الإسكان تدعو المقبولين في المرحلة الأولى لإعادة تأكيد اختيار المنتجات

طيب يا جماعة ويلي ما عاد يبغا من وزارة اﻹسكان شيء..ملينا من اﻹنتظار كل يوم وعود بلا فايدة؟؟؟

سلموا الاسكان وزارة الاسكان الاسرائليه وسترون خلال اشهر بحل مشكلة السكن في السعوديه والى الابد لان اسرائل تبني مستوطنات للاسرائليين بشكل سريع وعلى اعلى المستويات

ههههههه الحمد والشكر لله. على فضله. عندي بيت ملك وقاعده ارممه ولاني محناجه. انتظر الاسكان الله يغنينا من فضله بس. يشهد الله انه يحز في نفسي الناس الي مستأجرين. وخاصخ الي رواتبهم قليله

قدام يارجال اقسم بالله اني مليت من الحياه الوصخه هاذي وصلت 35 سنه لازواج ولا بيت ولاحياه زي الاوادم

كلامك صحيح 100% وازيد على كلامك شوف المشاكل اللي تجيك من ورا الشقق من ازعاج جيران او يجاورك شخص عنصري او متشدد او منحل اخلاقيآ الخ .
ساعتها وين تروح منهم لو ان الشقه ايجار ماهي مشكلة تنقل لمكان آخر وتنتهي المشكلة لكنها ملك ولا تستطيع تأجيرها لأن نظام الإسكان مايسمحلك بتأجيرها او بيعها الا بعد عشرة سنوات من تملكك لها .
واضف الى ذلك مشاكل البنا التعبان لمثل هاذي الشقق من تسربات وتشققات بعد فترة بسيطة قد لا تتجاوز 6 أشهر وحلني لو احد من الاسكان طالع فيك ولا عبروك هم ماصدقوا يخلصون منها تجي انت تنشبلهم كمان بعد ما وقعوك فيها .
خلوكم على اختياراتكم الأولى والصبر زين يا اخوان دام الشغلة صبر في صبر .

صبرجميل والله المستعان على ماتصفون..والله ماعندكم سالفه ازعجتونا وازعجتوا خلق الله وذلك لتٲكيد اختيار المنتجات طالما اخترنا المنتجات مسبقٱ لماذا لايتم اعتمادها وخلصنا قسم بالله ماعندكم ٳلا الفضاوه واستحداث ايقونات جديده فقط. كلامكم وكثر تصاريحكم لاتسمن ولاتغني من جوع اللهم تخدير المواطن واشغاله بٲمور تافهه. لكن العوض من الله ماعاد نبي منكم شيء ذليتم خلق الله واشغلتونا بكلام فاضي وغير مجدي

يمحمد الخير وافر وبلدنا فتحت له كنوز الأرض ومن بالجوار يشهد بخيراتها طال الغرب والشرق والعجب هله تحت قاع خط الفقر و80% من شعبه لايمتلكون مساكن مال ما عز هله بلاه خذنا الصيت ولغيرنا خيره

شكرا لتبليغ والتوضيخ اخي القررشي …..الاسكان وما ادرااك كما الاسكاان ياكثر كلامهم وياقل فعلهم مدرري والله ايش خاسرين لو يوفرون للمواطن مسكن مدام الدوله رعاها الله عندها مقدره واستطاعه هذي الوزاره يبغالها انسان يخااف الله في نفسه وماله لكي يرئسها…..ونحن نطل العون من الله ونؤكل امورنا اليه قبل وزارت الاسكاان…

خذوها قاعده وزارة الاسكان اي شي مصالح لتجار العقار يتنفذ على حساب ظهر المسيكين الموطن بعدين انت دافع دافع سوى للاجار او العقار حق الاسكان
يانك تاخذي شي لك ولزمن او خلك علي الاجار والله بيفرجها عليك اما اروح اخذ شقه
فارضينها علي علشان عيون التاجر انا الضحيه يانس خلو عندكم عقول يااخي انتظرو
الصبر زين رسوم الاراضي بتجي بتنزل الاراضي وخذ لك ارض صلح فيها كم غرفه اسكن فيها مو لازم فله علي مستوى مد لحافك علي قد رجليك حنا كلنا ودنا بفله بس ماجت علي الكيف

وطن مالنا فيه ولا متر في متر ابوها حال

يالله بالجهاااد ونفتك من الهم

ظال الكثان على ما كان وندور في حلقه مفرغه _ وعود في وعود ولعب بالمشاعر وإستخفاف بالعقول وكنك يبو زيد ماغزيت _ وأل 250 مليار لسكن لكل مواطن مودعه من 4 سنوات يجنى أرباحها _ ولا مواطن إستلم سكن أي مواطن _ ومجلس الشورى (ونزاهه) في سبات عميق كأن الأمر يعنيهم وطالما الحال على هل الحال نردد نقول ياليل مطوووووووووووووووووووووووووووووووووووووووووووووووووووولك

اخي الفاضل الوطن ماله ذنب تحمله تصرفات مسئولين باعوا ظميرهم للدرهم والدينار .
فكما انت ظلمت الوطن ايضآ ظلم مثلك منهم بل وأكثر مما تتصور انظر حولك واقراء مابين
السطور عندها سترى بوضوح الحقيقة المرة التي نعيشها ويعيشها وطننا الحبيب .
فلا تحمل الوطن فوق مالا يحتمل … تحياتي لك

انا شكلي بتظاهر لحالي كفايه اهانه وذل ياليتني مواطن قطري ولا اماراتي

السلام عليكم يا اخوان ويا اخوات ترا وزارة الاسكان هاذي اليومين قاعدة ترسل رسائل لبعض المستفيدين من السكن في بوابة اسكان تطلب فيه منهم تغيير اختيارهم مثلآ اللي كان طالب ارض وقرض او ارض او فلة يغيير طلبه الى ( قرض من اجل شراء شقة ) وهذا الاختيار مستحدث لم يكن موجود قبل ذلك فأحذروا من الوقوع في هذا الفخ .
لأن الشقق المعروضة من الوزارة هي شقق مبنية منذ فترة طويلة لتجار عقار طاحت هاذي الشقق في كبودهم وبالاتفاق مع بعض المسئولين في الاسكان للأسف حابين يصرفون هاذي (العلب ) اسف الشقق على ممن انطبقت عليهم شروط وزارة الاسكان في تملك سكن مستغلين حاجة الناس الماسة للسكن ( يعني المسألة لي ذراع ) .
احذروا يا اخوان ويا اخوات من تغيير طلبكم السابق فقد قمت بالاتصال على الرقم المجاني اللي حاطينه في بوابة اسكان من اجل ان استفسر عن هذه الشقق وعن موقعها ومساحتها وعدد ملحقاتها وجميع مواصفاتها رد علي الموظف بهذه الجملة قم اولآ بتغيير طلبك ومن ثم نزودك بكل تفاصيل الشقق قلتله طيب واذا جميع الشقق لم تناسبني مواصفاتها هل استطيع ان ارجع الى طلبي السابق قال لي بالحرف ليه هي لعبة تغيير الأن وترجع تعدل بكره قلتله لا والله اللعبه هي اللي انتوا قاعدين تلعبونها على المواطن وتستغلون حاجته للسكن وتفرضون عليه مساكن اقل مايمكن وصفها بعلب الساردين وكرتونية الخامات حسبي الله عليكم ونعم الوكيل وقفلت الخط .
فأحذروا يا اخواني ويا اخواتي من هذا الفخ لا تتورطون فيه ومن ثم تندمون حين لا ينفع الندم …… اللهم قد بلغت اللهم فأشهد .

هههههههه قمنا في الفلفه راح الاو ل وجاء الثاني. طيب احسن شي الواحد يدخل. ويكتب. ما ابغي منكم شي. والله خير الرازقين . وسوف ويشوف ايش يجيه من رساله

وزاره العنصريه والتفرقه الوطنيه
انا ابغى اعرف العزابي ماهو مواطن حاله حال المتزوج وله الحق انه يحصل على مسكن

اشوف قرض وأرض هي الأنسب خطط على كيفك

أو قرض وأشتر على كيفك