الشيخ العمر: وزارة العمل أصبحت موطنا للظلم

ياشيخ وينك عن قوله صلى الله عليه وسلم ((ألا كلكم راع، وكلكم مسئول عن رعيته، فالأمير الذي على الناس راع، وهو مسئول عن رعيته، والرجل راع على أهل بيته، وهو مسئول عنهم، والمرأة راعية على بيت بعلها وولده، وهي مسئولة عنهم، والعبد راع على مال سيده، وهو مسئول عنه، ألا فكلكم راع مسئول عن رعيته))

الأجانب لهم دولتهم هي تتولى شؤونهم

شكلك ياشيخ بينك وبين وزير العمل مشاكل

ياشيخ ماقد سمعتك تتكلم عن غلاء المعيشة ومشاكل السكن والفساد الإداري .

قال صلى الله عليه وسلم( من كان يأمن بالله واليوم الآخر فل يقل خيراٍ أو يصمت)
ياليتك تصمت ياشيخ.

الله يجزاك خير بامثالك ان شاء الله نصلح حال امتنا الاسلاميه ارجو من الجميع قول الخير او فليصمت فان له اجر في الصمت

ياشيخ إذا هامتك مصلحت الاجانب
أخرج معاهم

الله يستر علينا ياشباب بلدنا فيها خير يكفي الموطن والمقيم وزياده ليش جاين على الاجنبي وكل الي ياخذه طفاس يشغلون الناس عن الهوامير ويجون على الضعوف وبعدين اتقو الله في الشيخ قال كلمه حق هذي بلد الحرمين فيها حق لك مسلم واتقو الله على ماتكتب ايديكم

مع احترامي لك انت انسان قليل عقل ودين وصاحب شخصية حسودة وحقودة اولا كلامك مردود على نفسك ومافي احد بالدنيا يتمنى الموت لاي انسان بالدنيا يشهد ان لا اله الا الله وان محمد رسول الله فما بالك بانسان اعلى واكبر واعلم منك يااجاهل … كلام الشيخ صحيح مليون بالمية واذا كنت تحلم انك سوف تسكن في اعلى الابراج واكبر الفلل وانك سوف تعالج اطفالك عندما يطردون لك كل الاجانب فأنك تحلم وتتوهم وعشم ابليس في الجنة … ايها المتخلف كل القرارات وزارة العمل هي بس على الاجانب الغلبانة بس اما الاجانب اللي عائشين فووق ورواتبهم خيالية فأتحداك واتحدى وزارة العمل ان تطال منهم او تطردهم لانهم باختصار ناس فاهمة وذات نفوذ كبيرة وبفلوسهم يقدروا يسوا كل شي لصالحهم حتى ولو يريدوا ان يخلوك فراش عندهم يااغبي … هذه القرارت كلها سياسة في سياسة ولا نريد ان نتكلم اكثر في هذا الموضوع لان مستحيل تفهم انت ومن على شاكلتك مهما طولت في الشرح…وسلامة فهمك.

المدعو العمر لاهم له سوا ان يدافع عن الاجانب لانه بنظرهم مسلمين وانا اقولك يالعمر خلك في محاضراتك وفي تحرضيك ضد الحكومه ياليت تقول كلمه حق وتقف يوم من الايام مع ابناء بلدك ياليتك تتكلم عن البطاله والسكن والخدمات المترديه والا يمكن لك كم عامل وتستفيد منهم وتطلع منهم كم ريال.

انا يمني وانا مع القرار الف بالميه . . . بالعكس هالقرار جعل من اسرنا واهالينا ان نكمل دراستنا الى توقفت بسبب تساهل الحكومة مع العمال الان هالقرار نستطيع ان ندرس بالخارج . . واقولها الف مرة لليمني او غيره . . الوضع صعب بالمملكة هاجر ياعزيزي فالحكومة ليست من خدماتها توفير لك كل شي وانما بقانونها الخاص . . .

الله يحفظك ياشيخنا الفاضل ويقطع لسان كل من استهزء بالشيخ واسخر فهو عالم من علماء الامة شابت لحيته في طلب العلم وياتي من يجهل ابسط امور الدين لو طلب منه ان يعرف الاحسان لما عرف شي وياتي وينتقص الشيخ في رايه حسبي الله على كل مستهزء بالعلماء او انتقصهم

الحين جاي ادافع عن المتخلفين

انا اقول مستغرب من الذين يفرقون بين الناس مواطن واجنبي هل انت مسلم الم يقل الله تعالى لا فرق بين عربي وعجمي الا بالتقوى. الشيخ جزاه الله خير يتكلم براي الدين في هالمسأله وغيره يتكلم بهوى النفس يقول الله تعالى اني حرمت الظلم على نفسي وجعلته بينكم محرما فلا تظالمو “الخطاب للجميع مش للسعوديين والاجانب اظلوهم كما تريدون !!الاساء ماتحكمون وبعدين اللي يقولون الاجنبي اكل رزقنا ومستشفياتنا فاعلم اخي الحبيب ان الله يقول وفي السماء رزقكم وليس عند الاجنبي نحن ندعي العقيده السليمه ولكن نناقظ هذه العقيده عملا شيئين اختص بهماالله لنفسه الارزاق والآجال وانتبه اخي ان كل ماتكتبه مسجل عند ربك فقبل ان تكتب شيئا اعرضه على ضميرك ودينك فان وافق والا فانه الهوى

السلام عليكم ورحمة الله وبركاته….يا اخواان هذاالقرار له ضرر ومنافع على الجميع السعودي والاجنبي الوافد لكن المشكلة كل واحد يشوف القرار من جانبه فقط ومصلحتو اومن عدمها والحقيقة ان الضرر الذي سيلحق بالجميع اكثرمن المصلحة والله يعين الجميع ويهدي امة محمداجمعين….

ياليتكم تركزو علي المتسللين ومتخلفي الحج والعمرة أما من يحمل أقامة فالمواطن يستفيد منة بصرف التظر كونة كفيلة أم لأ .

كلمات في صميم الله يحفظك يالشيخ
تاريخ يحاكي ان قرن افريقي وشرق اسيا مايسمي بصقور شرق اسيا كانت
من الدول الغنيايه جداوكانت يد العماله موجود بكثره من كل مكان تم طرد جميع الوافدين
في اصبحت الدول فقيرةو هذاا رزاق من رب السماء
تقوا الله في بعض تعلقات من اصحاب القلوب المريضة تسب الشيخ وهو من العللماء الفضلين وصاحب كلمة حق

ياشيخ العمر لاتتدخل بشي يطيح قدرك عند المواطنين
وزاره العمل تعمل الواجب والصح وانت تقول لا الشرهه على الدوله الي عطتك وجه

اقول اللة ياخذ روحك ويريحنا منك يوم كل شى في هذى البلد صار للمراءة والاجنبى وكل من يساعدهم يوم معد لقينا شقة نستاجر منك وعيناتك صرنا نسكن في اقذر الاماكن لانة مايسكنون الا اجانب والشقة بسبعين الف والاجنبى يدفع من فين يجيب الفلوس هذى كلها والمستشفيات الفخمة لهم وحنا مركز صحى السلامة اربع من عيالى منى قادر اصلح اسنانهم ما غير على المهديات بندول وانت وعيناتك في افخم المستشفيات واللة لو طاحت راقصة جبتوها التخصصى بطائرة اخلاء باسرع وقت لكن عنداللة تجتمع الخصوم الابواب مفتوحة سنتين برقيات هذا والباب مفتوح

أنا في قرية شمال حائل

البنائين عندنا كلهم سواقين خاصين

لو أفترضنا وسفروهم

من اللي يشتغل ويبني بيوتنا ؟

يجي راعي الشركة والمتر اللي كان بقيمة 50 ريال يبنيه أي عامل

المقاول ياخذه بقيمة 170 ريال !!!!!!!!!!

بالعكس ضرر تسفير العماله خطير على المواطنين

الفترة الاخيرة الوزارة اصبحت موطن للضلم ….ههههههههه ….. بالله ياشيخ هههه اقصد ياهوه كم عامل على كفالتك ههههه

اقول والله البلد ماتستفيد منك غير البربرة الفاضيه وزارة العمل وزارة شريفه بقيادة عادل فقيه …… خلك في الدين افضل لك … وخلك مع عمالتك

البلد حالها ماشي بالبركه ..
ياليتك تكلمت عن حال المواطن وخليت الأجانب اللي كلن يدافع عنهم ويطالب بحقوقهم ..

كلامك صحيح ياشيخ عمر المواطن مظلوم مظلوم في هذا البلد وذلك نتيجة محاصرة الوزير الفقيه في رزقه مرة برفع رسوم العمل والتي يتحملها المواطن وليس العامل ومرة بالخط الاحمر ومرة بمخالفات نظام العمل لكون المواطن الذي لايستطع الاستقدام لن يستطع الاستعانه بالعمالة الموجوده في البلد والوزراء واعضاء مجلس الشورى والمشايخ ايديهم في الماء والمواطن ايديهم في النار ولا احد يدري عنهم ولكن لهم الله

والله يالعمر طحت من عيني بعد ماكنت الاول عندي الحين بتتصلح البلد من فساد الوافدين وانت تقول ضلم الله يسامحك ويغفر لك بس

ادري في عمالة زينه بس هم كمان فيه عمالة شيه وهم الاكثرية

توب ياشيخ لازم تتوب عن الي تقوله ضلمت مكتب العمل

ماعرفنا لك ياناصر العمر .. هالحين تقول المملكة بلد الخير .. وفي نفس الوقت إنت ومن هو على شاكلتك من جماعة الإخوان المفلسين تحرضون الشعب على الدولة وتحاولون تنشرون الفوضى والمظاهرات في بلد الحرمين .. أما بالنسبة للعمالة فالدولة مارحلت إلا المخالفين اللي غطوا الشوارع ونشروا الفساد ولعبوا في حسبة أم البلد أما النظامي اللي يشتغل عند كفيله ماتعرضوا له وقاعد يترزق الله في بلد الخير ..

اقول ياشيخ ارقد وانبصط احسبك عند الله عسير اجل تعرف حقوق الاجانب والسعودي مله حقوق في الدوله وينك عن الفقرا وينك عن الاعاطلين والاانت وعيلك معليكم خوف الفلوس تصرفلكم بخياش

الله يحفظك ياشيخ ويكثر من امثالك ( الصين بلد المليار وعايشين )

هذه مشكلة في عدم فهمك للواقع يا شيخ هداك الله
اجل تبغى الوافدين يبقوا وياخذوا فرص المواطنين العاطلين عن العمل
===

أنت تبي تتكلم على الحكومة وبس

لاتكون إخواني وحنا ماندري

ياشيخ خلك في أمور الدين _ وقرار العمل عين الصواب

علمائنا ودعاتنا والله مرضى نفسيين اكيد عنده كم فيزه وبتلش كيف يصرفها

ياخواني هل يعقل
تجديد اقامة تكلف هذا المبلغ
2400لوزير العمل
1200تامين
500الجوازات
150موارد بشرية؟؟؟؟
مع غرامة الف ريال
حسبي الله ونعم الوكيل

حسبنا الله عليك ولانسمع لك حسن تجاه حقوق المواطنين اللي ضيعهتا انت ومن على شاكلتك والدولة ايضا الا اجانب ونص اجل ايش تبي نسميهم ماعاد الا تعطيهم الجنسية وتسفرنا وعلى فكرة انا رحت لبلدان عربية ويسمونا وافد خليجي وما زعلنا وانت هنا خايف شعورهم واحساسهم واحنا يالسعوديين بالطقاق
اخرجوا الاجانب من جزيرة العرب
وشكلك من تجار الفيز
ولو عندك مصداقية تكلم عن المواطنين وعن حقوقهم ولا انت تبي الاجنبي يشتغل وحنا عاطلين
الله لا يردهم المشايخ اللي على شاكلتك لسانكم سم زعاف في الوطن

مرة سياسي ومرة اقتصادي وامرة اجتماعي مشاء الله كل شي يفهم فية الشيخ وقيس علية كل مشايخنا كل شي يفتون فية من الزراعة حتي صناعة الصواريخ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لزوم نبلغ الشيخ بالسالفة . لأن شكلة ما يعرف السالفة . الله يجزاة خير

المشكله اللي يطرح والعماله اللي تتكلمون عنها يشتغلون ومعهم اقامات بس يشتغلون عند صاحب عمل ثاني والللي يتكلم ان العماله اكولنا بتشتغل انت وياه مثلهم سواء بقاله او مغسله اوغيره
اولا القرار غير مدروس ابد وضار لاصحاب العماله
ثانيا شي لو فيه ترحيل للعمال ليه مايرحل العماله المتخلفه اللي مليانه مكه والمدينه وجده والرياض وتحصلهم في الحرم وهم وحريمهم يبيعون ويشحدون .. امس بالحرم بالمدينه حصلت وحده عبده مع عيال اثنين صغار والمشكله انهم بيضان واستغربت منها قلت يمكن خاطفتهم وتمشي عادي وكم مره شفنا مقاطع لاطفال يقصص ايديهم ويشحدون فيهم بمكه والامن عادي مايقدرون يمنعونهم او اقل شي يتحققون من الاطفال اللي معهم
اللي نبيه ان الحريم السود اللي عنده الحرم والرياض وجده بالشوارع تشحد يرحلوون
خربو سمعة السعوديات هي افضل من حملتهم ضد العماله اللي معهم اقامات ويرحلونهم اكيد السعودي اللي مشغله عنده مستفيدمنهم واتوقع مافي فرق اشتغل عند كفيله او غيره ,, اهم شي انه نظامي كذا راح يتضرر كثير من اصحاب العماله
حاولو انكم تبعدون العماله اللي بدون اقامات

حقيقة ما جاب الوافدين وسيبهم إلا المواطنين وياكلوا من ظهورهم ومن مخالفاتهم بدءاً من إنشاء المؤسسة الوهمية التي يشترك فيها كل من المتستر والبلدية ومكتب العمل والغرفة التجارية وانتهاء ببيع الفيز على عشرين ألأف ثم مص العامل حتى إن التجديد صار يكلف سنوياً حول الثناية آلاف ريال ما بين الدولة والمعقب وأصحاب الطاولات اللي ما تشتغل إلا من تحت , ثم إن العامل اللي اشترى الفيزا لماذا لا ترد له فلوسه ويتم معاقبة راس المشكلة (المستقدم) , وترحيل المخالفين مشروع لكن بعد استيفاء حقوقهم أما التعبئة ضدهم حتى صار التفكير الجمعي أ، مالهم حقوق وخلاص أكلوا البلد فيه إجحاف

واضح ان الاخ ماقد نزل لشارع من فتره طويله ولاقد ساق سياره ولا يدري عن الكم الهئل من المتخلفين الذين عاثو فساد في الارض ويبغا يدافع عن الخدم والحشم حقينه لانهم اقربله من الشعب السعودي

هولاء الشيوخ عايشين في نعيم واخر شي يفكرون فيه المواطن الظاهر والله اعلم ان المواطنين عندهم غير مسلمين هذا يدعوا الى عدم طرد الاجانب وفتح المجال للمواطنيين

لم تصب في قولك شيخنا الكريم , غفر الله لنا ولك

بل يتمنى المواطن عدم وجود تلك المهلة والاستمرار في تطبيق النظام الصحيح للاقامة داخل حدود البلد , واهل الارض احق بالعيش فيها واحق بخيراتها الى ان تنتهي قصة الحدود التي رسمها الاستعمار في دول الجوار..

المواطن هنا يعيش في ازمات كبيرة بسبب غلااااء المعيشة واحتكار الاراضي بغير (حاجة) واحتكار توزيع الموارد في البلد

نسال الله تعالى الفرج وان لايجعل فتنتا بيننا وان لايجعل الدنيا اكبر همنا وان يخلص البلاد والعباد من المفسدين

وينك يالطيب عن ظلم ساهر
والامادريت
شفني علمتك وريني همتك الله يجزاك بالخير

الشيخ العمر واقعي
ولاحظو منهو يشتغل في الاسواق ومنهو يوصل الطلاب للمدارس ومنهو يشتغل في المقاولات وفي قطاع الهندسة المعمارية
لابد يكون فيه تأني في القرار
انا مع ترحيل الاجانب المفسدين فقط

يا شيخ ناصر الوضع هو امر اقتصادي واجتماعي وامني . لكن انت تتكلم بعاطفه للاجانب للاسف . يا شيخ الله يجزاك خير يا ليت تفقه في امور الدين فقط هذه الاشياء تحتاج الى خبراء وليست لك . وتعرف مضايقة الاجانب للسعوديين في القطاع الخاص . وزارة العمل لديها خبراء في الموارد البشريه ونسبة البطاله مرتفعه ونسبة التسلل كذلك وضغط على البنيه التحتيه من والخدمات من العماله وكل انسان رزقه الله كاتبه سواء اجنبي او لا في اي مكان . لكن لا تتكلم على حساب الفوضى في سوق العمل . الله يحفظ بلدنا .

سبحان الله
.
هذا المدعو العمر يوجد مثله وعلى شاكلته كثير
.
مسخرهم الله للاجانب وناسين المواطن السعودي المسكين
.
يعني مايكفي تبرعاتكم بالمليارات اللي تصرف خارج السعوديه
.
جاي ذلحين تدافع عن الاجانب
.
ويقول لاتسمونهم اجانب
.
ويمكن يفضلهم على السعودي
.
لا يامال الماحي
.
.
.
.
.

يا شيخ عمر الحكومة قاعدة تخرج الناس الي ما لهم داعي في البلد دي والي قاعدة على حساب المواطن الغلبان ولازم تحارب وتقاتل الحكومة علشان تقضي على الاجرام والفساد وغيره بس انت خليك الله يبارك فيك حاجات دينية احسن خلي الناس تشوف شغلها

هذه مشكلة في عدم فهمك للواقع يا شيخ هداك الله
اجل تبغى الوافدين يبقوا وياخذوا فرص المواطنين العاطلين عن العمل
سواء في بعض الشركات او المحال التجاريه اللي احتلوها
وكذلك ينشروا الفساد باخلاقهم التي جاؤا بها من بلادهم فبعضهم خريج سجون ومجرم
هل هذا مجرد راي لمعاداة وزير العمل لانك مختلف معه في امور اخرى

هداك الله بس ونور بصيرتك للحق