أقدم زوج على تطليق زوجته بسبب عدم إغلاقها باب السيارة؛ كان الزوجان في نزهة بمعية طفلهما وعند العودة للمنزل قامت الزوجة بفتح الباب ونزلت وأثناء محاولتها مساعدة طفلها على دخول المنزل طلب منها زوجها أن تغلق باب السيارة فقالت له “أنت أقرب إلى السيارة” وفي ردة فعل سريعة قال “عليّ الحرام إن لم تغلقي الباب ما تجلسين في البيت” فاستفز ذلك الزوجة التي رأت في تصرف زوجها نوعًا من التحدي واستغلال سلطته ولي الذراع فعاندت ودخلت المنزل وجمعت ملابسها واتصلت بشقيقها ليحضر ويصطحبها إلى بيت والدها.
وقد حاول أهل الخير التدخل للصلح بينهم والتبرير للزوج بأنها لحظة غضب وقد يجدوا لها مخرجًا عند المشايخ ولكن الزوجة قالت وبشكل قاطع “إن السبب تافه الذي من أجله رمى يمين الطلاق” ومثل هذاالزوج الذي لا يقدر الحياة الزوجية ويرهنها بكلمة بسبب كهذا لا يستحق أن تعيش معه.
التعليقات
كلامك يابنت الجنوب هو أقرب الصواب من بين الردود المفروض الرجل يكون هو الحكيم يقفل باب السيارة ويعاقبها عقاب مو قاسي بل عقاب تأديب مثل يحرمها من الطلعه لفترة من الزمن الله يكملك بعقلك وماشاءالله عليك
اسمك يدل على شخصيتك يامتحررة روحي مصر ولا دبي يصلح لك اما هالبلد ماله مكان لأمثالك
من جاب طاري الاجنبيات يا مهندس سبك انا اتكلم عن طبيعة المسترجلات عموما
يا فر حة ما تمت
الله يصلحه الشيطان شاطر اصلا بعضهم يطلقون على الكبيرة والصغيرة كان قفل الباب. واحرمها الطلعه تنبلع شويه لكن طلاق الله لايبلانا فكروووووووو في عيالكم قبل صدور اي قرار في النهايه عيالكم هم الضحايا والله يهدي النفوس
كلمه علي الحرام صايره مع الناس زي كلمه الوووو
روح دور ع عربية تشفطك ,,, ماراح تلقى مثل السعوديات ياناقص عقل
خبر مستفز بمعنى الكلمه انا مالومها ان ماسكرت الباب مشغوله بطفلها وشايله شنطته وحايسه بعبايتها هاالمعاناة مايحس فيها الا الحريم زوج مستهتر سخيف
الرجل بتصرفه غير طبيعي ولا عملت شيئ خطاء يستوجب الطلاق حسب ما هو مكتوب ولكن احيانا الجهل له دور كبير او كان بينهم تراكمات من المشاكل والعناد فوجدها فرصه لبريح ويستريح وفي هذه الحاله تصرفه صحيح لان تراكم المشاكل والعناد تسبب الصداع وعدم الاستقرار
قسم بالله انها هي الي ذيبه مره ثانيه بعض الرجال يفكونهم من الهياط مسوي رجال علئ مره الرخمه فيه ناس ياصبر الارض عليهم ماعندهم الا طلاق وحرام ليش البنات مزروعين في الشارع والا وش السالفه هذولي يبيلهم من يجمعهم في وادي ويفك السباع عليهم ويصور
ويجب على الزوج احترام الزوجة ..ومراعات كلامه لها فهي ليست بهيمة ت..طيعه بإهانة نفسها
السالفة ان بينهم عود مدخن من اول
وللعلم ان اغلب مشاكل الزوجين تكون بسبب الفراش ولكن يتم التعبير بطريقة اخرى
والي مو كفو ياخذ بنت الناس لايظلمها ويرميها عند اهلها
يعالج نفسه نفسيا وجنسيا وفكريا وبعدها يتزوج
يا بنتي شو صار لوقفلتي الباب هذا زوجك مهو غريب يعني سمعا وطاعه وكل كلمه واثانيه ودني اهلي !اهلك ماصدقوا ان الله يفرجها عليكي بابن حلال (المعنى بالخير) الله يهديكي خلي الكبرياء ينفعك
كفووووووو يالذيب خلها تتأدب !!
.
وهذه القصة سوف تفتح عيون الاف النساء الغافلات عن بيوتهم وازواجهم اللي ما عاد همهن غير السوق رايحات جايات ومصاريف وقله اهتمام برجلها وعيالها .. قووووووووووود باي O_×
الزوج معه حق اذا ماطاعته زوجته في الصغيره ماراحت تطيعه في اكبر منها
الله يعوضه خيراً منها
يجب على الزوجه اطاعة زوجها وليس العناد والاستهتار بالزوج تعتبر زوجها مثل ابوها
كفو والله انها بنت رجال خليه يعرف سخافة عقله وين وصلته فكه منه هالسفيه
الزوجة : عزيزة نفس – بنت رجال – عقلها كبير
الزوج : سفيه بمعنى الكلمة
هذا ما اردت قولة وشكرا
الحمدلله والشكر تطلقها عشان باب سياره مالت عليك وعلى سيارتك
ما انتم فالحين إلآ بالكلمات هذة علي الطلآق وعلي الحرآآم .. صدق ضعف إيمآن وثقافة وفهم ورقي عندكم .. عمركم ماراح تتطورون لو إيش ماصار
أغلب رجال اليوم مافيهم خير تطلقون عشان كلمة أو قصيدة أو ماقفلت باب السيارة
أو أو ناقصين عقول
لو ماقفلته جريمة يعني .. ولا الكبريآء ذابحكم . شوف الأجنبي يفتح باب السيارة
لزوجته
وهذة الزوجة نست تقفله قفله يازوجها ياسمو الأمير شايف نفسك مدري
ع إيش .. زين ماسوت فيك
للجهل بقيه
خيرة
خبره له فكه الله من ذي الحية الرقطاء و بيرزقه الله خير منها
اختففووو على الحريم اللي مثل هالاشكال لا انوثة ولا نعومة كأنها رجال
طيب وبهذا الشكل هو ما طلق ولا نطق بكلمة الطلاق
يعني عليه بس بكفارة اليمين
القوة والفرعنه عند بعض الرجال يبي له عقاب صارم
حتى يتأدب من الهياطويصير إآدمي
كل واحد منكم عقله اسخف من الثاني …والرجل بطبيعته يحب يفرض رأية لكن إذا ماطاعتك هناك حل لنشوز بتدرج هناك عقاب اخر غير الطلاق …
والزوجة للاسف تتمتع بغباء منقطع النظير كل أمرأة تسعى للعناية بزوجها بل هو مسؤليه تسألين عليها وأنتي تستفزين زوجك وتعانديه هزلت .
لا وتتحدينه الظاهر انتي من النوعيه الي ماتجي الا بالعين الحمرا ..
الشيطان. شاطر. دخل من باب ضيق ( كضيق باب السياره) وتافه. وبعدها شتت اسره. لعنة الله على الشيطان.
اترك تعليقاً