كشفت وزارة التعليم عن الآليات والإجراءات التنفيذية لطلبات التقاعد المبكر لشاغلي الوظائف التعليمية، في جميع الإدارات والأقسام، ومكاتب التعليم، والمدارس الحكومية، ومعاهد التربية الخاصة.
وأوضحت الوزارة أن لشاغلي الوظائف التعليمية الحق في طلب التقاعد المبكر في أي وقت من العام الدراسي، على أن يكون ترك العمل بعد نهاية العام الدراسي.
وأضافت بأنه يتم رفع الطلب لمرجعه، موضحة فيه المعلومات الشخصية، ورغبة الموظف الصريحة بإنهاء الخدمة، مع بيان خدمة حديث صادر من إدارة شؤون الموظفين، وصورة طبق الأصل من بطاقة الأحوال، و”آيبان” مصدق من البنك لطلب التقاعد المبكر، ومشهد من صندوق التنمية العقارية يبين حالة طالب إنهاء الخدمة.
وأبانت الوزارة أن هذه الوثائق تُحال للشؤون الإدارية بالوزارة مرفق معها رأي شؤون المعلمين بجهة عمل الموظف خلال 15 يوماً من تاريخ تقديم الطلب لمن كانت خدمة 25 عاماً فأكثر، ولوكالة الوزارة للشؤون المدرسية خلال 5 أيام عمل لمن تقل خدمتهم عن 25 عاماً.
التعليقات
بس ارجع واكرر تكفون يااخواتي المعلمات وياخواني المعلمين بنسوي تصويت او حمله نطالب فيها ان التقاعد المبكر يكون ١٥سنه للمعلمه
واللي ماتبي تتقاعد براحتها يعني يكون اختياري على ١٥
انا طبعا خريجه معهد معلمات ولي ١٤سنه تدريس تعبت بجد مرات افكر بالاستقاله والله
بس ظروفي تجبرني
يمسكوني اي شي اهم شي مشي المنهج مو منطق هذا ظلم لنفسي وللطالبات
المناهج المطوره هذي تحتاج ناس مطوره بعد
اتمنى منكم ماتردوني طلبتكم اللي عنده خبره يسوي لنا استبيان او شي للتصويت الله يسعدكم يوم هالجمعه
الله المستعان هالسنه بسميها سنه الدجه والضياع
الحين من بدينا دراسه بنكمل شهر الا شوي وتصدقون كتب بعض الفصول ناقصه بالذات العلوم والرياضيات للصف الثالث الابتدائي طبعا اكيد فيه نقص بجميع المراحل مو بس ثالث
بالله كيف اقدر اشرح دام الطالبه مامعها كتب وراحت المديره جزاها الله خير وصورت كم درس بس للاسف نص الكلام ممسوح مو باين
فااتمنى انكم تئمنون الكتب قبل تأمين المعلمات
غير كتاب النشاط اللي ما لامه داعي بس ضياع حصه عالفاضي كل الطالبات يتذمرن منه والاهالي
وللعلم مايجي منه ولاسؤال
ياليت يرجع التعليم مثل زمان كتاب واحد شامل كل شي من اسئلة وتدريبات
قال تطور قال اي تطور الا تدهور وبقوة
وسلامتكم اعذروني عن القصور☺️
تكفى تكفى يااستاذ عزام الخير والله ان ماوضعت بهالمكان الا وانت اهل له والتباشير الزينه مرسومه بوجهك ياجعله الجنه
احسبو لنا سنوات الخدمه بند 105 مانبي فروقات ولافلوس احسبو الخدمه
الله يرزقك الجنه
والمتقاعدات السابقات اليس لهن الحق في زيادة راتب التقاعد كل شئ غالي وسمين الا الا راتب التقاعد هزيل بجانب متطلبات الحياه نريد اعادة النظر في حالنا ﻻتأمين صحي وﻻعلج راتب التقاعد مصاريف علاج وادويه والحمد لله الرحمه الرحمه
كل التعليقات من المعلمات
شكل المعلمين مبسوطين وماودهم بسيره التقاعد المبكر
انا كنت معلمه ثم وكيله واشتغلت بجميع المراحل والآن تقاعدت من شهرين ومده خدمتي35 عام ولم اتقاضي راتب كامل ومكافأة نهايه الخدمه لم استلمها وتعتبر بسيطه جدا بسنوات الخدمه التي قضيتها في التعليم في كل الدول يوجد مكافأة نهايه الخدمه ومكافأة التقاعد و يعطوا ربع راتب عن كل سنه وبعض الدول نصف راتب الايستحق المعلم بعد سنوات إعطاء مكافأة تليق به في جميع القطاعات لهم مكافأة بعدد السنين.35 عام من العطاء الانستحق مكافأة؟ ؟؟؟،، الرجاء النظر في هذا الموضوع يا استاذ عزام
ياليت يرجع نظام البديلات والتعاقد …عشر سنوات ننتظر الوظيفة. .مجتازة للكفايات بنسبة عالية ..خبرة بمدارس اهليه 7 سنوات. ..ومع ذلك ننتظر الوظيفة …الله يرزقنا
أنا كنت معلمة ثم وكيلة مدرسة ومرّ علي معلمات كثير ويعلم الله أن أغلب المعلمات الجدد اللاتي يحملن مؤهلات جامعية مستواهن متدني لا يقارن بالمعلمات القديمات فالعبرة بالاخلاص والعطاء المتميز وأقول لمن تتطاول على معلمات والدتها ومعلماتها لا أظن أنك أهلا أن تكون معلمة لأن فاقدة أسس عظيمة وفاقد الشي لا يعطيه
وأنا الأن متقاعدة وأبنتي خريجة جامعة أحياء وسوف تنظر دورها في خدمة بنات وطنها متى ما أراد الله
القرار الصادر بس يشمل التقاعدين الجدد او حتى السنوات السابقه يعنى العام الماضى مثلاً
كم بيكون راتب التقاعد لمعهد معلمات 25 سنه
حبيباتي اما بكفينا تجريح بالكلمات المنمقه او مجرد قوة حجه امام الخدمه المدنيه الي ماعينت الخريجات انا معلمه ومديره من 30سنه معهد معلمات مارست العمل بكل اقسامه ودرست المناهج قديمها وجديدها ويشهد الله ان اامعلمات حامﻻت الماجستير يرجعون لي في معظم اﻻمور
بناتي بكلريوس احياء وماجستير ادارة اعمال وللحين ماتوظفن فكركم اني ما اتمنى ان يكن بدالي بس وش بايدينا نظام عقيم واجراءات عف عليها الزمن
عندما تسمح لكم انفسكم باهانة من كانت لكم ام ومعلمه واتهامها برداءة العطاء وضحولة المعلومات عند ذلك فقط اناكد عندها فقط بانكن ﻻتصلحن ان تكن معلمات اجيال
الله يشفيك ويرفع عنك ويجزاك كل خير على صراحتك من جد يلزمون المعلمة تعطي المنهج حتى لو ماكانت قادرة على العطاء فيه المهم يمشي المنهج وياريت صوتك يوصل للمسؤلين احنا الخريجات عندنا طاقات المفروض يطبقون نظام التقاعد من بدري ويفسحون لنا المجال نعطي ماعندنا والله يكثر من امثالك
سيسجل التاريخ لعزام الدخيل لو قدم التقاعد الي ٢٥
انا لي سنه متوضفه وارغب بالتقاعد .. وفيه مدرسات واداريات درسوا امي يوم هي بنت وللان مايبون طاري التقاعد !! اقسم بالله كفائاتهن متدنيه بشككل محد يتصوره ..كل همها تحظر مع ترمس قهوه وتعاليل لين نهاية الدوام .. وتاركين الشابات الي كلهن اممل ونشاط جالسات بالبيوت !!
اصبحن هن العثره الثانيه بعد قياس .. اتقوا يوما لاينفع فيه مال ولا بنون ياوزارة التعليم ..
حسبنا الله الذي لا إله إلا هو على كل ظالم لا يؤمن بيوم الحساب …
نأمل التكرم بحساب خدمة من كان على بند اﻷجور وبند 105
والله لن أسامح من تسبب في تخلف حال التعليم مدى 25سنة ،والله لأقفن له يوم يقوم الأشهاد بأخذ حقي من عروقه على شبابي الذي ضاع في الشوارع 20 سنة
وفروقات عنائي الذي سرقوه عيانا بيانا ببندهم المفتعل 105 . وتخبطهم في صرف الأموال حيث أدفع من راتبي البخس لشراء مكتبي ولوازمي ووسائلي التعليمية
وأستجلب مستخدمه من حسابي وتكريم طالباتي… والمقام يطول ويطول ويطول …
ونحن ايها الساده نحن المستخدمين يعني الفراشات في المدارس وش لنا مالنا تعديل مالنا حوافز مالنا شي يفرح قلوبنا رواتبنا ما وصلت اربعه واحنا نفاحط وايجارات ومصاريف وتربيه بزران ولا نشتكي ولا احد معبرنا تكفي ياوزير فرح الضعاف وربي بيفرحك
تمام اذا التقاعد على ٢٥ عام وبراتب كامل
اعطوا فرصه للخريجات الجالسات بالبيوت وبامتياز
لعلمك انا معلمه خريجه معهد معلمات ومنذ تعييني وانا ادرس فصول اوليه
لي ١٢سنه تقريبا وحصل لي ظرف مرضي الترم الاول ماداومت ابدا
والترم الثاني اول ماداومت مسكوني علوم كل المدرسه من اول لسادس
وطبعا المنهج المطور ولاني فاهمه فيه شي نهائي وكل ماتكلمت قالو فيه نقص معلمات يعني بتقنعوني ان مافيه خريجات علوم جالسات بالبيوت
وتبون التطوير والارتقاء بالتعليم
وين التطوير والطالبات ضايعات يحطون المعلمات بس سد فراغ
مش حالك بس
مايجوز هالشي طالباتنا بذمتنا ونتحاسب على هالشي يوم الحساب
انا عن نفسي اعطي وانا ماني فاهمه شي بالمنهج لانه مش تخصصي
ولاعندي خبره فيه
بس قاعدونا يااستاذ كفايه ذنوب
تكفى يااستاذ عزام الله يرحم والديك حطوا التقاعد على ١٥سنه اختياري تكفى
والله تعبنا عندنا اطفال وظروف وازمه شغالات ولا فيه حضانات لعيالنا
كفايه ضغط نفسي وجسدي
الله يرحم والديك
تكفى تكفى تكفى
عليكم بالنظر في خفض سن المتقاعدات من 55 ليكون40 أو 45 على الأكثر ليتم توظيف العاطلات ولتوفير وظائف للمرأة لايكون فيها اختلاط بدلاً من توظيفها بين الرجال
هذا مخالف لانظمة الدولة
ولو فرضنا ان معلم ينهي ال40 سنة بعد بداية العام بشهر ؟
كيف سيعامل؟
وهل تملك الوزارة الصلاحية للتمديد لمن أنهى ال40 عاماً في الخدمة؟
ومن يريد التقاعد مبكراً ولنفرض مع نهاية الفصل الدراسي الاول ؟ كيف سيكون التعامل معه إلى نهاية العام ؟ هل بالتعاقد ؟ أم ماذا ؟ أم سيقال له تقاعدك يبدأ من حيث طلبت ولكن تكفى خلك معنا إلى نهاية العام ؟ وكيف يتم التعامل معه مالياً ما دام متقاعداً ؟
كفاية تخبط
اترك تعليقاً