انتقد العقيد فهد الهبدان الناطق الإعلامي بشرطة منطقة القصيم ردود فعل المواطنين التي أبرزها مقطع فيديو تداوله نشطاء على مواقع التواصل الاجتماعي أظهر عبر مشهد مستوحى من برنامج الكاميرا الخفية اثنين من المواطنين يلقيان بجثة ثالث على قارعة الطريق ويفران هاربين.
وقال الهبدان عبر حسابه الرسمي على موقع “تويتر” اليوم (الاثنين): “كاميرا خفية لرمي جثة في أماكن عامة أمام الناس ورغم تحفظي على الفكرة والأسلوب إلا أنها تظهر سلبية المواطن تجاه الجريمة”.
من جانبهم، رد متابعون على تغريدة المتحدث باسم شرطة القصيم، حيث أكد أحدهم أن سلبية المواطن نابعة من علمه أنه سيكون المتهم الأول لو بقي بجوار الجثة أو أبلغ الجهات الأمنية عنها، فيما قال آخر: “المعروف أن المبلغ عادةً ما راح يسلم من التحقيق والتوقيف”.
وأضاف ثالث: “ثقافة (لا تبلغ علشان ما تتورط) هي اللي خلتهم يهجون”، فيما قال رابع: “سعادة العقيد لو المواطن ما شاف من الشرطة عندنا تعقيدا وأحيانا حجزا في الشرطة لمجرد التبليغ لما رأيت هذه السلبية”.
من جهته، علق الناطق الإعلامي بشرطة الطائف المقدم تركي الشهري على المقطع وردود المعلقين، مشيرا إلى أن المقطع أظهر الدور السلبي للبعض وتخوفهم تجاه الإبلاغ عن الجريمة وأن هذا يؤكد على ضرورة التعاون مع رجال الأمن، مبينا أن الشاهد أو المبلغ له حقوق كفلها النظام وهناك الكثير منهم يتم تكريمه ماديا ومعنويا.
وأكد الشهري أن فريق العمل أخطأ بعدم تنسيقه مع الجهات المختصة وعرض نفسه والآخرين لمخاطر كبيرة، لافتا إلى أن الشرطة ترحب بأي مبادرة لرفع مستوى الوعي للمواطن والمقيم وأن التنسيق المسبق يساعد على ظهور العمل بشكل آمن ومستوى أفضل.
التعليقات
ايه هذي عادي تقدر تبلغ لانهم مب متهمبنك بشي اما لو شفت مثل ذا الموقف وجثه اذا بتبلغ او واحد بيشكون فيه هو انت
روى لي صديقي انه كان عند شخص بالصدفه فقال له انني مدعو الى وليمه فهل ترافقني وحينما وصلوا الى ذلك المكان وجدوا اناس مجتمعين وفيهم شخص يخطب ويحث على الجهاد ويقول سوف نخرج الكفار من ارض الحرمين بصراحه من واقع حبي لوطني وخوفي عليه من الفتن اتصلت بضابط وابلغته وقلت له انه في.. بجوار البحر بعدها اتصلت على الظابط للتاكد فقال انه مركز دعوي مصرح به من الجهات المختصه فقلت له في اي موقع فاخبرني بموقع غير اللذي حددت له فقلت له ليس ذلك والموقع منزوي ومظلم وبعيدعن الموقع اللذي تقصده وانا على استعداد ان ارافقك واريك ذلك الموقع من بعيد اتفقنا وعند ماتقابلنا وكان معه سيارته الخاصه افادني انه لايمكن ان نذهب بسيارته لانها تكون دوما معروفه للخارجين عن القانون فعرض علي ان نمشي بسيارتي ذهبت انا واياه واريته ذلك المكان من بعيد وكان الوقت ليلا .بعدها اتصل بي ذلك الظابط وشكرني وقال انه فلان وهو معروف لدينا بجنيد الفئه الظاله .ولم ينلني من بلاغي هذا اي مكروهبل كل احترام وتقدير وارتياح نفسي لي لان قدمت شيئا لوطني اللذي ترعرعت على ترابه
هههههههههههه بنص جبهه المبلغ يعني نسلم ع راسه ونقوله واصل يابطل
والله انك صادق
ياشباب لاحد يبلغ عن شي تبلغ مرمطوك وحققوا معاك تسكت قالوا المواطن رجل الامن الاول
الا المواطن الرجل المتهم الاول
عمي شاف واحد ميت في الصحراء وفرك والله على الوجه الى هالحين اصلامايدري لوكان فاقد لوعي بس له يمكن هالحين 13 سنه
يجب إعادة صياغة رجال الأمن من رأس القمة الى أخمص قدميها .. لأن الوعي في بعض رجال الأمن منعدم تماما .. حتى ينعكس ذلك على المواطن فيصبح رجل الأمن الأول بدل ما يكون خايف من التبليغ .
الآن. تلاحظون الناس. بالأسلحة. ويطلقون عليهم النار. وتسرقون أموال الناس بالباطل من ساهر. وغيره. وتريدون ان يتعاون الناس معكم. لا وألف لا. والله لو أشوف عسكري فيه الموت. ويبي نقطة ماء ما اعطيه. والا مشكلة. لأنك. ستجد سؤال وجواب ومشاكل. ما لك ومال المشاكل. نفسي نفسي ويا الله الخلاص. هذه هي الحقيقة. المواطن محتقر ومهمش.
فعلا انحش حكومه متخلفه انت مواطن انت متهم وتعامل في التوقيف كانك حيوان سلملي علي مسكت الثوب في الفم والنحشه ابعد عن الشر وغنيلوه
يقولي صديقي وهو معلم ، حصلت عند المدرسة مضاربة جماعية بين الطلاب
يقول كنت افك بينهم ، وفجاة صار طلق نار وانقتل احد الطلاب قال مع ان القاتل معروف
لكن استدعوه ثمانية مرات واخذوا نفس الاقوال المتكرره منه
يقول المره التاسعه قالهم والله ماني جايكم ، وسكتوا على هذا .
بالله كيف لو القاتل مجهول ؟؟؟؟؟؟؟
هههههههههههههههههههه وربي فله اهنييهم ع المقطع الصرراحه المفرووض لهم قناه كاميرا خفيه … نفسهم نفس غيرهم اللي عندهم قنوات ويصلحون مقالب بالنااس ععادي مافيها شي بس يتحملون ما يجيهم
فعلاً كم شخص راح فيها بسبب تبليغه عن جريمه
فيه شخص في جده ماشى في الشارع وكان هناك سياره مسرعه وصدمت شخص
وهرب من موقع الحادث وقام فاعل خير بنقله للمستشفى وهو على قيد الحياه ولكن بعد
وصوله للمستشفى توفي وتم سحب هوية من احضر هذا الشخص وتم توقيفه والتحقيق
معه وبعد ذلك تم اطلاق سراحه وبعد كل شهر شهرين يتم استدعاء هذا الشخص
والتحقيق معه
ماذا تسمي هذا سعادة العقيد فهد الهبدان وغير هذا الكثر عندما يقوم شخص ببلاغ عن
مخدرات او قضيه يتم تسريب معلومات عن الشخص المبلغ من قبلكم
وفيه مثل يقول ابعد عن الشر وغني له
للاسف القوانين والاجراءت الغبيه هي الي تخلي الناس مايبلغو ولايسعفو مصاب
لان الشهم بالبلد بيكون المتهم الرئيسي في اي قضيه وراح يخسر ممكن عمله وسمعته وكرامته عشان الشهامه
وهذا الي حصل لولد جيراننا عمل شهم وخسر عمله بسبب التوقيف الغير مبرر اذا احد بلغ خذو اسمه ورقم الهويه والعنوان بلاش تهدرو كرامت الانسان عشان انتم ماتعرفو تشتغلو صح
مقطع ممتع ومسلي شكرا صدى
عندنا مصيبه
لو تبلغ بهذلوك تحقيق وسجن وسين جيم
ماياخذون معلوماتك ويخلونك تروح
عشان كذا الناس تخاف
تقولي عن مثل ها الشعوب ،، والله هم من يستحقون الحياة ،،،،، كرامة الفرد الانسان لديهم فوق كل شئ سواء كنت مواطن أو مقيم لديهم.
حصل لي موقف لما كنت ادرس في امريكا ، كنت في البيت جالس وكانت الساعه تقريبا 2في الليل ، دق جرس الباب ، فتحت .. إلا وحده بنت .. قالت هيلب مي وطاحت من طولها داخل البيت ، اتصلت على الشرطه 199واعطاني مشغول ، قلت هذول شكلهم زي جماعتنا ، بعدين افتكرت .. كنت غلطان الرقم 119 ، ردوا عليا وقلتلهم الحكايه ، جيت ابغى اقلهم العنوان ، قالوا خلاص حددنا المكان ، مافي دقيقه ونص إلا و6 دوريات جت وبعدين بعد ربع ساعه جت سيارة اسعاف وسيارة مطافي ، كشفوا على البنت لقوها مدمنة مخدرات وشالوها بالاسعاف ، اخدوا اقوالي ، واعطوني موعد لو ابغى اجي المحكمه ارفع قضيه على البنت ، لا رحت قسم ولا توقفت ولا شي ،،،،،،، على فكره .. سيارة المطافي جت للاحتياط فقط .
ناس تدور قضاياء جديده
مافي ياقلبي لا احد يبرر انه مافي شي مدري وش
ترى اللي يشوف جثه يحط رجله ويفقع لانه ترى لو يبلغ ينكفش
لو يبلغ ينفكش يعني يقولون انت اللي ذبحته
يجي الناس اللي فوق يقولون انصدمنا من ردود فعل الناس ههههههه
واللة المقطع رهيب بين الخوف عند الناس
ذحين هالورع مالقى احد يربية ويقرصة على اذنة ويقلة بطل شقاوة يابابا…الرضعة تستناك.
أولاً يعطيكم العافيه على الكاميرا الخفيه كانت لطيفه ومستفاد منها
ثانياً صار الشعب كله عارف انه لو بلغ او شل الجثه او المصاب للمستشفى انه هو المتهم الاول
عشان كذا بيكون ثور لو اتصل على الشرطه او وداه المستشفى
لان النظام عندنا زي ماقال اخوي (طالب طب المالكي )متخلف ورجعي
ولاحد يبغا يتمرمط في فعل خير ويندم طول عمره
سلامي على صاحب الكرسيدا فك الباب مرتين من الفجعه
انا كنت في باب الريع في الطائف قبل سنتين ع الساعه 12 ليلا خلف محلات الدبابات رايت مروج يبيع المخدارات وعرض علي بضاعته بلغت 999 وع الساعه 1 اتصلوا عليه وحقووا معي لساعه كاملة سالوا عن اسمي رقم بطاقتي عنوان بيتي لوحة سيارتي وكاني انا المروج بالاضافة على هذا ان المروج كان بينهم وبينه مبنى واحد ولما شاف الشرطه هرب ولاطارده احد لذللك لو شفت مروج سلم ع راسه وقله يعطيك العافيه واصل يابطل حتى تسلم من شرة . لان عندنا نظام رجعي ومتخلف ان المبلغ هو المتهم الاول
اقول لو تبلغون ولا لو الشهامه خلتك توصل المصاب او القتيل للمستشفى
اعرف انك راح تنام في الحجز يعني راح تنام في الحجز
اترك تعليقاً