لجأت زوجة عشرينية إلى الجهات الأمنية بمحافظة الدوادمي لإنقاذها من تعنيف وضرب زوجها الثلاثيني لها مستخدما “سلك كهربائي” مما أحدث إصابات خطيرة في جسدها.
وتشير التفاصيل إلى أن الجهات الأمنية تلقت بلاغا من امرأة تستنجد برجال الأمن للتدخل وإنقاذها من تعنيف زوجها بعد ضربها باستخدام (سلك كهربائي)، وعند مباشرة رجال الأمن للبلاغ وجدوا أن الزوجة تشكو من إصابات خطيرة، نقلت إثرها لمستشفى الدوادمي العام بسيارة إسعاف، وذلك حسب الزميلة “الوئام”.
وتمكنت الجهات الأمنية في محافظة الدوادمي من القبض على الزوج بعد مقاومة منه، وتم التحفظ عليه لاستكمال الإجراءات المتبعة وتولت الجهات المختصة التحقيق.
التعليقات
حسبي الله ونعم الوكيل عليهالله لايوفقه ولايرحمه
حتى لو اخطات حتى لو اخطات
اذا لايرد العيش معها فليعيدها لبيت اهلها
اين وصايا الرسول
اين الرفق
اين الرحمه التي اوصانا بها الرسول مع النساء
لاحول ولا قوة الا بالله
جنوبيه عيدك مبارك
هذا المفروض يغرمونه مليون ريال .
روح حط رجولتك في الشارع .. مو على زوجتك .
الله يكون في عون الحريم الأيام اللي طافت انتقلت كذا مرة على يد الزوج واليوم هذي القصة وما خفي اعظم يارب كن للمظلومات
حسبي الله ونعم الوكيل قال تعالى {فَإِمْساكٌ بِمَعْرُوفٍ أَوْ تَسْرِيحٌ بِإِحْسانٍ}
دامك ماتباها علامك علاها
لاتستعجلون الحكم عليه يمكن جايبه العيدفي نص رمضان ممكن الواتساب
ممكن اهانت احدوالديه
وبعدين القبيلي تعامله معاء الزوجه غير لان بنات القبايل مايقرعها الا العصاء
لازم وضروري يجرب السلك الكهربائي علشان يحس بانه بيضرب انسانة مش بهيمة.
المرأة أقوى من الرجل بعذوبة أنوثتها
الرجل أقوى من المرأة بعنفوان رجولته
لو وراها أهل متمادا بضربها لاكن استفرد بها بين الجدران قسم لوحصل لاحداخواتي ضرب بالسلك الكهربائي لاخذ السلك وضربة لين يغمي علية بنفس السلك
والله صح كلمك مضبوط ياخي شفت من زوجتك خلل مهمايكون اذا ماينترقع طلقها واذا ماتقدر تصرف عليها لاتصطرها مالها ذنب واذا شفت نفسك منتة كفو زواج من البداية لاتزوج والطيب يحط حرتة مو في زوجتة لا رح للشارع واظرب اي احد بدون اي سبب شف انت قدها والا بيندق خشمك عالم تمشي على ديزل
حسبي الله عليه ماعنده رجوله وين وصيه رسولنا الحبيب رفقا بالقوارير مير الله ياخذ حقها يااخي اهجرها كم يوم ولا تكلمها حتى تتعدل لو هي مخطيه لكن تضربها عساك للكسر
الحين يالعنزبتكع 50 الف وانت تضحك والا تخيس بالسجن يالمروح تترجل ع مرة
الله يكون بعونها واللي زيها مدري هل الرجال إذا تزوج يحسب إنها جارية إستعبدها علشان يذلها ماتبيها طلقها منت مجبور على العيشة معها . لما الوحدة تتزوج تكون طالبة الستر والحشيمة والكرامة وتتحمل بلاويك فيه مثل دايم تقوله أمي اللي مافيه خير فراقه اخير وربي عندي إني أعيش عانس عند أهلي بعزتي وكرامتي ولا أعيش تحت رحمة شبه رجال بوريني النجوم بعز الظهر أحترمه وأقدره وأقوم بخدمة بيتي وأصون عرضه بوجوده وغيابه وإنه يعاملني بالمثل لكن ذل وإهانة خليه عند أهله أبرك
الخبر عن زوجة اشتكت زوجها عسى الله يعينها لكن ياجماعة ماتدرون أيش الحكاية الزوج أكيد عنده أسباب أجبرته يلجأ لهذا اﻷسلوب اللي ماحد يؤيده فيه .. لكن الوصول ﻷسلوب الضرب معناها مافيه مودة وﻻرحمة كما ذكر في كتاب الله .. ومادام مافيه مودة وﻻرحمة ﻻبد فيه خلل ومن رأيي إذا العشرة مستحيلة كل واحد يروح لحاله وﻻضرب وﻻشي .
عاري من الرجولة تماماً
انها المخدرات ياساده ومع اﻻسف وقد انتشرت بشكل مخيف ﻻنه ﻻيوجد عقوبات صارمه
مهما عملت الزوجه او المراءه مايضربها الا واحد مسكين عقله نص لفه
مع انه فيه نساء ع حد علمي ماتمشي الا بالضرب وليس النساء فقط حتى بعض الرجال
بس فيه ضربت تاديب وفيه ضرب تعذيب لكن في وقتنا هذا اذا تضررت منها طلقها
مع انه زمان الزوجه تعرف ان مالها الا هالرجل وكانو يضربون النسأء في اعمده البيت وتتعدل
رفقا بالقوراير اكيد مو صاحي متعاطي او في عقله شي
تستاهل الملخ والسلخ وهالزوجات مايبيلهم الا الجلد عشان الوحده فيهم تتربى وتعرف قيمة زوجها…
.
.
طبعا هذا مو رأيي والعياذ بالله…هذا رأي كل رجل فاقد الثقه بنفسه وعاجز تماما عن استخدام عقله…
.
ولنا في قصة اشجع الصحابه عمر بن الخطاب رضوان الله عليه خير مثال في كيفية التعامل مع الزوجه والرفق بها والصبر عليها
هذا يهودي مًو مسلم تخيل لو هي أختك او بنتك هل ترضي عليها حسبي الله عليك ونعم الوكيل الله ينصرها من سابع سموات بدل ماتفرحها بالعيد تروح وتضربها وتقوم رجال الأمن الله يرد كيدك في نحرك وين حقوق الزوجه وين عطفك عليها وين حنانك علية انت قلبك حجر الله يكسر يدك الله ما يجعلها تشفي من إصابتها اللي وربي صلب يدك عنها وين ابوكي عنكي او اخوكي او اهلك كلهم هم ما يسلو عنكي عساء ماقدامك اللي العافية أنصحك لا تتنازلي وربي لو تنازلتي راح يذبحك عشان استعنتي برجال الأمن أشبال وزير الداخلية قاد المهمات الصعبة
حسبي الله عليه هذا مجرم المشكله الاهل يزوجون بناتهم عشان ينسترون ويتمنون لهم السعاده ويطيحون في شباب همج وقليلين تربيه او مدمنيين الله يستر على بناتي وبنات المسلمين ويرزقهم الازواج الصالحين يارب
اترك تعليقاً