أدانت محكمة أسترالية اليوم الأربعاء رجلا مسلما كان زوج ابنته وهي في سن الثانية عشرة لرجل بالغ، بتهمة تزويج قاصر بحسب ما ذكرته هيئة الإذاعة الأسترالية.
وأضافت الهيئة أن الرجل 63 عاما لم يقر بالذنب في محكمة داونينج سنتر الجزئية في سيدني، ومن المقرر أن يصدر حكم بحقه في التاسع والعشرين من مايو، بحسب الهيئة. وخرجت القضية إلى النور عندما تم إلقاء القبض على الزوج 26 عاما في فبراير 2014 .وكان الزوج قد حاول تقييد اسم الفتاة في مدرسة بعد زواجهما الذي تم في مراسم إسلامية بمنزل والدها، وتردد أن الفتاة خضعت للعلاج من تداعيات الإجهاض بسبب الحمل خارج الرحم.
التعليقات
وبعدين زواج البنت يعتمد ع عقلية الرجل …وبعضهن تفضل العنوسة ع ان ترتبط بواحد طعسي او متشدد بالدين او متحرر مايفرق بين الحلال والحرام ..او بدوي يقيس المرأه من ناحية البياض وطول الشعر،،،،نعم العزوبية للمرأه في هالحالة جنة جنة جنة لها .
شوف 18 سنة بنات قسمين …فيه بنات عند بعض العوائل البنت من سن 16 يكون تفكيرها تفكير حريم كبار بل بالعكس لاسمعت طاري خاطب يخطبها تفرح ….وبعضهن يوصل سنها الى 29 ماتحب المسؤلية وترى الزواج هم ولوية فتحب تعيش ع راحتها ويمكن بعضهن طفولتهن للحين ماخلصت ^_^ يعني ع مدى فهم البنت للزواج والمسؤلية الملقاة ع عاتقها .
صحيح كلامك الوحدة لازم تعيش عمرها بجميع مراحلها حتى تبلغ وتصير راشدة وتمتلك كلمتها على نفسها تقدر تقول لا للي ما تبيه وهذا حقها الشرعي كفله لها الاسلام والسن المناسب للبنت والشاب بعد هو سن ٢٥ وفوق الكل لازم يكون عاقل وبالغ وراشد ويملك قرار حياته والله يوفقك يارب
ياجماعة طفلة بعمر ١٢ سنة هذي بسن الطفولة مو سن الرشد خصوصا في زمنا هذا هذي جريمة بحق الطفلة البريئة وذنبها برقبة ابوها وأمها وحتى زوجها اجل رجال عمره ٢٦ يتزوج طفلة عمرها ١٢ سنة وين التوافق بالسن والرشد والنضج صحيح امهاتنا تزوجوا بالعمر هذا بس هم زمانهم غير زمانا حتى الشباب ايام زمان غير شباب الزمان هذا اول الواحد عمره ١٢ سنة رجال ويقوم بالبيت وراعي مسوؤلية عكس شباب هالأيام صحيح البنت تبلغ بعمر ٩ سنين بس عاد مو معناتها انها ناضجة وراشدة مثل الولد يعني الولد يحتلم بعمر ١١ سنة او ١٢ سنة بس مو معناته انه راشد وناضج ويصلح يكون زوج ويتحمل مسؤولية بيت وعيال هو يبي تربية ورعاية نفس البنت هذي طفلة تبي من يربيها ويهتم فيها مو تصير زوجة و تربي أطفال الحمدلله انهم قبضوا عليه وان شاء الله يتحاكم هو وأبوها الله يكون بعونها
١٧ اخر سنه بالثانويه وين مع العابها تلعب سلامات
١٢ و١٣ انا معك.
رايي ان احلا عمر لزواج البنت ١٨ سنه.
بهالوقت من اللي يجوز بنته ع ١٢ او ١٤ او ١٥ هذا كان اول صح يزوجون البنت وهي صغيره رغم ان الرجال الاوليين اقوي واشد بأس من رجال هالوقت الا انهن اصبرن وواجهن مصاعب الحياه بكل قوه ولا ضرهن شي. امهاتنا تزوجن ف عمر ١٢ لكن ف هالوقت الحالي ماتلقي احد يزوج بنته ع ١٢. لان كل جيل له ناسه ووضعه هذا الفرق ف كل الموضوع.
يالطيف
12_13_17 المفروض تكون البنت وقتها تلعب بألعابها وتشاهد افلام الكرتون ….الا تعلمون ان اقحام البنات في سن الطفولة او المراهقة في موضوع الزواج له عقد لاحصر لها بالمستقبل ..فبعض البنات تهاب وتخاف وترتعب من موضوع الزواج فعندما يعرض الاب او الولي عليها الخاطب وترى ان الاب والام والكبار موافقون ..توافق هي لاشعوريا غير مدركة ..مامعنى التكافؤ بينها وبين الزوج …ومدى توافق عقلياتهما …لأن البنات خلقه يخافون من هالمواضيع …فتتزوج وتعيش مع العقد …فإما تعيش فترة وتعود مطلقة ….او تكون زوجة ساذجة لاتستطيع ابداء اي رأي خوفا من الرجل الزوج ..فتصبح سلبية لاقرارات لها سوﻻ السمع والطاعة …او شخصية معقدة تسرب عقدها الى ابناءها مع التربية ..لذلك مااكثر الابناء والبنات الذين لديهم عقد نفسية نتيجة الوالدين .
،،،،تكفي الصورة تعبر عن كسر خاطر لن يجبره اي جابر ،،،،
الله يوفقك يافوفو بردتي قلبي تعليقاتك تعجبني واصلي
نعم كلامك صحيح هي طفلة ولا تعرف معنى الزواج بس الهمج من الرجال ما يفكر الا بالشهوة الشيطانيه اللي تسكن كل جوارحه والا الشرع حلل للبنت البكر مشاورتها وأخذ موافقتها بالزوج ليومك هذا فيه بنات يتزوجون غصبا عنهم وبدون رضاهم مع انه حق كفله لها الاسلام انها تقول لا بس وين اللي يخاف الله والقصص كثيرة تذكرين البنت اليمنية اللي ماتت تزوجت وهي صغيرة وماتت وبعدين الحمدلله اللي الله سخر لهالبنت سلطات تحميها قبل ما تموت فرج من ربي والله ان شاء الله ينقذها من هالزواج المحرم وبعدين هذا عمره ٢٦ ياخي تزوج وحدة فوق العشرين الا طفله استغفرالله العظيم بس
ماتوصل لهيك تحسبين وحالتك حاله.
حنا نقول فيه بنات يبلغن ع ١٢ وفيه بنات ١٤ و١٥ وين المشكله طيب
وفيه امثله كثيره ف مجتمعاتنا. لاتندفعين هدي شوي.
يبدولي انك انتي الطفلة في تفكيرك الهمجي المتخلف والمتحجر
لا ويوزوعون علي طالبات المدارس حبوب منع الحمل ماعندهم مشكله بس مدام مسلم لازم يسوون فيها حقوق انسان وقاصرات
حسبي الله عليكم ياناس هذي طفله ياهمج يامتحجرين يامتخلفين ،،، ذبحتونا بتزمتكم وهمجيتكم ،،، البنت تبيعونها كنها عبده وجاريه ،،، خافو ربكم ،،، اللي علقو تعليقات مؤيده قولو يارب الله يجعلها في بناتكم وتتحسرون عليهم ،،،
بنته وهو حر فيها … يا افسد خلق الله ……….
حرمه ماعندها مشكله بس انتم تكبرو موضو
اتوقع من القرى
طيب وليش يحاكم. علشان رضي لبنته الحلال واستر. والحرام عندهم عادي
طيب يمكن ١٢ سنه وهي بالغه تمام البلوغ وين المشكله.
من هالسنين امهاتنا تزوجن ف نفس هالعمر. بالنسبه للمراه ممكن تبلغ من سن ١٢ – ١٣
سبحان الله العظيم
الحين يوم انه زوج بنته وهي صغيره طلعوه مجرم وبناتهم يحملون خارج نطاق الزواج وهم في سن صغير جدا ويمكن اصغر من 12 عام ولا احد تكلم ولا حاسبوا احد
انا ما أأيد زواج القاصرات ولكن لابد من العدل في الحكم والبعد عن العنصرية واتهام الاسلام بالتخلف والعنف والارهاب
الله ينصر جنودنا البواسل على عدوهم
حاكموا الشاب الي ماقصر مع هذه القاصر
سبحان الله العظيم ..
ملاقيف ، مالهم وماله او على شان انه مسلم ……..
ياااااربي أعوذ بالله !!
اترك تعليقاً