بالفيديو.. إمام مسجد يتهم المرأة انها لاتهتم في كرة القدم إلا بمشاهدة أفخاذ اللاعبين

تصدفون بديت اخاف على نفسي.
طيب كيف نتحجب عن النساء.
من هذا المنبر اطالب رئيس الاتحاد السعودي أحمد عيد ان يأمر الله لايهينه اللاعبين لبس سروال السنه

غفر الله لهذا الرجل.. الأمر أهون من هذا التعليق المتكلف
فالنبي صلى الله عليه وسلم دعا عائشة رضي الله عنها لمشاهدة الرقص كما في الصحيحين .
ان بعض مهاجري الحبشة كانوا يلعبون في فنا المسجد.. فدعا النبي عائشة لتشهد الاحباش , وفي رواية أنه كان يجعل رداه حائلا بينها وبين من كان في المسجد من الرجال , وتارة اخرى كان يقف هو امامها وكانت عائشة ترتقي كتف الرسول وتنظر مشهد الاحباش الذين كانوا يرقصون..
فالسؤال : هل دعوة الرجل زوجته لمشاهدة رقص الرجال أقبح من مشاهدة المرأة لمباراة كورة!؟
وهل الرجل الذي يدعو أهله لمشاهدة مبارة يكون ديوثا؟! أم يدعو أهله للرذيلة والانحراف؟!
أم أن هذا الرجل قد بالغ في نقده والأولى أن لا يتطرق للموضوع من أصله لأن النبي صلى الله عليه وسلم قال لنا الحلال بين والحرام بين .. وحرم علينا التقول على الله بلا علم.. وحرم علينا التدخل في نيات الناس..
اللهم رحمتك نرجو ولا نرجو رحمة خلقك فإنهم لا يرحمون إلا من رحمت يا أرحم الراحمين.

نقص عقل بالله هذا شيخ كلن يرا بعين طبعه إذا أنت تفكيرك وسخ الناس مثلك فخوذ لاعبين الله والفخوذ نواف العابد ومحمد نور اي اغرا بربك

ههههههههههههههه ولايهمك فهمت ههههههههه كلامه غير مقنع

تعليق رقم 22 شو دخل الروافض أذا شيوخكم خرفو و أصبح الدين يشتكي من فتواهم

والله هزلت اغلب التعليقات يسبون الشيخ. بالله من انتم وصلتوا لعلمه وماكنته حتي تقيمونه وتسبونه مايجوز سب اهل العلم بلاش تخلف
شي مضحك حقيقه اغلبها وراعين ويقولون ماهو بشيخ.
فيه بنات يتابعن الكوره علشان لاعب تحبه ودها تشوفه كل شوي لا احد يقولي مافيه وتبي تشوف فخوذه وغيرر فخوذه. تريحوا بس

والله انا شايف ناس تقيم الشيخ بالله ودي اسال من انت حتي تقيم الشيخ وش وصلت لعلم حتي تقيمه
مهزله ناس لاتفقه يقيمون شيوخ شابت لحاهم ع الدين وطلب العلم يجيك وراعين يقولون ماهو شيخ
هو صادق فيه بنات يعشقون لاعبين ودهن يشوفون حتي اصبع رجله مو فخذه اسكتوا بس
ماتكلم الشيخ كذا ولا غاوي هرج. اتقوا الله لاتسبون المشايخ

االله المستعان (الي ماكان ت منتبهه خلاها تركز )

ههههههههههههههههه غباء فكر بغيرها

البنت تشوف افخاذ الرجال !! اخاف انهم يبون شي ثاني

اللي يقهرني ياشيخ ان الناس بعد ماخذين مقلب ان عندنا فرق وانديه
ياعمي نصيحه روح امشي والعب رياضه وبطل تتفرج كوره وسكر وضغط
عشان فريق بالنهايه لعب ابو كلب ولا يأخذ بطوله ومستوى متدني

انا اشوف من المفترض ماتحدد ياشيخ
الله يهديني ويهديك قول مثلا ومن الغير لائق عندما
يتجالس الزوج وزوجته او الأخ وأخواته ويشاهدون المباريات
ووووولما فيها وفيها وفيها من مشاهد غير لائقه هههه والدين حثنا والخ
وانا اشوف كلامك عين الصواب والله انها مصيبه ان يوجد بعض بناتنا
يتابعون الكوره انا ياشيخ ماتابعها ابشرك الأهلي دمر حلمي الطفولي ماعنده بطولات
ولعبه زي ماهو من ٢٠ سنه خايس ياشيخ

هذا مو شيخ ولا يمثل الا نفسه وش هالكلام استغفرالله وبس انا عن نفسي احب اشوف المباريات النهائيه اتحمس لها لكن قسم بالله مااناضر لفخوذهم واذا احد طاح وقربت الكاميرا منه اوخر عيني لين توخر الكاميرا قسم عيب هالكلام والدخول في النوايا شي تأثم عليه استغفرالله ..!

على جميع من يشاهدن المباريات رفع قضيه على الشويخ

والله شكلك ليل نهار تفكروتخطط كيف تلبس لاعبين الكوره سراويل طويله قلت مالي الى ادخل مع الباب ذاواقول ان الحريم مايتابعون الكوره الى عشان فخوذالرجال اذاعشان فخوذ الاعبين حتى لولبستهم سروال طويل الفخوذموجوده ايش تفكيرالغباءذا فيك انت فخوذالرجال موجودينه في كل القنوات موبس الاعبين يعلم الله كل الناس عقلهاوتفكيرهاونياتهابراسهاالى انت سبحان الله أتق الله خاف الله تدخل نواياالبنات والناس يعلم الله دام ذاكلامك يانيتك خبيثه اكثربس من الاستغفاراخذت ذنب البنات والاعبين صارعندك بدل الذنب ذنبين نسأل الله لك حسن الخاتمه !!!!!!!!!!!!!

كي اتش بي …. ابي وش تونس بالضبط عشان نلقى لك علاج

انا لست معك المفروض يقمن عليه دعوى قضائيه

لحول بقول كلمه ايش التخلف والله انكم سبب تخلف المجتمع

حسبنا الله اخذت اثم كل الحريم انت وش دراك دخلت بقلوبهن كلهن ان هذي نيتهن يوم يشوفن االكوره ماتخاف ربك انت الحين الافخاذ تغري انت ووجهك لاتدخل بالنيات لاكن قلبه مليان نيات فاسده الله يعافينا ولا يبتلينا بس يبي شوشره وشهره هذا من وين طلع اول مره نسمع فيه رح سم وتشهد ونم ولاتدخل بنيات البشر ..

اللهم وفق هذا الشيخ لما تحب وترضاه وجعل عمله خالص لوجهك الكريم

والله ان هذا الشيخ صدع بكلمة الحق ولو لا غيرته على النساء لما نصحهن

الناصح دائما يحب الخير للغير .

جزاك الله خيرا ايها الشيخ الفاضل وكثر الله من امثالك

والله الشيخ صادق وكلامه سليم الوحده تتخيل جسم الواحد ويجي في مخيلاتها افكار جنسيه وبعض البنات اذا فريقها فازمن الفرحه تجيهامحنه مدري وش السالفه الي تقول بمشي بكلوت بشارع اذا فازفريقي وبلاوي وبعضهم تراهن على شرفها والعياذ بالله كلها بتويتر موجوده البلاوي ذي واتوقع الوحده لوقاللها لاعبها المفضل تمشين معي شقه ولاشي بتوافق ياكثرهم…

والله صاادق كلام سليم

شيوخ تتكلم بأصلها ومعدنها من تحت السرة ونازل بالله هذا الطقوع يفهم في الدين

عاد من زين هالافخاذ الله لايبلانا ههههه

طيب يجوز اشوف مباراه للسيدات

السلام عليكم
يااخي اتق الله في نفسك ولاتضلم بنات الناس ولاتدخل باالنواي

اللي مايعرف فضيلة الشيخ وخاصة منزل الخبر ..

هذا فضيلة الشيخ العلامة سعد الحجري وهو عالم جليل معروف .

وشف الردود الوضيعة وتعرف مايقصده الشيخ ..

والله إن فيها مفاسد لا يعلمها إلا الله .

دوري جميل مليان بفخوذاً سود تقطع النفس و اذا كانت تابع الدوري الايطالي او الاسباني فالله يعينها على الزين الي هي محرومتاً منه

جزاك الله خير انت والشيخ يبو محمد

الله يكفينا شر الفتن

من زين فخوذهم كلها عضلات وصبات ونصفهم خ؟؟؟؟؟؟؟؟؟؟؟؟و؟؟؟؟؟؟؟؟ا؟؟؟؟؟ل

ندري انه الكمال لله .. واترك عنك الهياط …. هل زوجتك وبناتك يرضوون انك تتفرج ع فخووذ الحريم؟؟؟ ……. لان اللاعبين اكثرهم بعد نهاية المباراة يفسخ الفانيلا ومايبقى عليه الا الشورت وهاذي عورة ولايجوز لهم النظر

انته الحين علقت عن طريق الجوال ؟؟؟؟؟؟ معناته تتابع كل شي!!!!!!! طيب وشرايكانت تحرم نفسك اول شي من الجوال ذالانك انت جالس تشوف كل حاجه اول بأول 100% قبل لاتحرم الناس احرم نفسك عجيب هههههههههههقققققهههههههههه

هو قالها من باب التذكير والنصح .. مو من باب الذكاء …. فهمتي يالدمغــــــة هههههههههه

الحمد لله والشكر قول لايجوز مشاهدة المباريات لان لبس اللاعبين غير محتشم مااختلفنا لكن تقول المرأه ماتشاهد المباراة الا عشان تشوف افخاذ اللاعبين سلامات وش هالتفكير دخلت بنوايا البشر والا عندك اطلاع على مافي قلوبهم

الحل هو ايها الشيخ الجليل ،،، تأكد ايها الشيخ لما تكون هناك نصيحة موجهة للبنت مباشرة يعني يكون كلامك مثل تعبير الشيخ الفاضل محمد العريفي يتحدث مباشرة للبنت بنصحها فيستخدم تعابير مثل ( يااخواتي الفاضلات او يابنتي …هنا البنت ستتعظ من النصيحة وتطبقها اما لما يستخدم بعض المشايخ جزاهم الله خير من غيرتهم ع الدين خانهم الاسلوب فيقولون بالنصح مثلا ايها الاباء ايها الاخوة امنعوا بناتكم ونسائكم من مشاهدة مثلا المباريات او مسلسلات وافلام معينة او مثلا امنعوا عنهن التلفاز …تروا يامشايخ هالنوع من النصايح مثل البنزين تزيد من اشتعال النار ماتطفيها ،،،، المرأه لما تسمع مثلا شيخ يؤلب الرجال ع منع النساء فهل يعني ان المرأه ستقتنع !!؟ بل ستعاند وتصر ،،، المرأه كثثثير لايتابعن المباريات لأجل مشاهدة اللاعبين بل من الناحية النفسية المباريات خصوصا بالسعودية اثارة بالاخبار والصحف والمبارة تكون ع الهواء مباشرة فطبيعة الانسان يحب الشئ اللي فيه اثارة وتواصل مباشر فمثلا الناس غالبيتهم هبوا في برنامج سناب اكثر من انستقرام ﻷن طبيعة الانسان تحب التفاعل بدليل ان بعض البنات اللي يشاهدون مباريات مايشاهدونها تسجيل بل لما تكون ع الهواء مباشرة يعني الدعوة ان مافية برامج تفاعلية يعني ليه مايكون بالسعودية في جميع المدن والمناطق مثلا اقلها مخيمات ندوات ومحاظرات دينية من داعيات وتكون هالبرامج التفاعلية ع مدار السنة مو حملة وتنقطع .

بارك الله فيك يابو محمد

انت نفسيه

عيب هذا الكلام هذا شيخ

بعض الناس المفروض مايعلق يصمت ………اسمع الشيخ ولا منت مجبور

والله ان مثل هالشيوخ يسيؤن للدين اكثر من انهم يفيدونه
.
لا اسلوب ولامنطق ومستخف دمه يبي يكسب شعبيه
.
على باله شورتات اللاعبين مثل عام 84 اكس سمول
.
كان اللاعب يمشي وتشوف خصيته من الجنب كانه ورع تكروني بحاره شعبيه
.
الحين صاروا اللاعبين اكثر تستر وما تبان افخاذهم الافي الاشتراكات القويه
.
وبعدين المراه بالله وش تبي بأفخاذ الرجل..لو قلت اللي بينها كان مشيناها

الله يصلحك يا فصيلة الشيخ ليه التعميم !

التعميم لغة الحمقى و بعدين أفخاذ اللاعبين الحين صايرة مصدر إغراء و فتنة ههههه

الحمدلله الذي عافانا!

صراحة الحريم اذا نزل السوق يتمتعون بالنظر إلى الشباب الشيك والحلووينظرون فية بشيوة وكذلك الباياعين السورين واللبنانيين أصحاب المحلات يتعمد يختار البائع حسن المظهر والوجة لية نكذب على بعض لذالك أمر الإسلام بغض البصر وإلى يقول غير كذا أما غشيم عن النساء أو اهبل

هو صادق اكثر البنات اذا شافن فخذ رجل يجيهم شهوة

ياشيخ مع احترامي لشخصك الكريم ان الكلام هذا ماتوقع انه صحيح ايش الفائده من شوف افخاذ الرجال او الحريم وكل شخص يفسر الي يعجبه من اي شخص لاكن الله يعين اهلك عليك

واقسم بالله ان الحرمه اذا ربي مو مهديها لو ايش ماصار تعمل الي تحب فعله لاكن هي هدايه من الله ونسال الله الهدايه وان يبعدنا عن ظن السوء

سوء الظن…
هو الأمر الوحيد الذي
إن أخطأت فيه تأثم ..
وإن أصبت فيه لا تؤجر ..
وفي الحالتين يضيق صدرك !

فأحسنوا الظن

يقولون الكبر شين لو قلنا رجال يطالع فخذ البنات ممكن لاكن بنت تطالع فخ الرجل
قويه

قال رسولنا الكريم عليه أفضل الصلاة والسلام أخوف ما أخاف على أمتي الأئمه المضلون ) الخوارج دعاة على أبواب جهنم – اللهم إجتث الإخوان خوارج العصر من جذورهم وأرح البشريه من مكايدهم وشرورهم وردالله كيدهم في نحورهم ظاهرهم سلفي وباطنهم إخواني

هذا مفتي الجنوب حفظه الله
الانتقاص منه انتقاص للدين

اسأل الله ان يصلح الحال

مشاهدة المرأة لكرة القدم لا يليق بأنوثتها فأنا اعتبر كرة القدم خاصة للرجال كما انا مساحيق التجميل خاصة للنساء … وجهة نظر فقط وأرجو الا تتهموني بالتخلف من اجل هذا الرأي

ياأمةً ضحكت من جهلها الأمم

أحلف ياشيخ
ولا تدري ………….

اعوذ بالله من نيتك الوصخه الله يهديك بس

وش درك ان هم البنات الفخوذ ؟ قلي !!!!
والله عيب ان تصبح خطيب او حتي امام مسجد . للاسف فكر الدواعش لا زال متواجد في مجتمعنا ..
والمشكلة بعض الناس يقولون مفتي في الجنوب مصيبة ان اكان مفتي ..

الله لا يسامح من قال عنك شيخ و لا يعفي عنه

سبحان الله والحمد لله ولا إله إلا الله والله أكبر

جزاك الله يا شيخ … السبب هو التقليد الأعمى الأغبر يا شيخ ..
.
قال عليه الصلاة والسلام : (( لَتَتْبَعُنَّ سَنَنَ مَنْ كَانَ قَبْلَكُمْ شِبْرًا شِبْرًا وَذِرَاعًا بِذِرَاعٍ حَتَّى لَوْ دَخَلُوا جُحْرَ ضَبٍّ تَبِعْتُمُوهُمْ قُلْنَا يَا رَسُولَ اللَّهِ الْيَهُودُ وَالنَّصَارَى قَالَ فَمَنْ )) متفق عليه .
.
نسأل الله العفو والعافيه والسلامة .. آمين .

اولا الشيخ هذا هو سعد الحجري عضو الافتاء في منطقة عسير ومصرح له بالافتاء من هيئة كبار العلماء
وثانياً السؤال محدد عن مشاهدة المباريات للنساء فايش دخل المسلسلات التركيه والخليجيه
ثالثاً ارجوا احترام المشايخ وان اختلفنا معهم في بعض الامور

تجمع زعيط عمعيط عنطاط الحيط ماذكرتكم كلك روافضه ملاعين من عمد حجب ومن حرض مجوس روافضه ملاعين نفر نفر

يا اخواني ويا اخواتي هذا فضيلة الشيخ سعد الحجري مفتي المنطقة الجنوبية رجل فاضل وقد أصاب في ما قال فاتقو الله واحذروا من سب رجال العلم و الدين

الله يهديك ياشيخ حكمة على الحريم بهذه الطريق اتق الله

عاد وانت شيخ تقول هذا الكلام

بكره يطلع ينفي يقول مدبلج صوتي ماهو انا

لو كان هذا الكلام قبل ثلاثين سنة كنا يمكن نقول صادق لعدة اعتبارات

أما الآن فالمرأة بإمكانها مشاهدة ما هو أكثر من فخوذ اللاعبين بكل يسر وسهولة

ودون عناء وهي في بيت أهلها وبين أربع جدران

اغلب البنات صحيح ما لهم بالكورة ولا يدرون عنها وما يشجعون الأندية إلا بسبب جذب

اهتمام الشباب على الأقل يلقون شيء يسولفون عنه قديماً وبشكل أقل عن طريق

المنتديات والآن وبشكل أكبر وملفت للنظر عبر تويتر

والله ياشيخ ماندري هو فيها ولا ف الخيشه يمكن عشان يشوفون الطرثوث بس شكلك منت ببعيد عن عبدالله بالخير

ياشيخ اللة يهديك شفت الكورة والمراة ماهمها الا النظر لفخوذ الاعبين .
ماشفت الافلام التركية والخليجية وش من لبس .وش من دلع . بدل
اتهام النساء . ادعو من منابر المساجد بالهداية والثبات لابناء وبنات
المسلمين . الاجهزة الاكترونية تصل الى المدى البعيد ياشيخ . يحفظك ربي

متابعة الرياضة وخصوصا كرة القدم توضح مدى ضعف عقل الشخص المتابع ان كانت المتابعة مهمة له وبجنون دل ذلك على الضعف الشديد في عقل هذا الشخص .. فلاتوجد فائدة واحدة ترجى من متابعة الكرة عدى تضييع الوقت والانشغال بما لايفيد ..

شيخي بارك الله فيك لا يجوز ان ينظر الرجل لفخذ اخيه المسلم وفيه نص حديث شريف ينهي عن هذا الفعل
فلماذا تنظر انت وتحلله لنفسك وتحرمه على النساء حتى انت شيخي مايجوز لك النظر
ولما رواه أبو داود وغيره أن النبي صلى الله عليه وسلم قال: “لا تكشف فخذك، ولا تنظر إلى فخذ حي أو ميت.”

لله درك من شيخ ولا عزاء لاصحاب النفوس الهابطه !!
.
كذلك يا شيخ / الرجال اللي قاعد يناضر ( عرض الازياء النسائي ) والبنات رايحات جايات على المسرح وش يبي بالضبط !!
.
اهاااااا يبي يشوف احلى ( فستان / تصميم ) ويهديه لزوجته .. ^_^

والله انك صادق ايش عرفه و النوايا الله أدرى فيها..

غباء يمكن هو همه كذا

الله يجزاك خير يا شيخ وجعل والديك للجنة قول كلام يخش العقل اي فخوذ الله يهديك اذا الوجيه ما تنبلع وشلون عاد الفخوذ استغفرالله العظيم

ههههههههههههههههههههههههه

وكيف عرفت او دخلت بالنو ايا … انتبه لبناتك واترك بناتنا لست وصي عليهم وثقتنا كبيره فيهم

اشوفها ولا ادري عن افخاذهم
سلاااامات اشوفها عشان افخاذ
الحمدلله والشكر بس

يعني المرأة ماتتابع إلا عشان افخاذهم الله ومن هالافخاذ
هههههههههههههه

يعني المرأة ماتتابع إلا عشان افخاذهم الله ومن هالافخاذ
هههههههههههههههه ..

ههههههههههههههههه فضييييع هالشيخ ،،، طيب اعرف طريقه اسهل اذا وحده تحب تتفرج بجسم الرجال ،، في اختراع ياشيخ اسمه انترنت يطلع كل شي ههههههههههههه من زين اللاعبين ومن زين اجسامهم وربي موتني ضحك

ياأمة ضحكت من جهلها الامم …؟
كلام فاضي ..؟

الحمد لله اني محضرت خطبتك سب جد بكلمتك هاذي اشتهرت ولا اول مرة اسمع عند يقول المثل خالف تعرف ونت جبت شي خلا احساس الماس تحرك بالسالب والموجب

الهنوف اقول ارحمينا وش صادق سوقيها بس

الله يهديك بس ،،،

اي والله وهو صادق …وش معها من مشاهد المباريات ..مامعها ايشي فايده ابد

اجل خلوهن يتفرجن على برامج نسائيه ولا تحشرونهن غصب يتفرجن على المبارات لان حضرات الرجال حتى التلفزيون بالبيت مسيطرين عليه بالكورة ارحم النساء محبوسات وحتى التلفزيون مبارات يوم يسولفون لى الشباب اقولهم اشترى تلفزيون ثانى وارحم هالمسكينه خلها تفرج على برامج ومسلسلات تخصها

ههههه امااا يارجول اهلي كلهم اعزمهم يتفرجون ع النصر والعفسه علي هههههههههه