أثار فيديو متداول حول “مضاربة ضابط في احد القطاعات العسكرية مع موظف للاتصالات بالعاصمة الرياض، اليوم الثلاثاء ردود فعل غاضبة بين مستخدمي مواقع التواصل الاجتماعي، وتحديدًا موقع “يوتيوب”.
ولام عدد من المواطنين الطريقة التي لجأ إليها الضابط الذي يتضح من ملابسه أنه تابع للحرس الوطني، مشددين على ضرورة احترام “الزي العسكري” في كافة المواقع، بالإضافة إلى أن التعليمات لا تسمح بمراجعة الضابط أي دائرة حكومية أو خاصة، وفقًا لما قاله نواف منصور.
يأتي هذا في ظل أنباء عن بدء تحقيق رسمي من قبل الجهات الأمنية بالرياض في المشاجرة ، للوقوف على حقيقة ما وقع من كلا الطرفين.
ولم يتسنَّ لـ”صدى” التأكد من مدى مصداقية الفيديو أو مكان حدوث الوقعة وكواليس ما دار بين موظف الاتصالات والضابط الحرس، حسب تعبير الفيديو المتداول.
التعليقات
البدله شرف واللي موعاجبه يدور حايط ويطق راسه فيه..
الحين اللي شبو بالعسكري انتم تدرون من الغلطان ولا كذا مع الخيل ياشقرا، واحد علق من راسه الفاضي جيتو مدرعمين وراه ولا تدرون عن ملابسات القضية. بس عجبتني اخر كلميتين قلها” ملابسات القضية “مدري شلون طلعت
بالفعل انك جركل وماتفهم شي وشكلك صغير بعمرك روح نام يابابا
وشلون السجن !!!! طيب حط مكانك مكان الموظف ويجيك كف وبكس وانت على كرسيك يعني اللي افهمه منك خلك مستسلم وخله يمردغك مردغه !!!!نعنبو ابليسك حتى الحيوان ما يسكت ، الدفاع
عن النفس طبيعة وغريزة في كل كائن حي وشلون ترضى بالشي !!!!!
عجبني الي عنكر لضابط ولا كنه سوي شي هههههههههه
قصدهم بالزي العسكري
الله يلعن المخدرات
مايستاهل الزي العسكري الي اهانه بفعلته جاي للموضف في مقر عمله ويتفلت عليه
بشكل عام على القراء ألا يستعجلوا في الحكم !
ثانيا وبكل صراحة الكثيييير من موظفي الخطوط الأمامية – من يقابل الجماهير – يفتقدون للمعاملة اللبقة
خصوصا موظفي الخطوط السعودية وغيرهم وغيرهم بكل أسف لا يستطيعون أن يتحملوا العملاء ( يريدون عملاء على مزاجهم )
عكس موطفي الخطوط الامامية في الخارج قمة في اللباقة والأدب والاحترام
ولديهم قاعدة تقول العميل دائما على حق يقدسونها
صاحب الجنز الازرق اشتغل الضابط ههههههههههههههههههههههههههههههه ضرب ولكم وزبط ههههههههههههه
الي شايفينه ان الضابط هو الي انضرب بعكس الخبر.
تربة الضابط بمرسوم ملكي ولاتهان بهذه الطريقه يطرحونه ويهينونه برتبه تحت اقدامهم
اذا اخطا الضابط له محكمتان محاكمه مدنيه وعسكريه اما هذا الموظف كان عليه احترام
الموقف ونقل الموضوع الى مديره بدون انتباه الاخرين والمديرحريص على سمعة العمل والعميل . اذا وصلت للمحاكمه فلا بد ان يطول العقاب الجميع
لا والله يالبدلة ان لها احترامها غصبا عنك . ولا لما جاك رجل امن وطلب منك الوقوف وابراز الهوية لا تطيعة ومد يدك علية وتشوف لها احترامها ولا لا . اما ما حصل من الضابط او من غيرة فهذا غلط الشخص ما هو غلط البدلة البدلة تمثل الحكومة والشخص يمثل نفسة ويجب ان يحترم البدلة الي يلبسها قبل الاخرين…
مشكلتنا جميعن كعرب كل واحد يسوي نفسه فاهم في السياسة -الدين-العلم-لدرجة ان بعضنا يقول والله لو ما كنت مشغول عادي بأخذ اعلى الشهايد سواء في الهندسة الطب او في اي مجال في الحيا ولكن اتذكر مقولة عمر رضي الله عنه(نحن قوم اعزنا الله بألاسلام فأن ابتغين غيره اذلنا الله) واقسم بالله لو لم يرحمنا الله بالاسم لكنا زي الغنم (الحوثيين) لم نرضى بأي حاكم ولم نرضى بشي لكن الله يصلح الحال
همج همج همج الى متى الهمجيه هذى تخلف ماله حدوود
موضفي الاتصالات شايفين انفسهم
ابو البراء الله يهديك وش رتبتك انت اكيد جني ومعك مكافحه سلامات تكتب مشبك وحايس ام الإملاء
انا كنت موجود وقت الحادثه موظف الاتصالات اسمه محمد الزهراني والضابط من الحرس الوطني الحبابي القحطاني طلب الضابط استخراج شريحه وقام الموظف وقال انتظر وخذ رقم وخلك في السرى زيك زي غيرك وقال انا ضابط وانت تخدمني وقال نحن في خدمت العملاء ولكن امامك مراجعين وهنا زعل الضابط وسب الموظف واعتدى عليه وقام الموظف وضربه وحضرت الدوريات واخذتهم للقسم انتها لاحد يهايط كلنا في بلد واحد لا عسكري ولا موظف
العيب في مثل هذه الهوشات وخاصة من الزملاء
الامساك بالغريب وترك القريب بما يسمى المفارعة المصرية
المفروض كان ابعاد الموظف في جهة والعسكري في جهة أخرى
لكن اللي حاصل كانوا مجتمعين على العسكري والموظف حر ويهاجم من كل جهة
البدلة العسكرية والرتبة المفرووووض الي لابسها يحترمها قبل ما يطالب الناس باحترامه ولكل شركة نظام لوقصر الموظف هناك طرق نظامية لرفع الشكاوي واعتقد الضابط مايجهلها ولكن اخطأ جدا في تصرفه
90% من الضباط اللي يتخرجون مراهقين الكل شايف عمره حاكم دوله لاكن هذا جيل ابوحفاظه وانا متأكد لو كل ضابط حصل له لكمه
زي اللي شفنا بالفديو يتأدبون زين
مافي شي يوضح انه ضابط صراااحة ولكن في النهاية الظاهر العسكري مسوي فيها يعني اني وفي النهاية رجع ان ضرب من موظف الاتصالات الله يهدي الجميع
اللي يقول ان على موظف الاتصالات ان يحترم العسكري المشكلة العسكري ما أحترم نفسه واحترم البدلة التي عليه وبعدين موظف الاتصالات له الحق ان يدافع عن نفسه ومافي احد فوق القانون .
الذيب السرحان ,, ارحمنا من فكرك العجيب بريجعنا 1410
اللي يقل ادبه وفاكر انه بالبدله بيرهب الناس مصيره مصير الضابط المتكفخ
معليش الخبر معكوس موظف الاتصالات هو اللي
كمخ الظابط لكن فالنهايه سواد وجه
وخراب سمعه لهم ولمهنتهم
القوه للــــــــــــــــــــــــــــــــــــــــه
بالنسبة للضابط غلط والمفروض يتمالك نفسة قبل حدوث المشكلة لأنه لابس بدلة عسكرية وعلى كتفه رتبة ملكية .. أما بالنسبة لموظف الأتصالات فيجب أن تطبق علية أقصى العقوبات لأنه اعتدى على رجل أمن .. ورجل الأمن له احترامه وتقديرة إذا كان لابس البدلة فقط,,, لأن احترامك للبدلة يعتبر احترام للدولة (الحكومة) ولاينبغي التقليل من هيبة الحكومة
بغض النظر عن المخطي
لابد للمسلم ان يتحلى بالاخلاق
بس بالاخر العسكري اخذله شطفة حلوه
ع الاقل راج بثوبك وخلي عنك الهمجية !!
تناقز يمين وشمال عند stc
يلا جاك يا مهنا يا تتمنى
الله يصلحكم
الظاهر ان اللي يعلقون تعليقات مسيئة كلهم جنود ههههههه
موظف الاس تي سي في عمله مفروض يحترم نفسه ويحترم العميل ويحترم زي الدولة الرسمي
موطفين الاتصالات رافعين خشومهم مدري على وش انت تخدم العميل ووضعت في هذا المكان لخدمتي وبفلوسي لابو ذا الوجيه اي والله شين وقوي عين
99% من الضباط رايحين فيها وشوفة نفس وكبر وأغلب العسكر هم من سمح بهذا الشيئ فالطاسه ضايعه من زمان ولا له حل
ياشباب اشوف اغلب التعليقات مؤيده ومعارضه على الطرفين ولكن كلمة حق الضابط غلطان 100% ويستحق ماجاه الشي الثاني اللي يقول هذي قويه في حق السعوديين ترا الي ضربه سعودي وبكل صراحه الضباط مغرورين ويستغلون الرتبه الا على كتوفهم والمفروض يكون في حزم لكل ضابط يستغل الرتبه
انا كنت في الحرس الوطني جندي واشوف الضباط عندنا خصوصا المبزرة الي توهم متخرجين قسم بالله يبي لهم دورة بالرجولة وبالاخلاق وبالتعامل لان هالاشياء موب عندهم هذي كلمة حق لازم اقولها
غبني ي المارده
بعض هالعسكر من يلبس البدلة يصير متوحش ومتسلط ومااحد قده .
للاسف الضباط عرض نفسه للاهانه ولا هو كفؤ والموظفين تجمعو عليه ولا هي مرجله بما فيه صاحب الجنز يضرب مع الموظف اعتداء على ضابط مفروض ماتمر مرور الكرام
اين هيبة الرتبه لابد من تاديب موظفي الاتصالات واعطائهم دوراة في فن اتعامل مع الناس من راجعهم يجد الواحد راز خشمه تقول ابليس قدامك ودك تفرك خشمه فرك
العسكري يبي موظف الاتصالات يخدمة بدون مايمسك دور او رقم يقول اخدموني ماني فاضي انتظر اقطع واخس يالعسكري بس موظف الاتصالات عرف كيف يمسكه الدور صح حتى ماحترم البذله الي لابسها المفروض يكون قدوه
مطلق العتيبي ٱحبببببببببببببببببببببببببببببك
هههههههههههههههههههه
ممنوع دخول الضابط الدوائر الحكوميه بالبس الرسمي
ليش ممنوع
مايشرفكم البس الرسمي غيروه
ليش هالحساسيه من مراجعة الضابط بلبسه الرسمي
الطبيب عادي السكيورتي عادي لكن الضابط ممنوع نبي الحكمه وشي؟
غروك بنجمه ليه مال لبسوك تاج من عقب قصر يديك صارت طويله
عسكري جاي مشخص بالبدله يعني شوفوني ضابط اخس واقطع بس
ومنو قالك انه ممنوع ان العسكري يراجع الدوائر الحكومية بالبدله ومن وين تجيب انت الاوامر … وبعدين روح شف اغلب الدوائر الحكومية من تعليم ومن استقدام ومن جوازات وبنوك ومحاكم وكتابات عدل الخ …. اغلبهم مراجعين عسكر بالبدله منهم ضباط كبار وصغار وصف ضباط ولكن كلمة انه ممنوع هذا غير صحيح ولم يصدر شي رسمي من الجهات العليا بهذا الخصوص وتمتم .
اول شي كلنا مسلمين وهذا نزغ من الشيطان …. ولا يستاهل الموضوع علشان ايش علشان رقم والا راوتر …. الخ
اذا كان النظام لا يسمح باي شخص يرتدي الزي العسكري بمراجعة الدوائر الحكومية او الخاصة ، فالعقاب الكامل لرجل الامن .
ومن حق موظف الاتصالات الدفاع عن نفسه لانه في المقطع لم يبحث عن الرجل بل العكس واقف مكانه وكان رجل الامن هو من يبحث عنه …
وشكرا
ههههههه وش التعظيم للبدله الحمار يراجع بالزي العسكري ومخالف النظام يو ماحترمها من الاصل اقصد البدله والامر الاخر في مدير يتكلم مع رئيس الموظف ولا يحتاج للهمجيه اللى سوها بالشركه والامر الاخير عظمة البدله وهي عباره عن خرقه ونسيت الاحترام الذي لا بد يتحلى به الانسان والله انك عسكري ياساحر والسلام
حبيبي اذا كان تري العسكري من حماة الدوله في الحرب والسلم فالمدنى ايضا من رجالات التوله وموضفين الدوله انا انتقد العسكري كنظام شديد خارج الانسانيه ولكن الله يحفظ ها البلد قول امين
في بعض العساكر يرى حاله فوق القانون ولا يحترم احد لا من أفراد تحت رتبتة ولا غيرهم وعلى مزاجه كل شي نسى انه يعمل في الدولة ولخدمة الله والوطن وفيه عساكر محترم وفرض احترامه ويعكس صوره جميله عن رجل الأمن ولزم يعطون دوراة كيفيت التعامل والاحترام لإ أفراد المجتمع وهم واجهة الوطن ولزم يكون هناك مكان لكي تقدر تشتكي على الي يقل احترامه او قانون يحمي من هذه الأحداث وأبشع صوره العسكري الي ضرب الحاج في الحرم وهناك صور تمثل رجال الأمن في الاصاله والتضحية والأشياء الإيجابية كثيره وبعض الردود مع الأسف فهي تمثل شخصيته قل خيرا او اسكت وأرجو من صدى ان تظهر المداخله
اضحك وانبسط ابو نير سيان الظابط مهما كنا يبقى حامل اردى ملكية غصبن علي وعليك وبالنسبة للتزحيف صح لو يأمرني بزحف ولو يعطيني امر ازحفك نفس الموال بخليك تزحف بلبسك المدني الي اتوقع انه طيحني على العموم امش سيدا وكلم تمر تلف وتدور بتنداس
انت شكلك معارض وتكره من يقبض عليك
اللي هم العسكر يازلابة ..
لكن سياتي يوم ونشوف فيه وجوهكم يافتنة
المسلمين .. وش هالحقد على العسكر ..
يب العسكرية حسب مااعرف انها كذا ..
رغم اني مو عسكري ..
وبعدين انا مادافع انا اقول مايصير نشوف
البدلة العسكرية كذا تنهان .. وهذه اهانة لكل
السعوديين .. فلابد اننا نعتبر اهانة العسكر من اهانتنا
لانهم هم من يدافعون عنا ..
ههههههههههه لو انك موجود كان زحفك الضابط على وجهك وتداااافع عنه
ياساحر شكلك عسكري برتبت جندي ومااشره عليك عندكم فوبيا من الضابط يصبحك بتثبيته ويزحفك بالميدان واتحدى اى فرد يدافع عن حقه ويختصرها انصرف ياعسكري واذا طلع لزملاه الافراد قال والله ماتطلعت الا بعد ماخت حقىوهو كتم انفاسه بكلمه اثبت وخلاه زي الدجاجه
عز الله لو كنت موجود ما يجتمعون هؤلاءالحشاشين على رجل الامن ثاني شي بعض الردود سواء من مواطنين او اجانب اذا كانت الدعوه بالطانخة فعسكري بثلاث زلايب من اشكالاكم واعني ما اقول واخيرا الي محترم نفسه بيعيش كنق والي مسوي مشاكل نأدبه في المركز ويعلم الله اني من افراد الداخليه
تلايط بس .. ترى الضابط ذا يحوس
مريرتك .. هذا ولد ناس ويحمل رتبة ملكية ..
مو بمثلك يحمل رتبة شوارع اللي واضحة
من كلامك .. وان كان موظف اتصالات يخوفك ..
ترى هذا الضابط ومعه باقي العسكر .. يحمونك
بعد الله من الاعداء يارخمة .. مبطبط شطاياك تحت
المكيف وهو مسكين يدافع عنك .. عزالله انه حلال
شحطك بسلك الين تسترجل .. ياضبعة ..
منظر من مناظر التخلف احترم الناس تحترمك افرض نفسك بااخلاقك وتواضعك لاتغرك النجوم والرتب اليوم تشوف نفسك وبكره تبكي والله مايضيع حق احد عيب عيب
نعنبو من انت رخمته يهالضويبط مسوي نفسه قوي وفالاخير كمخه الموظف ههههههههههههههه
الضابط عرض نفسة للمشكلة والاهانة وقع بين حونشية الاتصالات وبعض المراجعين ودقوة دق صحيح الرجال الاسود الي شات الضابط وبعدين اعطاة بكس على راسة هذا ويش يكون من الاتصالات ولامراجع ولا حرامي ولا مجرم
اللحجي اللي لابس جنز خكري من جد يطق ويبعد …
بالله من جدك اقول سد فمك لا يجيك موظف stc يمردغك زي ضابطك ههههههههه.
سبحان الله ، ما اذكر هالأوامر قبل اتقاعد!
اللي متأكد منه انه ممنوع للضابط أو الفرد
الذهاب للأسواق و المطاعم و المقاهي بالبدلة
على العموم شكراً لك على التوضيح
و انصح العسكر بالتقاعد المبكر و الله راحة
خاصة إذا وضعك المادي ممتاز لا تفوت الفرصة
يضاربون بملاهي السيراميك لعب بحسبتهم ههههههه
الضابط غلط بهالتصرف احترم البدله الى عليك
الرتبه والبدله العسكريه لها حرمتها واحترامها ويا اسفي على بعض الرجال الي ما قدروا يدافعون عن رتبتهم وبهذه الفعله والتصرف الاهوج من موظف الاتصالات كانه ضرب جميع افراد القوات المسلحه
يجب محاسبه موضف الاتصالات . تجاوز النظام ولادب
أعجبني موظف الإتصالات لآبس ثوب وتواطأ في بطن موظف الواسطة !!!!
عسكرنا أغلبهم واسطات !!!!
في الصباح لآبسين الزي العسكري وفي الليل لآبسين طيحني بس مردغوه الرجاجيل !!!!
يوم ما قدر عليه قال يا حشاش !!!!
اولاهذا رجل امن وصقر من صقور الجزيرة مهما كان خطئه له مرجع يشتكى عليه وموظف الاتصالات ينبغي عليه ان يحترم رجل الامن بزيه العسكري لان في اهانته اهانه لدوله ويجب معاقبة كل من اعتدى على رجل الامن من الاخرين واخص صاحب الجنز الازرق لاحول ولاقوة الا بالله
بغض النظر من هو المخطي او اللي معه حق.. للأسف للأسف وبكل حرقه نحن نعاني من قلة الاخلاق وضعف الوازع الديني… نحن فقط اسم مسلمين والاخلاق صفرررررر.. الله يهدي جميع المسلمين ويوحد صفوفهم يارب..
ماهو ضابط هذا ورع توه دخل العسكريه وفرحان بالبدله ويهايط بها لكن جاااه بوقس من موظف اس تي سي نظيف ههههههههههههههه خل الهياط ينفهك عسكر اخر زماان
حسبي الله ونعم الوكيل الكل صب الغصب على الضابط طيب اكيد في سبب مهو معقوال بيضربوا بدون سبب ومتدري مين الغلطان
طيب يمكن موضف الاتصالات هو الغلطان ليش حكمتو علطول ع العسكري انه هو المذنب
الضابط غلط بهالتصرف .. والموظف وسخ
استغل ارتدائه البدلة .. بس التفحيطة
حقت الموظف خطيرة شكله معلم رقص
راب .. وودك باللي لابس بدلة رياضية انك
تجلده جلد .. خسيس مسوي نفسه يفرع
وهو يضرب .. ونطالب رجال الشرطة بضبط ذلك
الرجل الخسيس ومعاقبته على تصرفاته التي تدل
على كره رجال الامن والعسكر .. ولاتنسون ان الامير متعب
بن عبدالله وزير الحرس الوطني .. قد قال يلعن ابو اللي يكرهكم ..
الحشاش والله انت يالعسكري العقوبه ماخذها بالحيتك في النظام لا يجوز للعسكري التجول بالاماكن العامه بزى العسكري خارج الدوام الرسمي الامر الاخر قلتله حشاش اما ان يثبت ام تدينه الامر الاخر
حلوه الامير يضرب الي يبي اتوقع انه يضرب الي يشوفه رخمه مايقد يرد عليه
الظويبط هذا يستاهل.
قل ادبه ع الموظف ويستاهل ماجاه.
من يحترم يُحترم
هذي الواساطات اللي دخلت أغلب خريجين الكليات العسكرية السمرمد الحونش قليلين الحيا والرجولة .. قسم بالله خسارة فيه حارس أمن
هذه الاشكال اللي ما تصير رجال الا اذا لبست البدله واجزم انه المخطي
وبيض الله وجه موظف الاتصالات خنقه شل حركته هههههههههههه
اشوف واحد جالس يأشر بيده للتصوير
فعلا مجتمعنا يعشق الفظائح
ياناس ان الله ستير يحب الستر
استروا على الناس عشان ربي يستر عليكم
بالفعل صرنا مسخرة لكل العالم اخرها واحد يصف الشعب السعودي بأنه مستبقر ومستحمر
للاسف هذا يعد قدوه على مستوي الدوله ووحدته و كعسكري ضابط يعلم الله اني تالمت برئيتي الهذا الضابط وهو يستخدم رتبته فى موقع عام والمبادره بضرب موضف هو فى موقع عمله ولا سيما وهو لبس الزى العسكري وانا رجل عسكري اعرف مامعنى احترامك الزي الذي تالبسه وتعتبر تمثل جميع العسكريين واين نضباط العسكري والقدوه ولا ليحترم فى وحدته بعد هذه الحدثه يجب ان يحسب باقصه عقوبه ليكون عبره
عقاب من اعتدى على رجل الامر بزيه العسكري ضروريه والواجب على موظف الاتصالات الاتصال على الدوريات الامنيه او الشرطه العسكريه هي المسؤوله عن العسكريين ومشاكلهم
الواضح من المقطع ان الجميع تدخلو مع زميلهم وحارس الامن يجب عقابه باقصى عقوبه
نهاية الشحطه ونت رسمي. تندحج. دحج. دحجوه ياخي.
قال أيش قال فرد أساسي كككككككككككككاااااااي
الضابط اذا كان نجمه وحده تراه يقدر يحرك اربعين جندي بس هو مابغاء كذا لو انا مكانه ماتكلمت دام الموضوع فيه مده يد اطلع اجيب كم جندي باالاوامر العسكريه ماحد يقدر يرفض
منهم اقول هنا ارهابي اخليهم يفقعون وجه الموظف
كلهم على العسكري ماهي مرجله يا رخوم لهدرجه حاقدين على العسكري واحد يشوته والباقين ماسكينه ومخلين الموظف يضربه حركات متوسطه انا امسكه وانت اضربه وبعدين ترى الهوشه على ايفون 6
الحق ينقال كلهم مدركين العسكري وموظف الاتصال مستفرد فيه والخال الوافد الي لابس جنز شات العسكري وطيحه مافي شي اسمه ضابط ولا زبال امش بالنظام محد يقلك شي
وقت دوامه الرسمي ممنوع مراجعة أي دائرة سوا حكومية أو خاصه إلا بإذن وبدون بدلته العسكرية
لايكثر بس جنود لقتلها زله على ضابط
انا اشوف الضابط الي اضرب وليس الموظف دققو في المقطع
ههههههههههههههههه انت وش تحس بوه يا بشار مخلي البلاد وجاي تعلق خخخخخخ
الظابط تارك مقر عمله ورايح بالبدله يتهاوش مخالف للنظام حتى لو ماتهاوش
وتلاقي السبب ايفون 6 ههههه المصور واضح انه يبغى يورط الضابط الايام هذه كل واحد ينتبه لنفسه ترى مافي الا تصوير وتنزيل على يوتيوب وفضايح
الاتصالات الهبله ذي. اكيد استفزت الضابط وكلهم عليه الرخوم مسوين فيها زملاء
الظابط جاي يخلص عندهم شغله زيه زي اي عميل بغض النظر عن البدله
اكسر يده كسر دامه ماهو محترم نفسه مين ما كان الا الضرب لا للفتنه بس يستاهل العسكري الي جاه
عز نفسك تجدها
الخطا من الجميع لكن ضرب موظف الاتصالات للضابط وعليه البدلة الرسمية ماراح تعدي بلاش راح يتحاسب الضابط بامرين الدخول الى جهة خدمية بالبدلة العسكرية والاخر استغلال المنصب اما موضف الاتصالات فسيحاسب لعدم احترام البدلة والاعتداء على العسكري بالضرب ولوطبق النظام سيوقف الضابط في كقر عملة مباشرة والموظف التوقيف حتى صدور الاحكام وسيتم البحث عن المصور ايضا وكل من مد يده على الضابط وسيحاكمون جميعا
قد يكلف الموظف الحكم وظيفته اذا ثبت اعتدائه على العسكري
ما شفت المقطع ” الرصيد بيطير ” 🙂
اللي لفت نظري في الخبر انهم يقولون ” التعليمات لا تسمح بمراجعة الضابط
لأي دائرة حكومية أو خاصة “! طيب كيف يسوي لمعاملاته الخاصة؟!!
شي عجيب فعلاً!!!
نتمنى السجن لهم كلهم جميعهم أخطو وتجاوزو النظام
مسكين يحسب ان الضابط مثل اﻻمير ويسوي الي يبيه ويضرب الي يبيه
تسلم يمينك يا موظف الاتصالات وربي عجبتني خصوصا البوكس الا في وجه الضابط وقام الضابط يركض في الصاله وفي الاخير بطحه موظف الاتصالات علي الارض وحط رجله في وجه
قسم بالله مايستاهل الرتبه لي عليه ….خلي الموظف غلطان ..لزم تكون انت يا ضابط الثقيل ..مو زي الورعان عقلك صغير …وخرتها لفظه سي يا حشاش ..هذا لفظ ضابظ…قسم بالله لزم ياخذو بحق الضابظ قرار صارم لان الموظف الاتصالات في عمله وهذا الضابظ تعي ع موظف في عمله …اي قرار سووفا ياخذوه …. لي متي الضباظ شايفين النفسهم في الرتبه ..اخرتها راح تموووت ماراح تندفن معك الرتبه ..غير العمل الصالح
ماهم رجال حرام الرجوله فيهم
اترك تعليقاً