حذرت دراسة من أضرار الخمول في فصل الشتاء، وأنه قد يسبب مشاكل صحية لا تحصى لجسم الانسان، حيث كشفت الدراسة عن أن أمراض الذبحة الصدرية والجلطات القلبية تزيد في فصل الشتاء لعدة عوامل من اهمها تقلص الشرايين وزيادة لزوجة الدم ، وقلة الرغبة في الحركة وتفضيل الانكماش في الأماكن الدافئة.
وحثت الدراسة بعدم البقاء فترات طويلة تحت (البطانية) بل ممارسة رياضات مثل المشي وشرب المزيد من السوائل وأخذ لقاح الانفلونزا تجنباً لحدوث مشاكل صحية.
والإكثار من تناول البروتينات لأنها مسؤولة عن تكوين الأجسام المضادة المكافحة للميكروبات على أن توزع بين البروتين الحيواني الموجود في اللحوم والبيض والألبان والبروتين النباتي الذي يعتبر العدس والحمص والفول جميعها مصادر غنية له، كما نصحت بتناول الليمون والشوربة والأغذية التي تحتوي على البصل والثوم.
التعليقات
صادقه كانو الكبار يقلون بات دافي تصبح متعافي
يجي منهم اكثر
بس بهالزمن نعي تماما ان البركة بالوقت تلاشت فالرسول عليه الصلاة والسلام اخبر ان علامات آخر الزمان الشهر يصبح كانه اسبوع والاسبوع كانه يوم واليوم كأنه ساعة ووقت المسلم ليس كالكافر فالمسلم الآن لدية هالوقت منها تأدية صلواتة ونوافله واذكارة وقراءة القران كلها لاوقت ان يخمل الانسان ’’ وايام اول كان البدو يقومون من الفجر سواءا شتا ولاصيف ومايرجعون ينامون مو مثل هالوقت معظم العوائل نايمين الصباح , نايمين العصر , نايمين ليلا ؟!!!!!!!!!!! وان كان صاحين خمول عالتلفاز ,, لكن ع المسلم اقتناص الوقت لان وقتك من ذهب ,, ومنها صلة الارحام وعدم الانقطاع عن الجيران والرسول عليه الصلاة والسلا وصى بسابع جار .
هالخبر من قلب الحدث
هههههههه بطانية الصاله هذي المتحركه شي ثاني
هم يلمحون الى ريحة الواحد وهو منغمت تحت الفراش ١٥ ساعة وكل التنفس (السفلي) يكون بهالفراش
هنا الفراش ريحته تطرش واللي يطلع من تحته ريحته تزنخ اللي حوله
وفوقها يكون ضارب مرقوق ولا حنيني !!
الا تدفو زين وفكوكم من الدراسه ذي اهم شي الدفا في البرد وخاصه الايام ذي البرد بزياده يدخل العضم اعوذ بالله من غضب الله
تفكيرك تفكير بعير من ذوي الاحتياجات الخاصه
انا من الناس اللي يعشق النوم وقت نزول المطر وبقوه ,, طبعا هذا يعني ان الشخص انظوائي ويحب العزله قليلا فيبدولي انك انطوائيه تحت البطانيه ههههه
البطانيه بس بحدود الرياضه وخصوصا المشي مهمه تتحرك الدوره الدمويه وتتقوى المناعه ضد الامراض والانفلونزا مجرب هالشئ الله ماخلقنا نعيش لناكل وننام ولكن العكس خلقنا ناكل لنعيش ونكبر العقووول
مو نكبر الكروش بكرة لمن يعرس الواحد وكرشه 40 كيلووو بينحرج قدام حبيبته!!
انا من اسبوعين دخلت مرحلة البيات الشتوي
من بطانية السرير الا بطانية الصاله
يازين البطانيه. وخاصه لما يكون فيه ضباب وامطار ورعد وصواعق وعزف والله الواحد ماوده. يصحى. الى البطانيه ما نصدق فيها
هههههه ويا كثر الخرفشه في المطبخ سبحان الله في البرد كل شي مأكول بس مو كل اليوم نوم صعبه
اوما عاد , يازيد البطانيه اللي مقاس غاطين ويازين الانخشاش وسطها ولايطلع الا خشيمك لغرض التنفس ثم تجلد آبووووها 14 ساعه بلا حراك او كلام بعدها تقوم من تحتها لغرض الخرفشه داخل المطبخ بقصد انتفاع البطن من بعض المأكولات , هنا فقط ستشعر بشعور عظيم انك قد حزت الدنيا وانك تفكر حالك وزير او رجل اعمال كبييير
الصراحه في الشتاء يكثر الخمول ، وماالقومه من النوم إلا مجاهدة للنفس ، والحظيظ من يجاهد نفسه على الفجر ويؤدي واجباته .. اسأل الله ان يعين عليها .. اكثر الدراسات لاتودي ولا تجيب ، عليك باالتمر مسامير الركب فقط ..
يا شيخ اجدادنا ما سوو شي من اللي تقولونه و بخير
اي مشي و اي رياضه في 12 درجة
يا زين البطانيه بس
بعدين المفروض ذكر مصدر الدراسه و المركز اللي اجريت فيه و اي دولة
اترك تعليقاً