حملة تشجّع على “مثنى وثلاث ورباع″ في الجزائر

هذا القانون يطبق في تونس فقط
ام قانون التعدد في الجزائر مسموح

انا معه في حلات وضده في حالات

ويعينك بعد انت على نفسك كل شوي ناطلي كأني أكلمك انت بس وترا الكلام اللي قلته هو الصحيح 100% بس أنتم ماتحبون الحقيقة حتى لو هي شرع الله العدل هو أساس الحياة في كل شي والتعدد الله ربطه بالعدل وانتم ماتبون العدل بعدين العدل شيء الكل يطلبه ليش تتحسسون منه بالتعدد بس وباقي الحياة خاصة الأمور المادية تبون العدل ههههههه الله يهديك وتكون عادل ههههه

يافديت نعيمه بنت صالحي بنت رجال .

بس في شي بالخبر شدني : يشار الي ان القانون الذي سنته الحكومه وصادق عليه البرلمان قبل 10سنوات يمنع الرجل من أن يتزوج ثانية من دون موافقة الزوجة الأولى، أو الثالثة من دون موافقة الأولى والثانية، أو الرابعة من دون موافقة الأولى والثانية والثالثة. ( سلامات )

لا يعجبك العجب ولا الصيام برجب
الله يعينك على نفسك متحملة الشي الكثير

الله يوفقهم

والله اشوف التعدد شرع الله تعرض لتشويه بسبب الظلم وعدم العدل مثله من شعيرة الجهاد شعيرة عظيمة شوهها ناس خارجة عن الدين والملة ويقتلون ويغتصبون بداعي الدين ونفس الشيء بالتعدد الناس اخذت التعدد انه إشباع للرغبات فقط دون مراعاة مخافة الله بالزوجات والأبناء صحيح التعدد اساسه العدل بس وين الرجال اللي يصلحون للتعدد الواحد ما يصلح زوج لوحدة كيف عاد زوج لمثنى وثلاث ورباع اذكر مرة كنت جالسة عند اخوي وحاط القناة على قناة صلة مدري الدانة المهم القناة فيها شيخ واخد اتصل بالشيخ يسأله عن حقوق الزوجات بالعدل عطاه محاضرة طويله عريضة وانا اسمع هو يقول العدل بكل شي بالمبيت بالنفقة بالسفر بالكلمة الطيبة بالهدايا حتى لو انت جبت لوحدة هدية وماجبت للثانيه او الثالثة حتى لو الثانيه ماتدري انك جبت هديه للأولى انت مسؤول قدام ربي العالمين انك ماعدلت حتى لو جبت عشاء من المطعم لعيالك من الاولى المرة الثانيه جب عشاء لعيالك من الثانيه ونفس السفر والعمرة العدل عدل طالما انك معدد لازم تراعي شرع الله والوضع ماعجب اللي قاعد عندي اخوي يقول هذا من وين طلعنا ولا بعد الجنية هذي قاعدة تبلشنا بالفلسفة وانا ناظرت فيه قلت له شرع الله فلسفة قلب القناة وقام هههههههه الوضع ماعجبه التعدد نعم شرع الله لكن مع العدل اللي هو الأساس اما ضرب الاولى بالثانية والا تحدي بين فلان وعلان والا ركض ورا الرغبات هذا حرام وتشويه لشرع الله والله يعين المعددين على مخافة الله والعدل بين زوجاتهم وعيالهم بعد

يعني انتي موافقة على التعدد

طيب. يا اخوان الحمله فينها مو في الجزائر ليش دايم الناس يسووون الشي نحن نتخاصم على العموم الله يوفقهم. ويسعدهم ولاشي ولازحمه. ولاخلاف وما يرزى ليتهم قريبين وابارك لهم. واعطيهم الصحبه

الانهزامي والضعيف هو من يحكم على كل تجربة جديدة بأنها فاشلة لمجرد أنه عاش تجربه مشابهة ، ولماذا أجعل من تجارب الآخرين عائقا و حكما مسبقا على خوض تجربتي الخاصة .
و أقول للتي تلقي دائما باللائمة على الرجال بعدم تطبيق شرط التعدد وهو العدل ، و لو كانت حقا منصفة مع نفسها وتجردت من الإنتصار لبنات جنسها ونظرت للموضوع بحيادية وعملت دراسة سريعة في مخيلتها واستحضرت القصص المسيئة التي تروى لها عن التعدد ..! لأدركت حينها أن المرأة نفسها وفي الغالب هي السبب الرئيس في تقويض العلاقات الزوجية وإن لم تكن كذلك فلا أقل من أن تكون لها جهودا لا يستهان بها في وقوع الظلم والقهر والضيم على ضرتها والأمثلة على ذلك لا حصر لها وكم سمعنا وشاهدنا من برامج تظهر المرأة _ومعذرة على هذا اللفظ_ في صورة شيطان ويتضح في نهاية المطاف بأنها المدبر والمخطط لكل ما كان يجري من أحداث شائكة بين أفراد الأسرة .
فالمرأة أحيانا على استعداد أن تخوض تجربة نهايتها محتومة حتى لو كان ثمن ذلك خسرانها لدينها كالذهاب للسحرة ..!
ولكن في المقابل لن تكون مستعدة أن تخوض تجربة مبنية على احتمالات نسبية ربما تخسر فيها دنياها بالظلم كما هو الحال في التعدد .
للأسف بعض النساء تكون مضرب المثل في الإصرار والتحدي في المنافسة الشريفة على المستوى العلمي ومن ثم تطارد التعيين وتصارع كل الظروف لتضرب أروع الأمثلة في الكفاح والنضال وتتحمل كل المشاق في الغربة والبعد عن أهلها لتتمسك بوظيفتها ، وربما ذهبت في بعثة لتبرهن على صبرها وجلدها في التحصيل العلمي لتصبح في نظر
الآخرين بأنها المرأة الأولى في العائلة وأنها الأفضل ، ثم وفي لحظة تضرب أسوأ الأمثلة في أمور كانت أولى بتوفير ولو شيء يسير من تلك المنافسة الشريفة و ذلك النضال
لتفسح مكانا لامرأة أخرى في حياة زوجها من دون أن تثير المشاكل .

المشكله مو في التعداد المشكله مافيه بنات يصلحون لزواج اكثرهم مدلعات ولا يصلحون ربات بيوت

ولكن للأسف الكثير من النساء إن لم يكن أغلبهن يتهمن الرجال وبالجملة بعدم تطبيق العدل ليبررن لإنفسهن هروبهن من التعدد وكأنها جريمة .
والله العظيم اغلب الرجال ظلمة يتزوجو 2 و3 و4 بيلحق على مين ولا مين

اللي تنادي بهالحملة شرط تقبل الاولى ويرصو فوقها ثلاثة

يااخ عدم العدل بين الزوجات والأبناء هذي مفسدة عظيمة وانا أفكر بعقلي مو بعاطفتي كيف اقبل الزواج من رجل يرفض تطبيق الشرع بالعدل أكيد هذا الشيء استجابة لامر الله مو مخالفة أبد خاصة فيه تجارب من الواقع عن تأثير عدم العدل بين الزوجات والأبناء وصل حد الكره والحقد وقطيعة الرحم حتى وصل الامر ان بعض الازواج يحرم عياله من الاولى او الثانيه من الميراث وهذا اكبر مفسدة بعد لانه يولد احقاد ماتنتهي بين الأبناء حتى بعد الممات يوصل الامر فيهم من شدة قهرهم وظلمهم يدعون على ابوهم حي ميت وعلى اخوانهم وكانهم كفار والعياذ بالله والله يكون بعون أبناء وزوجات المعددين اذا كانوا مايخافون الله فيهم ترا فيه قصص تعور القلب فيه كثير من الأبناء ماعندهم حتى أوراق وهويات والسبب عدم العدل وهجر الزوجات وانا وحدة أقول أكون بدون زواج ولا اتزوج زواج بالنهاية فيه ظلم لغيري ولعيالي واتحمل دعاوي مظلومين واعيش عيالي بصراع مع غيرهم بسبب عدم العدل بينهم وبين اخوانهم ترا الظلم ظلمات يوم القيامة ودعوة المظلوم مابينها وبين الله حجاب وبعدين ليه مثنى وثلاث ورباع هذا شرع والواحدة ماهو شرع الله ياخي ربنا يقول ( فإن خفتم الا تعدلوا فواحدة ) العدل هو أساس التعدد وهذا شرع الله وعدم العدل مفسدة عظيييمة والله يجعلنا ممن يستمعون القول ويتبعون أحسنه

كفو والله ……….

كفو أنشهد إنك خبير
والله كلامك و ردك في الصميم
ولا فض فوك

من السهل عليك أن تنصحي الرجال بمخافة الله وإقامة العدل بين الزوجات ، لكن من الصعب على نفسك أن تطبقي شرع الله في الرضـــــــــــا بالتعدد حتى مع ضمانة العدل وهذا بلا شك دليل على تقديم حظوظ النفس على شرع الله ، و لو اتخذتي قرارك بالزواج من شخص معدد ثقة بالله و استجابة لأمره سيكون بإذن الله زواجك من هذا الشخص خير لك حتى مع انتفاء العدل ، ولكن للأسف الكثير من النساء إن لم يكن أغلبهن يتهمن الرجال وبالجملة بعدم تطبيق العدل ليبررن لإنفسهن هروبهن من التعدد وكأنها جريمة .
حتى تجرأ المشككون والكارهون لشرع الله فألقوا في نفوس النساء الشبه بقولهم ولماذا المرأة لا تعدد مثل الرجل ؟؟ لتفضل المرأة بعد هذا أن تعيش عزباء على أن تكون ضرة وهذا من الشر المحض الذي يترتب عليه مفاسد عظيمة أكبر بكثير من لو أصبحت ضرة .

يازين شكل الحريم متحجبات الله يوفقكن يارب

شكل التجربة مرت عليك هههههههههه

هو شرع ماحد يختلف عليه بس وين الرجال اللي يخاف الله بوحدة وثنتين وثلاث وأربع وين الرجال اللي يعدل بين الكل سواء زوجاته او ابناءه وبناته في كثير معددين وأبوي واحد بس صراحة اعترف ان أبوي ظالم خالتي واخواني من أبوي لانه هاجرها من سنين واخواني ما يدري عنهم فيه كثير اعرفهم متزوجين اكثر من وحدة بس مافيه عدل بين الزوجات والأبناء بعد وهذا حرام وكثير من الناس يرفضون التعدد عشان هالظلم وانا وحدة رفضت عروض زواج من معدد بصراحة انا وحدة الحمدلله متعلمة واعرف حقوق ربي و كلمتي بايدي اللي يقول ابي الزواج بالسر عشان ام عيالي ما تدري هذا انا اعتبره غدر بالمسكينه واللي يقول انا ماعندي قدرة افتح بيت ثالث لان عندي بيتين ويالله الحق اصرف عليهم ابيها تسكن ببيتها وتتنازل عن نفقتها لانها موظفة وتقدر تصرف على نفسها بالعقل وش ابي برجال ما يقدر حتى يعطيني ابسط حقوقي الي هو بيت أقر فيه مثل ما امر ربي هذا غير اللي جاي يخطب ويقول ابيها ثانيه عشان اكسر راس اللي عندي استغفرالله العظيم تراهذي فيها إساءة لشرع الله اما عاد اللي يبي يتزوج ثانيه بس بطريقة المسيار عاد هذي حدثوا ولا حرج اللي يراعي شرع ويعامل كل اللي عنده بعدل مثل ما امر ربي عدل بكل شيء نفقة بيت عيال هذا هو شرع الله يامسلمين لاتشوهون شرع الله والله يوفق الجميع وبالنهاية شرع الله يقول ( وان خفتم الا تعدلوا فواحدة ). طبعا الخوف من الله مو من احد والله ييسر الحلال ويستر على الجميع

ياليتها حطت على كل طاوله قال تعالى ( وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا ) (النساء:3)
للاسف كثثثير متزوج ثنتين وثلاث واربع ويقول الشرع حلل واذا قلتله العدل بينهن يغير السالفه هذا اغلب اللي صاير عندنا
ولا احد ينكر اتزوج بس اعدل وخاف ربك مو تضير خاروف مع الجديده وتصير مسخره
اصلا بداية خرفنت الجديده اذا ملك وراح يصبغ الشعر اسود خاروفي خاروفي

الله يستر عليكم ياهذا الشعب العربي الاصيل
وربي الشعب اجزائري اطهر شعب ع وجه الارض
الله يحفظ الجزائر واهلها
واسالوني انا عنهم

كفوووووو عليها ………. وهذا شرع الله غصبا عن اللي ماترضى

يا ليت يطبقونها عندنا وتنحل كثير من مشاكل العنوسة
اللحين تنط نصيرة الارامل والمطلقات وتعترض
خخخخخخخخخخخ

منتي مصدقة عشان ما عندكم الجرأة تسوون مثلها و لانتم راضيات بالشرع ولا تعطون للرجال حقه ولا تعرفون كيف تعاملونه

هههههههههههههههههههه
مستحيييييييل

ياطيبها طيباااه , ليت احدى الأخوات هنا من اللي يعلقون معنا هنا تتبنى الحمله وانا بتكفل بكل المصاريف الماليه المتمخضه عن الحمله بكل تفاصيلها

هذى الحرمه السنعه