استياء مواطنين من “ساهر” وطريقته في التخفي لرصد المخالفات المروريه

كفو

لا خلاص الواحد يفكر ان ساهر غلط ماهمه اذا خسر نفسه

إذا ما خالفت واتبعت أنظمة السير ما يستطيع ساهر سحب ما في جيبك .

هذا التصرف من ساهر هو الصح … لو علم المخالفين المكان المُعتاد لساهر لكان الانضباط فقط في تلك الأماكن .. وبعد تجاوزها تعود حليمه لعادتها القديمة .

اعجب كل العجب لمن يدافعون عن ساهر ويصدقون ان ساهر قلل من الحوداث كما يدعون ويقولون ساهر وضع لزرف المواطن الغلبان اما المواطن ساهر وضع بطريقة مقززة لنهب الجيوب واتعاب العقول بحجج واهية فقد رأيته يختبي حتى بين الاشجار وبراميل النفايات يقول البعض نحن شعب لا نحترم النظام واين النظام في ساهر ففي الشوارع سرعات تختلف فهل يعقل ان يكون في شارع واحد سرعة 70 في تزيد الى 80 ثم تنقص الى 60 ثم تزيد ثم تنقص وفي نفس الشارع أي نظام هذا لا والله انه في طريق بين مكة والمدينة في الحج يختفي في الجبال والاودية وكل 3 كم ساهر ولا تدري اين هي تقولون انكم لم يؤذيكم ساهر اما انكم لا تسيرون في نفس شوارعنا او ان فلوسكم واجد ساااهر نظام لسرقة الجيوب وليس لحماية الانفس وافهم يا فهيم

اتفق معك
لكن بالنسبه لساهر صار ك ضريبه طريقيه علی طريقتهم لان فيه طرق كثيره لسلامه غير استنزف الجيوب.

الله يفكنا من ساهر

اطالب بنشر كاميرات ساهر على طول الطريق و في كل الحارات و الازقه و الشوارع الضيقة لانه عندنا ناس لما تركب السيارة يجيها انفصام في الشخصية و يحسب نفسه كابتن و راكب طياره
ياخي كل يوم حوادث موت من السرعة و تجاوز الاشارات الحمرا
انا واحد من الناس ما صادني ساهر الا كم مره و سددتها و الحمد الله الى الحين ما جتني اي مخالفه
بالعربي امشي عدل يحتار ساهر فيك
عندنا شعب ما يحب و لا يطبق ولا يطيق شي اسمه نظام ما يطالب بالنظام الا اذا النظام يخص الاجنبي بس

المواطن يقدر يخلي ساااهر يخسر باحترامه للأنظمة المروور

اقولها بالفم المليان

ساهر ماوضع لسلامتي

ساهر وضع لسرقتي.!!!!!

اما نسبه لساهر غير مقبول عندنا لان طريقة وضعه خاطئه
اما الي يتكلم ويدافع عن ساهر هذا انسان يحب نفسه لا حس ضروف الناس معقوليته الله بالخير ينقص نص علبه ساهر اخطائه شنيعه الان شارع سريع سرعته السياره المفروض اقل شي تكون تسعين يقومون يضعون سبعين وين الحق والعدل انت كذا سببت حواث وسببت تعطيل سير تعتبر مخالفة للانظمه لانك عطلت اسير
اشي الاخر تعطيل العداد التابع للاشارات دائم تتواجد في الشوارع المقتضه بزحمة السيارات وضع سيارات ساهر خلف بعض او مسافه قصيره وحيان تكون 8 سيارات
مسافه خمسة كيلو احيان متين متر عن السيارة الاخره وضع السيارات على الارصف
السرعه من سائقين ساهر الاعطال الكثير في ساهر الي تحسب سرعه على المواطين بسبب عطل في ساهر اقل من المطلوب في السرعه الكلام كثير في ساهر
مالكم الى الصبر بالتوفيق

بصراحة شيء يفشل

أهم شئ الغرامة لا السلامة

تجسس لا يجوز ..

ساهر وضع لجباية الاموال من المواطن لصفاء ابو السعود لذلك لازم يختفي كي

يرصد الكثير والا كيف يستفيد صالح كامل من المشروع

سرقه في وضح النهار

والله اجل مستأئين من ساهر وليه ما تستأئون من نفسكم وسرعتكم ومخالفتكم ومضايقتكم للناس .. مدري هذولي بأي وجه يتكلمون ؟؟؟؟ خلي ساهر نظام جباية وسرقة فلوس انضبط في سواقتك والتزم بالانظمة ولا راح تهتم لا من ساهر ولا ماهر منيتي يكون ساهر بكل شارع واشارة وسكة وحارة .. قسما بالله انو الواحد كره يطلع من بيته من يالي يشوفه بالشوارع عالم مريضة لا تحترم طريق ولا تحترم احد وكأن الشارع ملك لابوهم .. سرعة وتجاوز وقطع اشارة .. يالبى بس البحرين ونظامها قطع اشارة 5000 الاف ريال وشف كيف الناس متأدبه هناك ولا دبي ونظمها .. الا حنا فوضى في فوضى لا ولهم وجه يتكلمون ويستأئون من ساهر .. انت وهو وهي امشو عدل يحتار ساهر معاكم غير كذا مالكم غير المخالفات يالي تقص رواتبكم لين تتأدبون

واالله مافكرو في سلامة المواطن والخوف علية فكرو كيف نسرق المواطن غصب عنة

يعجبني نظام ساهر في قطر هناك أنت وعقلك وظميرك أنت مراقب في قطر على الطريق كل عشره كيلو والنظام وأضح أمامك ليس كما هو معمول فيه لدينا بالتخفي خلف الأشجار والجبال وطعوس الرمال هذا النظام مهمته جمع المال وليس سلامة مرتادي الطريق أو الحد من سرعنهم

اقسم بلاه ان ساهر قليل في سواقتنا الطائشه والغير عقلانيه في شوارعنا وانا واحد من الناس اللي اذا ركب السياره ومشيت تقل يركب عفريت نبغى نطير طيران
خله يعقلنا غصب عنا
خله يتخفى زي ما يبغى عليك بسرعه المحدده ومو شغلك يتخفى ولا ما يتخفى

النظام زين بس طريقة تطبيقة سيئه يبون يطلعون اللي بجيب المواطن باللي هي بوه

تبغاه يظهر لك لاجل ما تسرع
هو ساهر عمله يصيد المخالفين بدون ما يقول انا هنا

والله صادف

اولا.ساهر بطريقته الحالية له عدة سلبيات ومن رأيي انه ربحي اكثر من انه لسلامة السائقين.والدليل.بعض الاشارات كان فيها عداد الثواني للوقت المتبقي.وبمجردمايركبون فيها كاميرات ساهر يلغوالعداد!!!!؟؟وعندي اقتراح للمرور.واتمنى يدرسوه على الاقل.1-اي شخص تنزل عليه مخالفة مرورية.معاه مهلة30يوم اذا ماخالف ولامرةخلال هالمدة.ينزلون عنه المخالفة وهذا تشجيع عشان الكل مايخالف.ثانيا.زيادةالسرعةبين المناطق الى140كم.ثالثا.اي سائق تمضي عليه سنةكاملةوهولم يخالف يكون تجديد الرخصة والاستمارةمجانا.كتشجيع.رابعا.يكثفون دوريات المرورالسري مثل ماكانت قبل ساهر.لان بعض السائقين ماتنفع معه المخالفة مثل المراوغةبين السيارات والتجاوزمن الكتف(طريق الطوارئ)اخيرا.من رأيي لوطبقوهالشئ أكثرالناس راح يلتزمون بالسرعةالمحددة.وراح تقل الحوادث بنسبةكبيرة..

حسبنا الله ونعم الوكيل

ههههههه يلعب معكم

الله لا يوفقهم

هذا تعدى مرحلة الجباية إلى مرحلة القرصنة المقننة كما هو حال البنوك والعقار .

الله يعين ……

ساهر يسير والمواطن ينبح
والله ماحد درا عنكم