبير
لو الرجل حصل له زوجة سنعة
وكل يوم تلبس له وتتزين له
اجزم انه ماراح يخونها
لكن اذا صارت اغلب النساء بالبيت شكلها يجيب الهم والحزن من عدم الاهتمام بنفسها
واذا جت تروح لصيقاتها والا لزواج والا اي مناسبة تحصلينها تتضبط وتكون كأنها عروس
فطبيعي الرجل يبحث عن الاغراء خارج بيته
ثقافة المرأة العربية صفر من عشرة بإحتواءها الزوج
الا مارحم الله وهن قليل

سبحان الله لو انها بشعه يطالعو للشغالات رجال مايملى عينهم غير التراب طبعا مو الكل
عينات الله لايبلانا

هذا الخاين الزاني النجس الخنزير ماله الا الخصي علاج له يريح ويرتاح

صدقتي ،،
حسبنا الله ونعم الوكيل ..

أجل خيانة مع الخادمة وتصووور هي ومستانسة كنها راضية بهذا الشيء وخلاص صورته ونشرت بكرة ترووح تخوونة وهو على مواله ليا قال شيء قالت انت خاين وانا خاينه ابد يابوووي وينقلب البيت شاااااارع كل يطااامر فييه ويجووون الزووجه ويطأونها وهي طاالع زوجها برى تحسب وتفكر انه رااايح يخووونها زي عااادته ثم تخوونه بزياااااده وتصيير دعااااره مهاااب خيانه

اللهم لاشماته والله لايبلانا بمثل مابليتم به

عجبا لانااااس تصوووور هالاشيااء كأنه امر عااادي وطبيعي مااايدروون انه لايحل دم مسلم الا اذا قتل مسلم اخر او اذا كان محصن وزنا لذلك هذا الشيء امره عظييم وخصوصا للمحصنين والمحصنات

يصووروون ينشروون يرووجون لكبيرة من كبائر الذنوووب ويرووجوون لها في كل مكاااان والا كأنها كبيرة من كبائر الذنووب

وفي النهاية يجوووون ويتكلموووون ملل طفش زهق سمااااجه هم وغم وضيقة نفس واخلاق مزفته 24 ساعه والا نحب الجدال او المجاامل في اي شيء ابا ارووح احاارب ابا ارووح لداااعش نبغى نكسر الرووتين نبغى ونبغى ونبغى وهووو مهما سوا بيبقى طفشاان زهقاان مايعجبه شيء وكل شيء سماجه وفووق كل هذا هم وغم ______________ كااان هين علييك كبائر الذنووب وترووج لها وتنشر الفسااااد

يبتلييك الله با اقوى جند الله الهم والغم وساااعتها ما تفتك منه وتضييق عليييك عيشتك ولقمة عييشك وتصيير نفسية لابعد الحدوود مايعجبك العجب

هااااذي حاالهم والعياااذ بالله وداايم ماتجد واحد مهمووم ونفسية وطفشااان الا اذا كااان رااعي بناااات

اخلعيه قبل لا يجيك الإيدز ويعدي عيالك بعد الله يكفينا شر الدنيا ماعاد أمان ولا شرف مافيه غير الخوف ومراقبة الناس اللي مفروض يكونون محل ثقة لكن حسبنا الله ونعم الوكيل على كل ظالم يخون عرضه ودينه ويشتت أسرة باكملها حسبنا الله ونعم الوكيل

للتصحيح (ممكن تمشيها )

والله ياخوي ان الواحد صار يخاف ينام مستور ويصبح مفضوح بين الخلايق ومانقول الى الله يسترنا دنيا واخره

ههههههههههه
–
خونها مع أي وحده ممكن متشيها لك .. !! بس مع الخدامة !! أف أف أف
–
زين اللي ماصابها شلل رعاش هههههههه

المفروض ماتفضحه وتكتفي بان تطلقه وانتهى الموضوع…

وماذا استفدتي من ذالك ؟؟؟؟ الله الستير سبحانه هو الذي يحب الستر ويبغض القبائح، ويأمر بستر العورات ويبغض الفضائح، يستر العيوب على عباده وإن كانوا بها….اصبحت كل صغيرره وكبيره في منازلنا ومجتمعاتنا مكشوووفه على الملاء والسبب التكنلوجيا وفهمنا واستخدامنا لها بطررريقه الخطاء لدرجة الانكشافيه ان صح التعبير بين الزوج وزوووجته ..!!!

قفطته ههههههههههه ما تنلام في التصوير للإثبات ودليل قاطع ولكن تنلام في نشر المقطع
المفروض محد يشوفه غير اهلها واهل الزوج اذا هي ناويه تخربها

ولا صورت الا بعد ما تأكدت ان فيه شئ وقطعت الشك باليقين وعز الله انه قعد بها